شاید آپکو معلوم ہو کہ ہم پاکستانیوں کا انگریزی زبان میں تلفظ اور لہجہ انگلینڈ ، امریکہ اور دنیا کے کئی دوسرے ممالک میں کافی حد تک مشہور ہے ۔عام طور پر ہم انگریزی کے ہر لفظ کو کم سے کم Syllables یا حصوں میں کہنے کی کوشش کرتے ہیں اور پھر ہر حصے کو دبا دبا کر بولتے ہیں۔ اس اور کئی دوسری وجوہات کی بنا پر ہماری گُفتَگُو ان ممالک کے لوگوں کو مذاحیہ حد تک انوکھی لگتی ہے . اس خصوصیت کی وجہ سے ہمارا لہجہ انکی فیلموں، ٹی وی، محفلوں وغیرہ میں مزا حیہ تفریح کیلیے استعمال کیا جاتا ہے۔


بہرحال پاکستان میں گفتگو کے دوران انگریزی کو اردو کے ساتھ مکس کرنے والے لوگوں کی کمی نہیں۔ زندگی کے ہر موضوع میں سیاسی سے لیکر مذہبی تک، لوگ انگریزی کا کم و بیش استعمال کرتے نظر آتے ہیں۔شایدان کے تو وہم و گمان میں بھی نہیں کہ وہ اسےانوکھےانداز میں بولتے ہیں یا پھر کوئی اسکا مذاق بھی بنا سکتا ہے۔

 اکثر لوگوں کا تلفظ اتنا Clear یا صاف نہیں ہوتا ہے اور کبھی کبھی تو گفتگو سنتے ہوئے زور لگا کرسوچنا پڑتا ہے کہ کونسا لفظ استعمال کیا گیا ہے مثلاً جب کوئی شخص لفظ Coalition کہتا ہے تو لگتا ہے کہ وہ Collision کہ رہا ہے۔ اس قسم کے کنفیوزنگ تلفظ کی ایک بڑی وجہ یہ ہے کہ ایسے الفاظ کو بولتے وقت نہ ہی تو انکے ٹھیک طرح سے حصے کیے جاتے ہیں اور نہ ہی ٹھیک حصے پہ زور دیا جاتا ہے۔آپ کو شاید یہ سن کر حیرانگی ہو کہ تلفظ کا یہ انوکھا پن نہ صرف کم تعلیم یافتہ پاکستانیوں بلکہ ہمارے ملک کے بڑے بڑے پڑھے لکھے لوگوں، گورنمنٹ کے وزیروں آرمی کے جنرلوں وغیرہ کی انگریزی میں بھی کثرت سے ملتا ہے۔


کئی الفاظ جو انگریزی زبان سے اردو میں داخل ہو ے ہیں ، ہمارا انکا تلفظ باقی دنیا سے بلکل الگ تھلگ ہے۔ میں تو نہیں کہہ سکتا کہ یہ تلفظ غلط ہے مگر مجھے یہ ٹھیک بھی نہیں لگتا۔ میری رائے میں انکا اصلی تلفظ سیکھیناچاہیے ، ایسا نہ ہو کہ ایک دن ہمیں کہیں شرمندگی کا سامنا نہ کرنا پڑے۔ ایسے الفاظ کی چند ایک مثالیں اس نیچے والے ٹیبل میں ملاحضہ فرمائیں۔


اگرچہ میں نے یہاں چند ایک کا ذکر کیا ہے، ہماری زبان میں اس طرح کے غلط تلفظ سے استعمال ہونے والے الفاظ کی کمی نہیں ہے۔اگر آپکے زہین میں ایسے کوئی الفظ ہیں تومجھے بتانا نہ بھولیے گا، میں آپکو ان کے اصلی تلفظ ڈھونڈ کر بتانے کی کوشش کروں گا۔

 انگریزی زبان کےالفاظ کا تلفظ سیکھنےکیلے ایک بڑی مشکل ایسی ہے جو صرف ہمیں نہیں بلکہ اس کو سیکھنے والی دنیا کی دوسری قوموں کو بھی پیش آتی ہے۔ اگرچہ اس اہم بین القوامی زبان کو لکھنے کیلے اس کی پٹی میں صرف پانچ واول (vowel) دستیاب ہیں، سٹینڈرڈ انگریزی بولنے والے کم از کم پچیس قسم کی واول آوازیں استعمال کرتے ہیں جو نہ صرف ایک بلکہ دو اور تین واولوں کے ملنے سے بھی پیدا ہوتی ہیں ۔


