گلاب خان

موبائل فون پر کال کے بجائے ایس ایم ایس کرنے کا رجحان تیزی سے بڑھ رہا ہے اور جسے دیکھیں میسیجز کرتا دکھائی دیتا ہے۔ لیکن طبی ماہرین اس پر پریشان ہورہے ہیں۔ ماہرین کے مطابق موبائل فون کے مختصر کی بورڈ پر باربار پیغام ٹائپ کرنے سے نہ صرف انگوٹھوں پر دباو پڑتا ہے بلکہ بازو، گردن، کندھوں اور کمر درد کے امراض میں بھی اضافے کا خدشہ ہوتا ہے۔ اس مرض کو ٹرپل ٹی یعنی ٹین ٹیکسٹنگ ٹینڈینسٹی کا نام دیا گیا ہے۔ ماہرین کا کہنا ہے کہ نئی نسل کو غیر ضروری ٹیکسٹ میسیجنگ کی عادت سے چھٹکارہ نہ دلایا گیا تو مستقبل میں ان کی صحت کے لیے کئی سنگین مسائل پیدا ہوسکتے ہیں۔

__________________

(وَقُل رَّبِّ ارْحَمْهُمَا كَمَا رَبَّيَانِي صَغِيرًا) اے میرے رب جس طرح انہوں نے مجھے بچپن سے پالا ہے اسی طرح تو بھی ان پر رحم فرما۔ (الاسراء: 23)

عبدالقدوس

تو qwerty کی بورڈ والے موبائل سستے کرو

جانی

2009 میں پاکستان ایس ایم ایس کرنے والے ممالک میں چوتھے نمبر پر رہا ہے اور 2009 میں 151 بلین ایس ایم ایس کئے گئے ہیں پاکستان میں ۔

__________________
"السلام و علیکم" کی بجائے "السلامُ علیکم" لکھیں

جانی

وہ کون سے موبائلز ہیں بھائی زرا تفصیل سئ بتائیں

شریف

2010 میں تو یہ ریکارڈ بھی ٹوٹ گیا ہو گا ، ٹھا کرکے

عبدالقدوس

جن پر مکمل کی بورڈ ہوتا ہے

عبدالقدوس

اور 2011 میں ایک نیا ریکارڈ قائم ہوگا

محمدعدنان

مزید تفصٰل یہاں پہ ملاحظہ فرمائیں
Stuffezia

محمدعدنان

میرے پاس نوکیا E72تھا لیکن مزا نہیں آیا پھر تبدیل کرکے N97لیا لیکن اس کا بھی مزہ نہیں آیا اور آج کل نوکیا C5ہے دیکھو یہ کتنے دن نکالتا ہے

__________________

شمشاد احمد

پاکستان ٹیلی کمیونکیشن اتھارٹی یعنی پی ٹی اے کی جانب سے شائع کی گئی ایک تازہ رپورٹ کے مطابق دنیا بھر میں ایس ایم ایس کے تبادلوں میں پاکستان پانچویں نمبر پر ہے۔


اکستان میں کروڑوں صارفین ایک دوسرے کو ایس ایم ایس بھیجتے ہیں۔اسلام آباد کی رہائشی سحرش بھی اُن دس کروڑ پاکستانی موبائل صارفین میں شامل ہیں جنہوں نے صرف سنہ دو ہزار نو میں ڈیڑھ ارب سے زیادہ ایس ایم ایس بھیجے اور موصول کئے۔

ایک سوال کے جواب میں سحرش نے بی بی سی کی نامہ نگار عنبر شمسی کو بتایا کہ انہیں آج کل زبیدا آپا کے لطیفے آتے ہیں، اس سے پہلے پٹھان اور اب شاید وینا ملک کے آئیں گے۔

ویسے تو ایس ایم ایس کے تبادلے کے میدان میں امریکہ، برطانیہ اور سویڈن جیسے ترقی یافتہ ممالک پاکستان سے بھی آگے ہیں لیکن پاکستان کے پانچویں نمبر پر آنے کی وجہ کیا ہے۔
پاکستان میں ٹیلی کمیونیکیشن کے نگراں ادارے پی ٹی اے کے ترجمان خرم مہران کے مطابق پاکستان میں کال اور ایس ایم ایس کے ریٹس، دنیا بھر میں اور اس خطے میں سب سے کم ہیں۔انہوں نے کہا کہ اس کے علاوہ موبائل کمپنیاں ایسے پیکجز فراہم کرتی ہیں جس کی وجہ سے ایس ایم ایس کے تبادلے بہت زیادہ ہیں۔

