فیصل ناصر

اللہ آپ کو جزائے خیر دے عادل بھائی
اللہ ہم کو بھی ایسے عبادت کی توفیق دے جو اللہ کے نزدیک بہترین میں‌شمار ہوتی ہے

ایک چھوٹا سا سوال ہے
عادل بھائی اللہ کے وجود کا تصور قائم کیسے ہو جبکہ وہ ہمارے تصور سے بالا تر ہے ؟

میری اپنی کوشش یہی ہوتی ہے کے میں خود کو اللہ کے سامنے محسوس کھڑا کر پاؤں‌
کبھی کبھار ایسا لگتا بھی ہے اور اس وقت جو کیفیات ہوتی ہیں وہ بیان سے باہر ہیں
پور ا وجود جیسے آنکھوں کی راہ بہنے کے لئے بے قرار ہوجاتا ہے
اس کیفیت گذرجانے کے بعد بھی دیر تک فرحت و انبساط کا ا حساس رہا کرتا ہے
لیکن
ایسا ہر بار نہیں ہوتا ؟ کبھی کبھار تو ہفتوں گذر جاتے ہیں‌
کیا اس میں ہماری کسی کمی کا دخل ہے ؟

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

wajee

نماز جیسا سرور کہیں نہیں ملتا

عادل سہیل

السلام علیکم ورحمۃ اللہ و برکاتہ ،
جزاک اللہ خیرا، فیصل بھإئی ،
اللہ سبحانہ ُ و تعالیٰ آپ کی دعا قبول فرمائے ،
فیصل بھإئی سوال تو آپ نے چھوٹا سا کیا ہے لیکن اس کا جواب چھوٹا سا نہیں ہو سکتا ،
یہ معاملہ رویۃ اللہ تبارک و تعالیٰ کے مسئلے سے متعلق ہے جس میں بہت طویل و عریض مباحث شامل ہو جاتے ہیں ،
اِن شاء اللہ میں ان سب کا وہ حاصل ذکر کیے دیتا ہوں جو قران کریم اور صحیح احادیث مبارکہ کے مطابق ہے ،
فیصل بھإئی اللہ تبارک و تعالیٰ کے وجود کا تصور ایک وجود کی صورت میں واقعتا محال ہے ، کیونکہ ہمیں اللہ کے وجود کی کچھ ہی صفات کی خبر دی گٕئی ہے اور ساتھ ساتھ یہ بھی بتایا گیا ہے کہ ((((( لَيْسَ كَمِثْلِهِ شَيْءٌ وَھُوَ السَّمِيعُ الْبَصِيرُ ::: اللہ کے جیسی کوئی چیز نہیں اور وہ دیکھتا اور سنتا بھی ہے ))))) سورت الشُوریٰ /آیت ۱۱ ،
اور دُنیاوی زندگی میں یہ بھی محال ہے کہ کوٕئی مخلوق اللہ تعالیٰ کو اپنی جاگتی آنکھوں سے دیکھ سکے ، اور نہ ہی انبیاء اور رسل کے خوابوں کے کسی اور کے خواب کی سچائی کا کوئی جواز ہے ، اللہ تعالیٰ کا فرمان ہے کہ ((((( لَّا تُدْرِكُهُ ٱلْأَبْصَارُ وَهُوَ يُدْرِكُ ٱلْأَبْصَارَ وَهُوَ ٱللَّطِيفُ ٱلْخَبِيرُ ::: اللہ کو کوئی نظر نہیں پا سکتی اور وہ سب ہی نظروں کو جانتا ہے اور وہ (بہت ہلکے ہلکے سے) بھید بھی جاننے والا انتہائی خبر رکھنے والا ہے )))))سورت الانعام / آیت ۱۰۳،
یوں تو بظاہر حدیث شریف میں مذکور """ احسان """ اللہ کے اس مذکورہ بالا فرمان کے خلاف نظر آتا ہے، میں یہ بات خود سے اس لیے لکھ رہا ہوں کہ اس سے پہلے کہ کوئی ان الفاظ کے تراجم کی رو میں اس صحیح ترین حدیث شریف پر کوئی فتویٰ صادر کر کے اچھے خاصے موضوع کا کباڑہ کرنے کی کوشش کرے ، میں اس نکتے کو واضح کرتا چلوں ان شاء اللہ ، اس کی تفیسر دیگر احادیث مبارکہ میں ملتی ہے ، کہ اس کا معنیٰ اللہ تبارک و تعالیٰ کے وجود کریم کا بصری مشاہدہ نہیں ، آنکھ سے اسے دیکھنا نہیں ، بلکہ دل سے اسے دیکھنا ہے کہ اس کی قدرت اس کی خبر گیری ، اس کے علم و ادراک ، اور اس کے مراقبے پر اتنا یقین ہو کہ گویا وہ ہمارے سامنے ہے اور ہمارا کوئی بھی فعل و قول اس طرح جانتا ہے جیسے کہ ہمارے سامنے موجود ہم پر نظر رکھے ہوئے کوئی سمیع و بصیر شخص ہمارے اقوال و فعل کو جانتا ہے ، بلکہ اللہ اس سے بھی بڑھ کر جانتا ہے کہ مخلوق میں کوئی کسی کے دل اور دماغ کو اسرار نہیں جان سکتا لیکن اللہ جانتا ہے ،
