عرب کے ایک ریگستان اور مشکل ترین حالات میں پھیلنے والی وہ دعوت جسے آج دُنیا میں آئے چودہ سو بتیس سال ہوچکے ہیں، اُس دعوت پر لبیک کہنے اور ماننے کا ڈھونڈورا پٹیتے ہوئے ہمیں پینسٹھ سال کا عرصہ ہوچکا ہے۔

ان چودہ سو بتیس سالوں میں ہم نے باہمی چپقلش و ررقابت کا جو سلسلہ شروع کیا تھا وہ حضرت عثمان غنی رضی اللہ عنہ کی شہادت سے لے کر کراچی میں ملنے والی سر بُریدہ لاش تک جاری و سار ی ہے۔

ہم اُمتہ وسطی اور کنتم خیرا اُمۃ کے القابات کے طوق گلے میں پہنے بڑی شان سے ایک دوسرے کو قتل کیئے جا رہے ہیں۔ افسوس پچھلے چودہ سو سال ہمارے شرمناک کارناموں سے بھرے پڑے ہیں۔ ایک اللہ ، ایک قرآن اور ایک رسول کی پیروی کا دعوا کرنے والوں نے ان چودہ سو سالوں میں کئی سو فرقے اور گرہ پیدا کیئے اور ہر فرقے نے خود کو صداقت اور امانت کا امین ٹہرایا ۔
چند سو سالوں میں جنگل کی سی آگ کی تیزی سے پھیلنے والی سلطنت ہر آنے والے دن کے ساتھ سکڑتی چلی گئی اور ہم محض اپنے آباء کے کارناموں پر فخر کرتے رہے۔

قرآن انسانوں کو کفار، مشرکین، منافیقین اور مسلم و مومنین جیسے طبقوں میں تقسیم کرتا ہے مگر ہم اُس سے بھی آگے گئے اور "ملحدین و ذنادیق" جیسے طبقے ایجاد کیئے اور خود پر کی جانے والی تنقید کے باوجود خود کو مسلمان سمجھنے والے لوگوں پر ان الفاظ کو چسپاں کیا۔

ہم نے قرآن میں مذکور سزائوں کے علاوہ سزائیں ایجاد کی اور اپنے ہی لوگوں کو رجم اور سنگسار کیا۔ قرآن نے " لَااکرَاہ فی الدینِ" فرمایا مگر ہم نے"إِنَّ اللَّـہ اصْطَفَىٰ لَكُمُ الدِّينَ" کی روشنی میں اس دین کو چھوڑنے والوں کی سزا موت تجویز کی اور اسلام سے واپسی کا دروازہ بند کردیا۔ ہم دوسرے مذاہب کے لوگوں کو تو اپنے دین داخل کرنا ضروری سمجھتے ہیں‌لیکن خود سے پھر جانے والوں کو موت کی عبرتناک سزا دیتے ہیں۔
ہم نے شاتمان رُسل کی کوئی تعریف کیا بنا اس عمل کی سزا موت تجویز کی اور خود ساختہ روایات کی بُنیاد پر اسے قانون بنایا۔

ہم نے خود پر کی جانی والی تنقید پر تشدد کا رویہ اپنایا اور ہر نئی چیز اور بات کو "الحاد و ذندیقیت"کی نظر سے دیکھا۔انبیاء کے وارثین نے ایک دوسرے کے خلاف فتاویٰ دیئے اور ایک دوسرے کو کافر ، مشرک اور خارج فی السلام قرار دیا ۔ تو اگر ان فتاویٰ‌کو درست یا غلط مان لیا جائے تو ان فتویٰ کے دینے والے علماء کی کیا حثیت ہوگی؟؟؟

