Blue Chips

جس سے بھی کیا ہے کیا میں آپ سے سوال نہیں کر سکتا ؟
اگر تھریڈ کا مسلہ ہے تو میں نیا تھریڈ کھول دیتا ہوں جس سے آپ سے سوال ہو جائے گا
یا آپ تھریڈ کھول لیں ؟

sahj

السلام علیکم بھائی عبدالہادی
آپ کی یہ بات بلکل سو فیصد غلط ھے ۔ دوبارہ سے تاریخ اور موجودہ حقائد کا جائزہ لیجئیے ۔

اگر آپ کی بات یہاں تک ہی دیکھی جائے تو کافی مناسب بات ھے لیکن آپ اپنے پچھلے مراسلے میں خود ہی ایک نقطہ کی جانب اشارہ کرچکے ہیں بھائی عبدالہادی اگر آپ غور کریں تو آپ کو اپنی بات کے مطابق ہی ھوتا ھوا نظر آتا ھے کہ اک فریق کوئی بھی غلط بات جو کہ خود اسکے اپنے لئے بھی نقصان دہ ھوتی ھے لیکن وہ اسے ایسے پیش کرتا ھے کہ یہی درست عقیدہ ھے ۔ اور اسی کے رد میں کوئی ایک یا کچھ دوست بات کرتے ہیں ۔

امید ھے آپ سمجھ گئے ھوں گے

والسلام

حسین

__________________
حضور صلی اللہ علیہ وسلم نے فرمایا کہ میں سویا ہواتھا کہ میں نے خواب میں جنت دیکھی ۔ میں نے دیکھا کہ ایک عورت ایک محل کے کنارے وضو کررہی ہے ۔ میں نے پوچھا یہ محل کس کا ہے ؟ تو فرشتوں نے جواب دیا کہ عمر رضی اللہ عنہ کا۔صحیح بخاری

عبدالہادی احمد

حسین بھائی
آپ کیا کہنا چاہتے ہیں میں بالکل نہیں سمجھ سکا۔شاید اس کی وجہ ہے کہ کتابت کی غلطیوں سے مطلب کچھ کا کچھ ہو گیا ہے۔کیا بات غلط ہے کچھ وضاحت توکریں!!

ابوالحسن

اللہ کے انعام بے حدو حساب ہیں، میرے سوہنے رب نے دوسروں کے در پر سر جھکانے جوگا چھوڑا ہی نہیں۔ جو مانگا اس نے اپنی بے پایاں‌رحمت سے عطا کیا۔ غیراللہ سے مانگنے کے قائلین مجھے بتائیں جو شخص‌ ساری زندگی اللہ کے سوا کسی سے نہ مانگے ا ن کے نزدیک اس پر کیا وبال ہے اور قیامت کے دن اسے کیاخسارا اٹھانا پڑے گا۔

مہتاب

پیارے بھائی! مراسلہ پڑھنے کے بعد سمجھ بھی لیا جائے تو مشکل پیش نہیں آتی ۔
اللہ پاک سے مانگنے کا کہیں بھی انکار نہیں کیا گیا اللہ پاک قرآن پاک میں ارشاد فرماتا ہے
(المائدہ 35)

اس آیت کریمہ میں بتایا گیا کہ اللہ (عزوجل) اور حضور سیّـد عالم (صلی اللہ علیہ وسلم) اپنے فضل سے غنی فرماتے ہیں
اللہ تعالٰی یقینا ہر چاہت پر قادر ہے ڈائریکٹ بھی توبہ قبول فرمانے والا ہے مگر شان رسالت (صلی اللہ علیہ وسلم) منکرین کو دکھانے کیلئے اللہ پاک وسیلہ کا حکم فرماتے ہوئے ارشاد فرماتا ہے

وَلَوْ اَنَّہُمْ اِذۡ ظَّلَمُوۡۤا اَنۡفُسَہُمْ جَآءُوۡکَ فَاسْتَغْفَرُوا اللہَ وَاسْتَغْفَرَ لَہُمُ الرَّسُوۡلُ لَوَجَدُوا اللہَ تَوَّابًا رَّحِیۡمًا

(النساء 64)
کیااللہ تعالٰی اپنے آپ نہیں بخش سکتا تھا۔ پھریہ کیوں فرمایا کہ اے نبی! تیرے پاس حاضرہوں اورتو اللہ سے ان کی بخشش چاہے تو یہ دولت ونعمت پائیں گے۔ یہی ہمارا مطلب ہے۔ جو قرآن کی آیت صاف فرمارہی ہے۔

