السلامُ علیکم ! سال 2011 آیا اور آکر چلا بھی گیا ، بالکل بھی پتہ نہیں چلا کہ کس طرح یہ سال ختم ہوگیا. اسی طرح ایک دن ہماری زندگی بھی ختم ہوجائے گی اور ہم خوش فہمی میں رہ جائیں گے کہ ابھی وقت ہے. سال 2011 میں مجھے بہت سے اچھے چاہنے والے دوست ملے اور ان سے بہت سارا پیار ملا. اور اسی سال زندگی کی بہت سی حقیقتوں سے روشناس ہوا. اور بہت سے ایسے رشتے، تعلق جن کے بارے میں سنا تھا کہ یہ بدل جاتے ہیں واقعی ان کو بدلتے ہوئے دیکھا اور میں نے اپنے اور پرائے کی پہچان سیکھی. اس سال مجھے زندگی نے بہت کچھ سکھایا . اس سال جہاں بہت سارے چاہنے والوں کا ساتھ میسر رہا اسی طرح بہت سے پیارے ہمیں چھوڑ کر چلے گئے اور جو ہمیشہ یاد بن کر ہمارے دلوں میں محفوظ رہیں گے. اسی طرح یہ سال پاکستان اور پاکستانی سیاست میں بھی بہت ساری تبدیلیاں لایا.
میں اگر اوورآل اس سال کا تجزیہ کروں تو میں اللہ پاک کا جتنا بھی شکر ادا کروں اتنا کم ہے. یہ مجھ پہ اللہ پاک کا فضل ہی ہے کہ میری اتنی کوتاہیوں اور نافرمانیوں کے باوجود مجھے بے حساب دیئے ہی جارہا ہے.

ابھی سال 2012 شروع ہونے کو ہے اور میری اللہ پاک سے دعا ہے کہ وہ اس سال کو ہم سب کے لئے مبارک کردے اور اس سال کا سورج ہم سب کےلئے اور ہمارے ملک پاکستان کےلئے خوشی کی نوید بن کر ابھرے. آمین

__________________