امام اعظم میں نے ایک مرتبہ قاضی بننے سے یہ کہہ کر انکار کردیا تھا کہ "میں‌اہل نہیں‌ہوں" بادشاہ نے کہا کہ یہ غلط ہے، تو آپ نے فرمایا کہ اگر میرا کہا درست ہے تو یقینا میں‌اہل نہیں‌ہوں اور اگر تو صحیح کہتا ہے تو میں‌جھوٹا ہوا لہذا اس عہدے پر ایک چھوٹا انسان کیسے فائز ہوسکتا ہے؟؟؟؟؟؟
تو وہ علماء‌ جنکے دیئے ہوئے کفر و شرک کے فتاویٰ آج تمام عالم میں‌باعث فتنہ و فساد اور اُمت کے ‌درمیان انتشار کا باعث ہیں اُن کی کیا حثیت ہے کیا امام اعظم والے فارمولے پر عمل کرکے اُن کے فتویٰ‌کو طاق نسیان کی ذینت نہ نا دیا جائے؟؟؟؟؟

ہم نے اپنے فقہ کی کتب میں شامل باب الحیلہ کے زریعے دین میں چور راستے تلاش کیئے۔ کچھ لوگون‌نے تو اس علم میں‌باقاعدہ ڈگریاں حاصل کیں‌اور خوب مال کمایا۔
ہم نے چودہ سو سال میں دین کا نقشہ ہی بدل دیا اور کتابوں کے ڈھیر لگا دیئے ۔ ان کتابوں میں اسلامی سزائوں کا ذکر تو کیا ، اذدواجی معاملات پر بھی بات کی، معاشرتی رسم و رواج پر بھی سیر حاصل گفتگو کی مگر انسانیت کے نام پر دی جانی والی رعایتوں کا ذکر کرنا اپنی شان کے خلاف سمجھا۔ جو مسلمان اس طرف آئے تو اُنہیں اغیار کا کارندہ کہہ کر پُکارا۔

ہم نے کتاب اللہ کی تفاسیر کے ڈھیر لگا دیئے مگر اُنہیں پڑھنے والے مہیا نہ کرسکے۔
دیگر اہل کُتب کے مقابلے میں اللہ کی کتاب کے لیئے رحل اور اور خوبصورت جُزدان تخلیق کیئے ، اپنی عبادت گاہوں کو خوبصورت بنانے کے عوام کے پیسوں کو خرچ کیا مگر سادہ لوح عوام کو دین سے رغبت دلانے کے اقدام سے دور رہے ۔ ہم نے عالیشان مگر نمازیوں سے خالی مسجدیں تعمیر کیں۔

ہم نے دین میں کیئے گئے اجتہاد کو کافی جانا اور مسقبل میں اس کا دروازہ بند کردیا ۔ اے (ا)

اللہ تعالیٰ نے شرک کو ناقابل قبول قرار دیا، ہم نے جاہلانا رسوم ادا کرنے والے مسلمانوں کو مشرک ٹہرایا۔

ہم نے ابن علقمی ، میر جعفر اور میر صادق جیسے غدار "ننگ دین، ننگ ملت اور ننگ دین" جیسے لوگ پیدا کرنے میں ملکہ حاصل کیا اور اس نسل کی پیدائش کا یہ سلسلہ اب تک جاری ہے۔ کیا بغداد و بنگال کی شکت اور سقوط ہسپانیہ سے ذیادہ عبرتناک کوئی دوسرا واقعہ ہے؟؟؟ مگر افسوس ہم ان باتوں کو فراموش کر بیٹھے اور پھر سقوط ڈھاکہ نے اس بات پر مہر ثبت کردی کے "مسلم قوم ماضی کو بھلانے میں اپنا ثانی نہیں رکھتی"۔ اور اب ہماری نئی نسل سانحہ مشرقی تیمور کے سقوط کی گواہ بنی ہےیہ سلسلہ اب رُکنے والا نہیں۔