حل لغات:یرد:ارادہ فرمائے ۔ یفقھہ:سمجھ عطا فرمائے۔قاسم : بانٹنے والا۔ یعطی:دیتا ہے ۔لایضرھم : نقصان نہ دے گا ۔یا ؟تی :آجائے ۔
ترجمہ :”سیدنا امیر معاویہ رضی اللہ عنہ سے مروی ہے فرماتے ہیں کہ میں نے حضور نبی اکرم (صلی اللہ علیہ وآلیہ واصحابہ وسلم)کو یہ فرماتے سنا ہے کہ اللہ تعا لٰی جس کے ساتھ بھلا ئی کا ارادہ فرمائے، اس کو دین کی سمجھ عطا کر دیتا ہے اور میں (صلی اللہ علیہ وسلم) صرف تقسیم کرنے والا ہوں اور اللہ(عزوجل) عطا فرماتا ہے اور یہ امت ہمیشہ اللہ تعالیٰ کے حکم پر قائم رہے گی ۔ ان کی مخالفت کر نے والا ان کو ضرر نہ دے گا حتیٰ کہ قیامت آجائے ۔ “

اللہ پاک اپنے مقرب بندوں کو عطا فرماتا ہے اور وہ اللہ پاک کی عطاء سے مخلوقِ خدا کی مدد کرتے ہیں ، اولیاء اللہ کو باِذن اللہ مدد گار نہ ماننا اللہ تعالٰی کی ان پر عطاء کا اور بہت سی آیات اور احادیث کا منکر ہونا ہے
جیسے ڈاکٹر میڈیسن دیتا ہے تو شفاء اللہ تعالٰی کے اِذن سے ہی ملتی ہے دوائیاں اور ڈاکٹر صرف وسیلہ ہیں ،وسیلہ کا ذکر بہت دفعہ آیا ہے جیسے البقرہ آیت 89 میں ہے
اب اگر کوئی ان آیات اور احکامات کی روشنی میں اولیاء اللہ کو حاجت روا باِذن اللہ مان لے تو منکرین "حاجت روا باِذن اللہ" (بلکہ منکرین قرآن وحدیث) والوں کے نزدیک اس پر کیا وبال ہے اور قیامت کے دن اسے کیاخسارا اٹھانا پڑے گا؟

عبدالہادی احمد

آیات اور احادیث درست ہیں مگر تعبیر صحیح نہیں۔
جائز اور مشروع وسیلہ کی اقسام بڑی تفصیل سے قرآن و حدیث میں بیان ہوئی ہیں ان کا مطالعہ کرنا چاہیے۔ اس لیے کہ انسان اپنے علم کی کمی کی وجہ سے بعض اوقات شرک کی دلدل میں جا پھنستا ہے۔
 

?

E D H 

 $  :
 X


7

$ @ 
1




.



 













مہتاب

پیارے بھائی! آپ کی بات درست ہے اللہ تبارک وتعالٰی توبہ کیلئے وسیلہ کو مشروع فرمارہا ہے تاکہ منکرین عظمت و شان رسالت سمجھ سکیں ، مگر ہمارا المیہ یہ ہے کہ ہم میں اکثر لوگ قرآن و حدیث کا مطالعہ نہیں کرتے اور دین کے نام نہاد ٹھیکیداروں سے سنی سنائی باتوں کو دین کُل سمجھ کر خود بھی گمراہ ہوجاتے ہیں اور لاعلمی میں شیطان لعین کا آلہ کار بن کر دوسروں کو بھی گمراہ کرنے کی کوشش میں رہتے ہیں، اب پیش کردہ آیتِ قرآنی کے منکرین اس آیت مقدسہ کا مفہوم اپنی گھڑی ہوئی توحید کے مطابق بتا دیں ؟

وَلَوْ اَنَّہُمْ اِذۡ ظَّلَمُوۡۤا اَنۡفُسَہُمْ جَآءُوۡکَ فَاسْتَغْفَرُوا اللہَ وَاسْتَغْفَرَ لَہُمُ الرَّسُوۡلُ لَوَجَدُوا اللہَ تَوَّابًا رَّحِیۡمًا