ایس ایم ایس ایک معاشرتی رابطے کا بھی ذریعہ بن چکا ہے۔ سیاسی، اقتصادی اور ثقافتی امور کے کالم نگار، فصیح ذکا نے بتایاکہ پاکستان میں کسی بھی تہوار کے موقع پر جیسے عید وغیرہ پر اتنے ایس ایم ایس آتے ہیں کہ ٹریفک بند ہو جاتی ہے۔

انہوں نے مزید کہا کہ جب ایک طبقے کے افراد اپنے دوستوں کو ایک لطیفہ یا ایک ہی خبر بھیجتے ہیں تو ایس ایم ایس ایک مشترکہ مشاہدہ کا حصہ بن جاتا ہے۔
لیکن ذاتی نوعیت کی پیغام رسانی کے علاوہ، ایس ایم ایس کے فروغ کی ایک بڑی وجہ، تجارتی استعمال بھی ہے۔ اس بارے میں پی ٹی اے کے ترجمان نے کہا موبائل بیکنگ ایسے شعبہ ہے جو بہت تیزی سے ترقی کر رہا ہے۔ اس کے علاوہ، چھوٹے کاروباری لوگ ایس ایم ایس کو تشہیری مقاصد کے لئے بھی استعمال کرتے ہیں۔

کراچی کے علاقے حیدری میں ایک رہائشی بنگلے میں بگ بازار کے نام سے ایک ایسا ہی چھوٹا کاروبار ہے جو ایک سال پہلے شروع ہوا تھا اور اس میں بہت زیادہ نہیں صرف آٹھ افراد کا عملہ کام کرتا ہے۔ کمپنی کے صارفین کے شعبے کے سربراہ، سمیر ملک نے بتایا کہ بگ بازار نے ایس ایم ایس مارکیٹنگ کیوں شروع کی۔ اُن کے مطابق ایس ایم ایس مارکیٹنگ کے شعبے میں بھارت اور دیگر ممالک میں بہت کام ہوا ہے اور اس سے ان کی سہولت کی قیمت کم ہو گئی اور آمدنی بڑھ گئی۔

بگ بازار کے دو سو کلائینٹ ہیں اور سمیر کا کہنا ہے کہ ایس ایم ایس ایڈورٹائزنگ اور مارکیٹنگ کا بہت موثر طریقہ ہے۔ اُن کے بقول اس سے فوری نتیجہ ملتا ہے، اور دوسری طرف، چھوٹے کاروبار یا دکاندار اخبار یا ٹی وی پر اتنا خرچ نہیں کر سکتے مگر نئی دکان یا ہوٹل کی تشہیر کے لیے ایس ایم ایس کا سہارا لیتے ہیں۔
ایس ایم ایس کے استعمال کے اور بھی نئے اور جدید طریقے ہیں۔ مثلا، جب گزشتہ سال جولائی میں پاکستان میں آنے والے سیلاب نے تباہی مچائی توایک سافٹ ویر کمپنی کے سربراہ فیصل چوہان نے سیلاب زدگان کو مدد فراہم کرنے کا ایک انوکھا طریقہ تجویز کیا۔ اِس طریقے کے مطابق متاثرینِ سیلاب اپنا مسئلہ اور علاقہ ایک نمبر پر بھیجتے اور وہ یہ معلومات ایک کمپیوٹر کے ذریعے نقشے کی شکل میں شائع ہوتی۔ پھر یہ معلومات امدادی تنظیمیں متاثرین کو مدد فراہم کرنے کے لئے استعمال کرتیں۔

مگر جہاں ایس ایم ایس کا مثبت استعمال ہوتا ہے، وہاں غلط استعمال بھی جاری ہے۔ ایس ایم ایس کے ذریعے بے نامی کے پردے میں نوجوان لڑکے، لڑکیوں کو غیر شائستہ پیغامات بھی بھیجتے ہیں۔ اس کے علاوہ، تفتیشی ادارے ایف آئی اے کے مطابق، ایس ایم ایس پر دھمکیوں اور فراڈ کی کئی شکایات بھی درج ہوئی ہیں۔

مثبت یا منفی مقاصد کے لئے ،ایس ایم کا استعمال بڑھتا رہے گا۔ پاکستان میں غربت بہت ہے اور شرح خواندگی بہت کم، لیکن ایس ایم ایس مواصلات کا ایسا ذریعہ ہے جس سے ثقافتی بندھن بھی مضبوط ہوتے ہیں۔
ماخذ

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

عبدالقدوس

امیر آدمی ہو بھائی میرے پاس نوکیا 1200 ہے

عروج

ایس ایم ایس کا شوق بھیڑچال کے سوا کچھ بھی نہیں ۔

wajee

میرے ایک دن کے ۵۰۰ سے ۶۰۰ ایس ایم ایس ہو جاتے ہیں۔

mama_shalla

ان كےsmsكےديکھے سے آجاتىہےمنہ پر رونق
وه سمجهتے ہيں بيمار كا حال اچھا ہے.