کیا آپ نے کبھی دنیا میںجنت دیکھی ھے آئیں میں آپ کو ایک جنت کی سیر کرواتی ھوں سفر کا آغاز کرتے ھیں سڑک کے دونوں جانب پھیلے ھوئے قدرت کے نظارے ہیں دل بے اختیار خدائے واحد کی حمد و ثناء کرنے لگتا ھے - نظریں ایک کے بعد ایک نظارہ دیکھتی ھیں ھر بار آنکھیں یہ کہتی ھیں نہیں اس سے خوبصورت نظارہ پہلے کبھی نہیں دیکھا مگر اگلے موڑ پر منہ سے بے اختیار واہ نکلتی ھے ۔ کچھ لوگ یورپ کو جنت کہتے ھیں مگر وہاں اتنی سادگی کہاں۔ یہاں آکر لوگ یورپ کو بھول جاتے ھیں انسان سوچتا ھے کیا جنت ایسی ھوگی اتنی پر سکون اتنی خوبصورت ایسی فضا جھرنے ندیاں اونچے نیچے راستے سبزے سے ڈھکے ھوئے پہاڑ پھلوں سے لدے ھوئے درخت ھوا میں عجب سی مہک روح تک سرشار ھو جاتی ھے

کچے پکے راستوں پہ بھاگتے ھوئے بچے معصوم چہرے شفاف آنکھیں دیکھتے ھی کسی فرشتے کا خیال آتا ھے نظریں ملتے ھی مسکراتے ھوئے شرماتے ھوئے ایک دوسرے کے پیچھے چھپنے لگتے ھیں ڈوپٹوں میں لپٹی ھوئ چھوٹی چھوٹی بچیاں جن کو دیکھتے ھی چہرے پہ بے اختیارمسکراہٹ آجاتی ھے برقعوں میں اور بڑی بڑی چاردیں اوڑھے عورتیں - اپنے کاموں میں مصروف مرد صحتمند بزرگ ۔ سڑک پر چلتے ھوئے ھر علاقے سے آئے ھوئے خوش اور بے فکر لوگ نظر آتے ھیں رنگ برنگی زبانیں بولنے والے کچھ سیاح یورپ سے بھی آئے ھوئے ھیں تھکے ھوئے ذھن اس جنت میں آکر سکون پاتے ھیں

یہاں یہ رونق چھ سے آٹھ ماہ رھتی ھے قہوہ خانے ریسٹورینٹ ھوٹل آباد رھتے ھیں سردی آتے ھی راستے برف سے ڈھک جاتے ھیں سارے ماحول پہ خاموشی چھا جاتی ھے لوگ گھروں انگیٹھیوں سے سامنے بیٹھے اگلے سال کے لیے اپنے مہمانوں کے استقبال کی تیاریاں کرتے ھیں یہاں کے بنے ھوئے زیورات چادریں یہاں کے کڑھے ھوئے کرتے سجاوٹ کی چیزیں پورے ملک میں پسند کی جاتی ھیں قیمتی پتھر یہاں کی خاص سوغات ھیں

سارے ملک سے کی نسبت یہاں چوریاں ڈاکے اور قتل کی وارداتیں بہت کم ھوتی ھیں یہاں بسنے والوں کی اکثریت مسلمان ھے سب اللہ اور رسول کو مانتے ھیں تعلیم کی سہولیات کم ھیں مگر تعلیم حاصل کرنے جذبہ ھر دل میں ھے یہاں محبت ھے سادگی ھے خلوص ھے یہاں کے لوگ مہمان نواز ھیں

کچھ سال سے اس جنت کو نجانے کس کی نظر لگ گئ ھے غلطی کس کی ھے قصور کس کا ھے مگر مارے اس جنت کے رھنے والے جا رھے ھیں جگہ جگہ کھنڈرات اورجلی ھوئ عمارات نظر آتی ھیں اس علاقے کے لوگ صحتمند ھوتے تھے یہاں ڈاکٹر بہت کم ھیں لوگ یہاں قدرتی جڑی بوٹیوں سے علاج کرتے ھیں آج یہاں جوان مارے جا رھے ھیں زخمیوں کو ڈاکٹر کی ضرورت ھے مگر کوئ اب یہاں نہیں آتا لوگوں کو خاموشی سے دفنا دیا جاتا ھے کہیں جنازے پہ حملہ نہ ھو جائے جہاں امن و سکون ھوتا تھا وہاں اب وحشت کا راج ھے

شریعیت نافذ کرنے کا علان کیا جا رھا ھے کون سی شریعیت کیا یہ کافروں کی بستی تھی ؟؟ کیا یہاں کلمہ گو نہیں بستے تھے ؟ کیا گناہ اس حد تک بڑھ چکے تھے کہ لوگوں پہ بندوق اٹھانی پڑی اگر شریعیت چاھیے چودہ سو سال پہلے کا اسلام چاھیے تو اسکولوں میں عربی لازمی کو دیتے ھر بچہ قرآن کو سمجھتا اس کی حقیقی تعلیم کوسمجھتا ھر بچہ عالم بنتا قرآن و احادیث پہ تحقیق کرتا لوگوں کے دل میں اللہ کی محبت پیدا کرتے کہ وہ اللہ کا قرب حاصل کرنے کے لیے بے چین ھو جاتے اللہ اور اس کے رسول کے رنگ میں رنگ جاتے تعلیم کو عام کرتے مگر کیا شریعیت نافذ کی جا رھی ھے اسکول جلائے جا رھے ھیں مرنے والے اور مارنے والے دونوں مسلمان ھیں دونوں اپنوں کی نظر میں شہید ھو رھے ھیں اسلام محبت اور رواداری کا مذھب ھے اپنوں کو مار کر شہادت کا درجہ مل سکتا ھے یہ کون سی حدیث میں لکھا ھے ؟؟

وہ جنت جس میں سب رھتے تھے اب جہنم بن گئ ھے ھر طرف آگ بھڑک رھی ھے جس میں سب جل رھے ھیں وہ جنت جہاں سب سکون کے لیے آتے تھے وہ وہاں کے لوگ سکون کے لیے اپنے گھر چھوڑ کر جا رھے ھیں خبروں میں دیکھی ھوئ ان کی تصویریں آنکھوں کے سامنے آرھی ھیں بے سروسامان لوگ - خوفزدہ بچے حیرت سے اپنے بزرگوں کو دیکھ رھے ھیں جن گھروں میں وہ لوگ صدیوں سے آباد تھے وہ گھر جوان کی پناہ گاہ تھے ان میں اب وہ محفوظ کیوں نہیں کون دشمن ھیں کیا قصور ھے ان کا ۔ پہلے ھزاروں لوگ سیر کے لیے آتے تھے اب کوئ نہیں آتا محبت کے نغموں کی جگہ گولیوں کی آوازیں کیوں گونجتی ھیں ان کے اسکول کیوں جلائے جا رھے ھیں ان معصوم بچوں کے سوالوں کے جواب ان کے بزرگوں کے پاس نہیں شاید آپ کے پاس ھو اگر ھو تو سوات کے بچوں کو جواب ضرور دیں