عبدالہادی احمد

وسیلے کی شرعی اور جائز حدود

قرآن اور حدیث سے یہ بات ثابت ہے کہ اللہ تبارک وتعالٰی نے توبہ کرنے والے کو اجازت دی ہے کہ وہ اپنے نیک اعمال کو وسیلہ بنائےیااللہ رب العالمین کے پاک ناموں کےتوسل سے دعا مانگہے۔تاہم علماء کے درمیان انبیاءو صلحاء کو وسیلہ بنانے میں اختلاف ہے۔ہم لوگ قرآن و حدیث کاخود مطالعہ نہیں کرتے اورسنی سنائی باتوں کو دین سمجھ کر خود بھی گمراہ ہوتے ہیں اور دوسروں کی گمراہی کا باعث بھی بنتے ہیں۔
علماء کا ایک گروہ کہتا ہے جب اللہ سے دعا کرنے والا کہتا ہے کہ اے اللہ میں تجھ سے فلاں نبی یاصالح بندے وغیرہم کی عزت اور حرمت اور وجاہت کے وسیلے سے سوال کرتا ہوں ۔اگرچہ اس دعا کا تقاضا یہ ہے کہ اللہ کے نزدیک ان مقربین کی سچ مچ حرمت اوروجاہت ہو اور اگر یہ دعا صحیح ہے تواللہ اس دعا کو قبول کرتا ہے۔
تاہم علماء کے دوسرے گروہ کی رائے یہ ہے کہ چونکہ دعا شرعي عبادات ميں سےايك عظيم عبادت ہے جس كےساتھ اللہ تعالي كا قرب حاصل كيا جاتا ہے،لہذا عبادت کو اسی طریقے سے کرنا چاہیے جس کا حکم رسول اللہ صلی اللہ علیہ وسلم نے دیا ہےیا جس پر آپ نے عمل فرمایا ہے یا کسی صحابی کو عمل کرتے دیکھ کر اس کی تحسین فرمائی یاروکا ٹوکا نہیں۔ بندے كےلیےجائزنہيں كہ وہ اللہ تعالي كي عبادت اس طريقے سےكرے جو نبي كريم صلى اللہ عليہ وسلم كي زبان یا عمل سے مشروع نہيں۔حديث ميں نبي كريم صلي اللہ عليہ وسلم كا فرمان ہے:حضرت عائشہ رضي اللہ تعالي عنہا بيان كرتي ہيں كہ رسول كريم صلى اللہ عليہ وسلم نےفرمايا،" جس نےبھي ہمارے دين ميں كوئي ايسا كام ايجاد كيا جواس(دین )ميں سے نہيں تو وہ كام مردود ہے"صحيح بخاري حديث نمبر ( 2499 ) صحيح مسلم حديث نمبر ( 3242 ) اور مسلم كي ايك روايت كےالفاظاس طرح ہيں:" جس نےبھي ايسا كوئي عمل كيا جس پرہمارا حكم نہيں تو وہ مردود ہے" صحيح مسلم حديث نمبر ( 3243 )
علماء کا موخر الذکر گروہ کہتا ہے اللہ تعالي كواس كا وسيلہ يا واسطہ دينا جو نبي كريم صلى اللہ عليہ وسلم سےثابت نہيں نہ تو قولي اورفعلي طور پر اور نہ ہي ان صحابہ كرام نےكيا جونيكي اورخير ميں ہم سےزيادہ سبقت لےجانےوالےتھے تو ايسا كام كرنا بدعت اور برائي ہے۔وہ بندہ جو اللہ تعالي سےمحبت كرتا اور رسول كريم صلى اللہ عليہ وسلم كي اتباع وپيروي كرتا ہے وہ اس سےاجتناب كرے اورايسےطريقے سےعبادت نہ كرے جو شرعا ثابت نہيں۔
قرآن اور سنت سے یہ ثابت ہے کہ صحابہ کرام نبي كريم صلى اللہ عليہ وسلم كي زندگي ميں آپ کی دعا کووسيلہ بناتے تھے۔ نبي كريم صلى اللہ عليہ وسلم ان كےلیےاللہ تعالي سےدعا فرمايا كرتے تھے۔ نبي كريم صلى اللہ عليہ وسلم دنیا سے پردہ فرما گئےتوانہوں نے زندہ اور صالح افراد كو دعا كا وسيلہ بنايا،حالانکہ نبي كريم صلى اللہ عليہ وسلم كا مزار موجود تھا،لیکن کسی نے مزار کا رخ نہیں کیا،نہ ہی کبھی دعا میں آپ کی شان اور مرتبے کووسيلہ بنايا، جو كہ واضح طور پر اس بات كي دليل ہے كہ اگر نبي كريم صلى اللہ عليہ وسلم كي ذات يا ان كےمقام ومرتبے كا وسيلہ خيرو بھلائي اور مشروع ہوتا تو صحابہ كرام ہم سےسبقت لے جاتے۔
عمربن خطاب رضي اللہ تعالي عنہ نے نبي كريم صلى اللہ عليہ وسلم كے بعد آپ کےچچا كو دعا كا وسيلہ بناياجيسا كہ صحيح بخاري ميں انس بن مالك رضي اللہ تعالى عنہ بيان كرتےہيں كہ :" جب قحط پڑتا تو عمر بن خطاب رضي اللہ تعالي عنہ عباس بن عبدالمطلب رضي اللہ تعالي عنہ سےدعا كرواتے اور يہ كہتے: اے اللہ ہم تيري طرف اپنےنبي كا وسيلہ بنايا كرتےتھےتو ہميں تو بارش عطا كرتا تھا، اور اب ہم اپنےنبي كےچچا كا وسيلہ بناتےہيں توہميں بارش عطا فرما، وہ كہتےہيں كہ بارش ہوجايا كرتي تھي.صحيح بخاري حديث نمبر ( 954 )۔
دور نبوت میں متعدد صحابہ كرام کی رویات ہیں كہ جب قحط سالي ہوتی اور بارش نہ ہوتي تو رسول كريم صلى اللہ عليہ وسلم سے دعا كرنےکی درخواست کی جاتی۔ رسول كريم صلى اللہ عليہ وسلم كےدعا كرنےسےبارش ہوجاتي تھی۔
مصنف عبدالرزاق ميں ابن عباس رضي اللہ تعالي عنہما كي حديث آئی ہےكہ عمر رضي اللہ رضي اللہ تعالي نےعيدگاہ ميں بارش كي دعا كي اور عباس رضي اللہ تعالي عنہ كو كہنےلگے: اٹھو اور بارش كي دعا كرو، تو عباس رضي اللہ تعالى عنہ كھڑے ہوئے۔اس کا مطلب یہ ہوا کہ ايك نيك ،صالح اور بزرگ شخص سےدعا کرانا صحيح اور مشروع ہے۔
اللہ تعالى ہميں آخری سانسوں تك اپنےدين اور شريعت پر ثابت قدم ركھے اور دین میں نئی اختراعات اور بدعات رائج کرنے سے مھفوط رکھے۔۔۔آمين۔

