مجھے درزی کی دکان تک جانے کے لیے ایک گلی سے گزرنا پڑتا ھے۔ وھا ں ایک منظر دیکھا کہ پاؤں منّ بھر کے اور صدمے سے آنسو جاری ھو گئے۔ '' ایک کارنر کی بیسمنٹ والی دو منزلہ بڑی سڑک کو رخ والی یعنی وسیع اور قیمتی کوٹھی مگر باپ بوڑھا مگر بیمار نہیں وھی بڑھاپے کی کمزوریا ں یعنی پیشاب اور تھوکنے کے مسئلے۔ اس کا حل بہو نے یہ نکالا کہ گلی کی سائڈ پر ھمارے ھاں صحن چھوڑا جاتا ھے واٹر ٹینک کے لیے۔ اسی صحّن کو آدھا بند کرکے اوپر چھت ڈال دی گئی اور آدھا گیٹ مستقل بند کر کے اس میں کموڈ فٹ کردیا مگر چھت کے بغیر ھی۔
باقی صحن میں ایک چارپائی ھی کی جگہ تھی سو باباجی پیڈسٹل فین لگا کر لوڈشیڈنگ میں بھی وھیں پائے جاتے۔ ایک دن گزرتے وقت بابا جی نے مجھے بلایا ھاتھ میں سوئچ دیکھ کر مَیں رک گئی اور مدد کا سوچا ان کے کمرے میں سوئچ لگاتے وقت مَیں نے ایک طائرانہ نظر کمرے پر ڈالی کمرہ لکڑی کی بڑی سی کتب کی الماری سمیت دیگرسامان سے اٹا پڑا تھا کہ سوائے اندر جانے کے راستے کے ایک چارپائی ھی کی جگہ تھی۔ حالانکہ ھمارے سیکٹر میں صحن کی جگہ کا یوں استعمال منع ھے۔ خیر بجلی نہ ھونے کے سبب پنکھا نہ لگا اور مَیں بولی کہ شاید بجلی نہیں ھے۔میری آواز سنتے ھی ان کی نوکرانی کچن کے دروازے سے جھانکی اور اپنی مالکن کو مطلع کیا کہ لمحوں میں وہ نازل ھوگئی جبکہ باباجی کی آواز کودونوں نظر انداز کرچکی تھیں آکر کہنے لگی ''اوہ ھو یہ بابا بھی بس''
مَیں نے پوچھا کہ ان کا بیٹا کیا کرتا ھے بولی بہت بڑے کالج میں پروفیسر ھے اور شرمندہ سی مجھے تکنے لگی یہ بابا جی گاؤں کے رھنے والے ھیں نا۔۔۔۔ مَیں یہ کہتے ھوئے چلی آئی کہ ھاں بھئی ھمارے والدین کی چاھت کے برابر ھماری چاھت کیسے ھو سکتی ھے کیونکہ حضرت آدم اور اماں حوّا کے والدین جو نہیں تھے''
مجھے باباجی کی اس سوچ پر دکھ ھؤا کہ غربت اورگاؤں کے باوجود اپنے بیٹے کو اعلٰی تعلیم بڑھاپے کے سُکھ کے لیے دلوائی جو کہ بیٹے کی آخرت اورباباجی کے بڑھاپے کے لیے بے فائدہ رھی۔
جبکہ بیٹے کی بدقسمتی پر افسوس ھؤا کہ اتنے بڑے گھر میں سے باھر باباجی کو ڈالتے وقت انکے احسانات اور قربانیوں کا نہ سوچا تو آخرت اپنے ھاتھوں ھی برباد کر لینے کا سبق کسی کتاب میں سے بھی نہ پڑھ پایا ۔۔۔۔۔ رھا تو پروفیسر بن کر بھی ان پڑھ اور زن مُرید۔
آجکل مجھے وہ دروازہ بند اور چارپائی خالی نظرآتی ھے تو دل سے دعا نکلتی ھے اللہ نے باباجی کو شاید پرسکون ماحول کے لیے بلا لیا ھو۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