ان شاء اللہ اس کی تفصیلی بات پھر کبھی ، یہ مسئلہ عقیدے کے اہم مسائل میں سے ہے اور یقنیاً ہر مسلمان کو اس کا صحیح علم ہونا چاہیے ، اللہ نے چاہا تو کبھی اس کے بارے میں تفصیلی بات کروں گا ، سچی بات یہ ہے فیصل بھائی کہ اب پاک نیٹ پر جس طرح لوگ لا علمی والے اعتراضات داغتے ہیں بات کرنےکو جی نہیں چاہتا ، جی اگرکوئی علمی اعتراض ہو ، بات سمجھنے کے لیے کوئی سوال ہو تو اور بات ہے لیکن اب تو یوں لگتا ہے کہ کچھ لوگوں کو یہ مقصد دیا جا چکا ہے کہ ایسے مسائل کو اچھالا جائے جن کی بنا پر عام افتراق کو ہوا ملے اور قارئین اپنے دین کے ایک اہم بنیادی ماخذ سے ، اپنے علماء اور ائمہ سے ، دین دار طبقے سے اور بالاخر دین سے ہی بیزار ہو جائیں اور جس کا جس طرح جی چاہے دین کو سمجھتا رہے ، انا للہ و انا الیہ راجعون ،
آپ کا دوسرا استفسار ایمان کے بارے میں قلبی کیفیات کی تبدیلی کے بارے میں ہے تو میرے فیصل بھائی یہ تو ایک فطری سی بات ہے صحابہ رضی اللہ عنہم اجمعین بھی اس کے شاکی تھے ، تو ہم کس گنتی میں ہیں ، جی ہمیں یہ کوشش کرتے ہی رہنا ہے کہ ہمارا خشوع و خضوع برقرار رہے اور ہمارا ایمان """ احسان """ کے دونوں درجوں میں ہی اونچا نیچا ہوتا رہے ، ان سے خارج نہ ہونے پائے ،
قلب کی ان کیفیات کے کئی اسباب ہیں جو بہر طور افراط و تفریط کی حدود میں ہوتے ہیں ، کبھی خوف میں افراط و تفریط اور کبھی خوش امیدی میں افراط و تفریط ، کبھی خوش فہمیوں میں افراط و تفریط اور کبھی غلط فہمیوں میں افراط و تفریط ،
اگر ہم اپنے تمام تر قلبی ، رووحانی ، جسمانی ، دینی دنیاوی معاملات میں رسول اللہ صلی اللہ علیہ وعلی آلہ وسلم کی ہدایت کے مطابق میانہ روی اپنائے رکھیں تو اس قسم کی کمزرویوں سے کافی حد تک بچے رہ سکتے ہیں ، ان شاء اللہ ،
ان اسباب میں سے ایک اہم سبب کا ذکر درج ذیل تھریڈ میں بھی ہے :::
::::::: انانیت ، اور عبادات کی بے ثمری کا عِلاج ::::::::::
اس کے علاوہ ان شاء اللہ مزید بات چیت اگلی فرصت میں ، آج ہمارے ویک اینڈ کا اینڈ ہے اور ہر مہینے کے پہلے ویک اینڈ میں تو میری بےچارگی اپنے عروج پر ہوتی ہے ،
آپ کی بھابھی مجھے ایسے گھور رہی ہے کہ بس
اور میں کچھ بول بھی نہیں سکتا ،
پچھلے دس دن سے گلے کی انفکیشن اور بخار وغیرہ کی وجہ سے اُس کی خصوصی موج ہے، بالکل انتہائی تابع فرمان خاوند جیسی آواز میں ایک دو لفظ بول پاتا ہوں ،
کہتی ہے اس طرح بولتے ہوئے آپ بہت اچھے لگتے ہیں
ابھی مجھے بازار کے کچھ چکر لگانا ہیں تا کہ باقی ہفتہ اس مشقت سے بچا رہوں ، لہذا فی الحال اجازت چاہتا ہوں ، باقی بات آپ کے اگلے جواب کے بعد ان شاء اللہ ، و السلام علیکم۔