رسول ہاشمی کی قوم ہونے کی حثیت سے جو ترکیب ہمارا خاصہ تھی وہ عمومیت میں بدل گئی ۔ ہم نے خانہء کعبہ میں چار چار، پانچ پانچ مصلے بچھانے کا فریضہ سرانجام دیا۔
اپنے دینی معاملات خواہ وہ عبادت سے متعلق ہوں یا معاشرتی کسی ایک میں بھی تو ہم ایک نہیں ہیں!!!
ہم نے مساجد کو دوسروں کوکوسنے اور خود کو مظلوم ظاہر کرنے کا زریعہ بنایا ۔
جس زمانے میں ابن رُشد اور ابن الہشیم کی کتابوں کے ترجمے یورپ میں پڑھائے جا رہے تھے ہم اُن پر الحاد و زندیقیت کے فتویٰ لگا رہے تھے اور آج ہم اپنے نئے ذہنوں سے کے ساتھ وہی سلوک کررہے ہیں۔ اب کی بار ان کے نام ڈاکٹر مُبارک علی، ڈاکٹر عطا الرحمن اور ہود بھائی ہیں۔

ہم نے ہمیشہ اپنی عددی برتری پر فخرکیا اور"فِئۃٍ قَلِيلۃٍٍ" والے انتبہ کو یکسر بھول گئے۔
گھڑی کو ایجاد کرنے والے "وقت" کی اہمیت کو بھول گئے تھے۔ تیزاب کی ایجاد کرنے والے اب اسے اپنی خواتین کے منہ پر پھینکتے ہوئے نظر آتے ہیں۔ ہم نے شرمناک جرائم کا ارتکاب کیا۔ہم نے اپنے آباء کے کارناموں کو رٹنے کے بجائے دُھرانے کے عمل سے بھی کوتاہی کی۔ جس رسول نے فدیہ میں تعلیم دیا جانا قبول کیا تھا آج اُس کی قوم کی ایک بھی درسگاہ دُنیا کی ٹاپ کلاس یونیورسٹی میں گنی نہیں جاتی!!!!
ہر نئی دریافت کا ذکر قرآن میں پائے جانے پر فخر کرنے والے اس بات کو فراموش کردیتے ہیں کہ اس دریافت کی سعادت اُن کو نصیب نہیں ہوئی۔ اب ہم چند قدیم ایجادات اور نظریات پر فخر کرنے کے علاوہ کچھ بھی نہیں کررہے۔
سور کے گوشت پر پلنے والے آج انسانیت کی فلاح و بہبود کا کام کررہے ہیں اور ایجادات کے ڈھیر لگا رہے ہیں۔

ہم نے اپنی عوام پر چالیس چالیس سال حکومت کرنے والے پیدا کیئے اور کسی بھی قسم کے احتجاج سے باز رہے۔ ہم نے غاصبوں کو حرمین کا خادم بنایا اور اپنی طاقت خود اپنے ہی خلاف استعمال کی۔
آج ہماری مملکتوں اور اسلامی جماعتوں کے سربراہ ملک کے کرپٹ ترین لوگ ہیں!!!


جملہ معترضہ!
پہلا شخص: کیا اللہ بیت اللہ میں رہتا ہے؟
دوسرا شخص: نہیں ، بیت اللہ تو محض ایک مقام ہے تاکہ ہم سمت کا تعین کرسکیں۔
پہلا شخص : اگر کفار و دشمنان دین خانہء کعبہ پر حملہ کردیں تو؟؟؟؟
دوسراشخص: توبہ کر! اگر ایسا ہوا تو پوری دُنیا کے مسلمان ایک ہو کر اسلام کے دشمنوں کی اینٹ سے اینٹ بجا دیں گے!
پہلا شخص: کیا مسلمانوں کو ایک کرنے کے لیئے اس کے علاوہ کوئی اور قدم نہیں اُٹھایا جاسکتا؟؟؟
دوسراشخص: ۔ ۔ ۔ ۔ ۔ (خاموشی) ۔ ۔ ۔ ۔ ۔

__________________
میں‌تمھارے اس حق کے لیئے کہ تم مجھ سے "اختلاف" کرسکو، آخری وقت تک لڑوں‌گا!