اِقراء جیسی سمجھدار ،خوبصورت اوربصیرت والی خاتون مَیں نے زندگی میں کم ھی دیکھیں ۔ چند دن بعد ھی غیر حاضری پر مَیں نے ساتھ بیٹھی خاتون سے پوچھا توو ہ کہنے لگی کہ اس کے شو ھر نے دوسری بیوی کے کہنے پر اسے طلاق دے دی ھے ۔
مَیں سکتے میں آگئی کہ وہ عقل کا اندھا پچھتائے گا ضرور۔۔۔۔۔ اور پوچھا کہ اس کے بچے کتنے ھیں اور کتنے بڑ ےھیں ؟ تو مجھے علم ھؤا کہ '' اپنے بیٹے کی اوچھی حرکات کا اس کے والدین کو بخوبی علم تھا جبھی انہوں نے اپنا گھر بھی بہو کے نام لگوا دیا۔
اقراء کے شوھر کا پی، سی ، او تھا۔ ایک بڑھتی ھوئی عمر کی لڑکی نے گھروں میں کام کرنے کی بجائے یہاں کام کی ٹھانی کہ شاید کوئی بے وقوف قابوآجائے۔
چند دن ھی میں اقراء اور اس کے ساس، سُسر نے اپنے بیٹے میں ھوتی تبدیلی بھانپ لی۔ اسے سمجھایا ،بچوں پر پڑتے بُرے اثرات کی طرف توجہ دلائی مگر اس کے رویے میں تبدیلی نہیں آئی۔۔
لڑکی نے چھپ کر نکاح کا کہا اور اس نے حامی بھر لی۔ چند ھی دن خاموشی میں گزارنے کے بعد دوسری بیوی نے کہا کہ تم اپنی پہلی بیوی کو طلاق دے دو۔ وہ بولا مَیں کسی صورت بچے نہیں چھوڑ سکتا ۔اب سوتیلی ماں نے پنتیرا بدلا اور بولی بچے تو مَیں سنبھالوں گی تم فکرکیوں کرتے ھو۔
قصّہ مختصر، پہلی بیوی کو طلاق نامہ بھیج دیا گیا جسے ساس، سُسر کی مرضی پر پہلی بیوی نے لینے سے انکار کر دیا۔ وہ آیا اور بچے لے جانے لگا ماں تو اکڑ گئی کہ میری زندگی میں اور بچوں کی مرضی کے خلاف تم ایسا نہیں کرسکتے۔۔
وہ آخرکار دونوں بیٹے لے جانے میں کامیاب ھوگیا جبکہ بیٹی کو اس ان پڑھ مگر سمجھدار عورت نے یہ کہہ کر دینے سے انکار کردیا کہ میری بیٹی کے لیے تمہاری دوسری بیوی کے بھائی ،بھانجے، بھتیجے ،ماموں یا چاچا سمیت انکے بیٹے، غیر ھیں تو وہ اک باحیا نگاہ میری بیٹی پر کیونکر ڈالیں گے؟
وہ بے وقوف یہ سب کیوں نہ سوچ سکا اور چلتّر عورت کے جھانسے میں آ گیا، یہی سوچتے سوچتے وہ والدین کے گھر سے بوجھل قدم ودل سے لوٹ آیا۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔ اب پچھتائے کیا ھوت، جب چُگ گئیں کھیت۔۔۔۔۔۔۔از۔عروج۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