مہتاب

من گھڑت اصطلاحات بعد میں دیکھیں گے فی الحال ہمارے پہلے سوال کا جواب دے دیجئے باقی باتیں بعد میں کرتے ہیں۔ ان شاء اللہ

skjatala

اللہ عزو جل تمام مسلمانوں کو حق سچ والے ایک ہی پلیٹ فارم پر جمع کر دے۔ ثمہ آمین۔

مہتاب

سکجاتلا انکل ! ایسا تب ہی ممکن ہے جب قرآن پاک کو ایسے ہی سمجھا جائے جیسے اللہ پاک کی چاہت ہے

عبدالہادی احمد

مجھے آپ کو توجہ دلانا ہے کہ آپ نے قرآن کی محولہ بالا آیت کا ترجمہ ہی غلط کیا ہے،اس آیت کے ترجمے میں"اے محبوب" کے زاید الفاظ شامل کر کے آپ عملی اور معنوی تحریف کے مرتکب ہوئے ہیں جو ناقابل معافی گناہ ہے۔یہ کام یہود کےعلمائے سو اور رہبان کیا کرتے تھے۔سورئہ بقرہ آیت75 سورۃ النساآیت 46 اور سورۃالمائدہ آیت 13 میں یہود کے اس جرم کا ذکر کر کے ان پر لعنت کی گئی ہے۔امید ہے آپ میری بات کا برا منائے بغیر اپنی غلطی کی اصلاح کر لیں گے۔
درست ترجمہ یہ ہے:
"اگر جب یہ اپنے نفس پر ظلم کر بیٹھے تھے تو آپ کے پاس آ جاتے اور یہ اللہ سے معافی مانگتے اور رسول بھی ان کے لیے معافی کی درخواست کرتے، تویقینا اللہ کو بخشنے والا اور رحم کرنے والا پاتے"

ارشد کمبوہ

مہتاب بھائی اے محبوب کو بریکٹ لگانا بھول گئے ہیں شاید۔

مہتاب

اللہ پاک اپنے محبوب علیہ الصلوٰۃ والسلام سے مخاطب ہے تو اس کا ترجمہ منشاء الٰہی کے مطابق باادب ہونا چاہئے ناکہ بے ادبی والا ۔۔۔۔۔
اس آیت کریمہ میں اللہ پاک کی چاہت کیا ہے ؟ اس پر غور فرمائیں! ایسے فضول اور بلا مقصد اعتراضات تو ہم بھی کر سکتے ہیں مگر ۔۔۔۔۔۔۔۔۔ اس سے بات بڑھ جائے گی اور شائد آپ کی طبع پر گراں گزرے ۔
فی الحال تو آیت مقدسہ پر غور فرمائیں! کیا اللہ تعالٰی ڈائریکٹ نہیں بخش سکتا تھا۔ پھریہ کیوں فرمایا کہ اے نبی! تیرے پاس حاضرہوں اورتو اللہ سے ان کی بخشش چاہے تو اللہ توبہ قبول فرمائے ۔
یہی ہمارا مطلب ہے۔ جو قرآن کی آیت صاف فرمارہی ہے۔ اس سے اگلی آیت بھی ملاحظہ فرمالیں

بلال اویسی

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