آبی ٹوکول

اسلام علیکم بھائی عادل سہیل مجھے آپکی مندرجہ بالا کوٹ شدہ عبات کی سمجھ نہیں آئی کہ در حقیقت آپ کیا کہنا چاہ رہے ہیں ؟؟؟؟ والسلام

شمشاد احمد

ميرا خيال ہے وہ يہ كہنا چاہ رہے ہيں

شايد جلدي ميں سرخ لفظ ٹأئپنگ ميں رہ گيا ہے۔

اور سچائي سے‌مراد حجت شرعي ليا جائے۔۔۔

باقي وہ خود بہتر تشريح كر سكتے ہيں۔۔

__________________
بندے اور اللہ تعالی سے محبت کا فرق یہ ہے کہ۔ بندے کی محبت ہمیشہ انسان کی بڑی کمزوری بن جاتی ہے۔ اور اللہ تعالی کی محبت ہمیشہ انسان کی سب سے بڑی طاقت بن جاتی ہے۔

عبداللہ آدم

لیکن دوسروں کے خواب بھی تو سچے ہو سکتے ہیں اور ہو تے بھی ہیں.................

شمشاد احمد

لیکن ان سچے خواب شرعا حجت نہیں ہوتے۔۔۔۔
جیسا کہ ‏آج کوئی شخص خواب میں اپنی اولاد کو ذبح کرتے ہوئے دیکھے۔۔۔ تو اس کا یہ خواب سچا تو شاید ہو سکتا ہے ہو کہ اس نےایسا ہی دیکھا ہو لیکن اس کے لئے ایسا کرنا جائز نہیں ہو گا۔۔۔

یا جیسے کہ میں خواب دیکھ لوں کہ عبد اللہ ‏آدم بھائی کے لئے میرے خواب میں ایک نورانی بزرگ نے یہ پیغام دیا ہے کہ مجھے ہر ماہ 15000 روپے دیا کریں۔۔۔۔۔ تویہ خواب سچا تو ہو سکتا ہے لیکن شرعا اس پر عمل کرنا ‏آپ کے لئے واجب نہیں ہو سکتا۔۔۔