پاکستان میں اکثر لوگ اس زبان کو اپنے پڑھانے والوں کی طرح کتابوں سے سیکھتے ہیں اور اس دوران نہ تو وہ اسے مادری زبان کے طور پر بولنے والوں سے سنتے ہیں اور نہ ہی انہیں کسی ایسے شخص سے بات کرنے کا موقع ملتا ہے۔ضروری انگریزی واول آوازوں کی پیچان تو در کنار، وہ اسکی تعلیم مکمل کرنے کے بعد بھی ان سے کافی حد تک لا علم ہی رہتے ہیں۔ یہی وجہ ہے کہ ان کے تلفظ اور لہجے میں بہت مخصوص اور انوکھی قسم کا فرق پیدا ہو جاتا ہے ۔

عام طور پر ہم نا مناسب یا پانچ واولوں (vowels) کے سہارے سے الفظ کا تلفظ ادا کرنے کی کوشش کرتے ہیں۔ ایک دفعہ جب یہ تلفظ عادت کی شکل اختیار کر لیتا ہے، ُپھر اس سے چھٹکار آسانی سے حاصل نہیں ہوتا البتہ اس سے چھٹکار پانا نا ممکن بھی نہیں۔جو پاکستانی انگلینڈ یا امریکہ میں جا کر رھایش پزیر ہو تے ہیں انکے بولنے کا انداز ایک لمبے عرصے کے بعد بھی کچھ زیادہ نہیں بدلتا کیونکہ اس عادت کی وجہ سے وہ جس طرح مقامی لوگوں سے انگریزی سنتے ہیں اسطرح بولتے نہیں۔ اس کے بر عکس ان کے بچے جو وہاں پلتے اور تعلیم حاصل کرتے ہیں وہ مادری زبان کے طور پربولنے والے مقامی لوگوں کی طرح ہی انگریزی بولتے ہیں۔ کیونکہ وہ اسے پڑھ کر نہیں بلکہ سن کر سیکھتے ہیں اور واولوں (vowels) کی تمام ضروری آوازوں سے آشنا ہونے کے ساتھ ساتھ ان کا ٹھیک طرح سے استعمال بھی کرتے ہیں۔

زیادہ تر پاکستانی اور انڈین لوگوں کا انگریزی میں تلفظ اور لہجہ کافی حد تک ملتا جلتا ہے تا ہم اکثر دنیا کی ہر قوم کا انگریزی میں ایک مخصوص لہجہ ہے جو ان کی شناخت کا ایک اہم حصہ ہے۔ایک طرف ان میں سے کچھ قوموں کا لہجہ سٹیٹس سمبل کی حثیت رکھتا ہے تو دوسری طرف کچھ کو اپنے لہجوں کیوجہ سے نا قابل قبول امتیازی سلوک سے دوچار ہونا پڑتا ہے۔

امریکہ اور انگلینڈ کے لوگوں کا انگریزی زبان میں لہجہ الگ الگ ہے البتہ امریکہ والے انگلینڈ کے اونچے طبقے کے لہجے کو بہت رشک سے دیکھتے ہیں۔ اس اونچے لہجے میں بولنے والے پچیس سے بھی زیادہ انوکھی واول (vowel) آوازوں کا استعمال کرتے ہیں۔انڈیا اور پاکستان کے اونچے طبقے والے بھی اس کی نقل کرنے کی بھر پور کوشش کرتے ہیں۔

اس موضوع پر کہنے کو تو ویسے بہت کچھ ہے البتہ فی الحال اسے یہیں ختم کرتا ہوں۔ اگربعد میں آپ نے اس پرسوالات پوچھے تو مزید روشنی ڈالنے کی کوشش کروں گا۔یہ تحریر میں نے اپنے تجربے اور مشاہدے کی بنیاد پر زیادہ تر آپکی معلومات کے لیے لکھی ہے لیکن امید کرتا ہوں کہ اس سے آپکو اپنا انگریزی تلفظ بہتربنانے میں کچھ راہنمائی اور مدد بھی ملے گی۔

__________________