لیکن اگر ‏آپ اس پر عمل کرنا ‌چاہیں تو کر سکتے ہیں۔۔۔۔۔ اس پر ‏آپ کو گناہ کوئی نہیں ہو گا۔۔۔

فیصل ناصر

اور شمشاد کی جگہ فیصل کرلیں تب بھی حرج نہیں‌

عادل سہیل

السلام علیکم ورحمۃ اللہ و برکاتہ ،
ارے بھإئیو ، بھتیجو ، لڑو نہیں ، ان شاء اللہ یہ بوڑھا یہ بوجھ بھی اٹھا لے گا ، ادھر ہی بھیج دیا کرو ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔
جزاک اللہ خیرا ، شمشاد بھإئی ،
آپ نے بالکل درست کہا ، اب اس عمر میں اور ایسے حالات میں کہ بڑی بی پاس بیٹھ کر گھورے جا رہی ہو تو ایک آدھ لفظ چھٹ جانا کچھ عجیب نہیں ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔
محترم عابد بھإئی ، کافی عرصہ بعد آپ کو اپنی گفتگو میں پا کر بہت خوشی ہو رہی ہے ، امید ہے شمشاد بھإئی کے جواب سے آپ کو میری بات میں‌موجود کمی کی وجہ سے محسوس ہونے والا اشکال رفع ہو گیا ہو گا ،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔
بھتیجے عبداللہ آدم ، خوابوں کی سچإئی اور کن کے خواب سچے ہو سکتے ہیں کے امکان کے بارے میں کچھ بنیادی معلومات میری ایک کتاب """ عید میلاد النبی صلی اللہ علیہ وعلی آلہ وسلم اور ہم """" میں موجود ہے ، وقت ملے تو اس کا مطالعہ کر لیجیے گا ،
یہاں صرف اتنا ہی کہنا کافی ہو گا کہ اہل ایمان میں سے صالحین کے خوابوں میں سے سچے بھی ہوتے ہیں لیکن اس سلسلے میں خوب اچھی طرح سے سمجھنے کی دو باتیں ہیں ،
ایک تو جو شمشاد بھإئی نے فرمایا کہ کسی کا خواب شرعاً کوٕئی حجت نہیں ہوتا ،
اور دوسرا یہ کہ سچے خواب صرف اہل ایمان صالحین کے خوابوں میں ہی ہو سکتے ہیں ، لیکن ان کی سچإئی کے بارے میں بھی حسنءظن ہی سے کام لے کر انہیں سچا مانا جاتا ہے، جبکہ انبیاء اور رُسل علیہم السلام کے خواب بلا شک و شبہ اللہ کی طرف سے وحی ہوتے ہیں،
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔
بھإئی فیصل ناصر ، کیا آپ کو میری ارسال کردہ سابقہ معلومات میں سے کچھ تسلی بخش جواب میسر ہوا ؟
و السلام علیکم۔

شمشاد احمد

فيصل بھائي شمشاد كي جگہ فيصل تو كم از كم ميرے خواب ميں نظر آنےوالے بزرگ نہيں بوليں گے۔۔۔۔ آخر 15000 روپےكا سوال ہے بابا وہ بھي بيٹھے بٹھائے۔۔۔۔۔ اور اگر آپ اپنا نام شامل كرنا ہي چاہتے ہيں تو ميرے بزرگ سے كسي تگڑے كو خواب ميں‌آپ كو خود ہي ديكھنا ہو گا۔۔۔۔ تب كہيں‌عبد اللہ آدم بھائي مانيں‌گے۔۔۔۔


عادل سہيل بھائي كي وضاحت كے بعد لگتا ہے اب ہماري دال گلنے‌والي نہيں۔۔۔

عروج

واللہ اعلم۔۔۔۔۔۔۔۔۔۔۔۔۔۔ بہرحال تحریر کا شکریہ۔

شمشاد احمد

عروج بہن ‏آپ کو کیوں اس میں شک سا محسوس ہو رہا ہے۔۔۔