جنت کا عاشق

جنت کا عاشق · 21-11-11, 11:07 AM

حضرت عبداللہ بن عمر رضی اللہ عنہمافرماتے ہیں کہ ملک حبش کا ایک آدمی نبی کریم صلی اللہ علیہ وسلم کی خدمت میں حاضر ہوا ۔ اور اسنے کہا “ اے اللہ کے رسول ! آپ لوگ بنوّت سے نوازے گئے ۔اور آپ لوگوں کو اللہ تعالیٰ نے اچھا رنگ بھی دیا : ہمارے اندر نبی مبعوث نہیں ہوا اور ہم سیاہ رنگ کے ہیں : مجھے بتائیں میں اگر ایمان لاؤں اور عمل کروں تو کیا جنت میں آپ کے ساتھ رہ سکوں گا ؟ ۔ نبی کریم صلی اللہ علیہ وسلم نے فرمایا ” وہ تمام لوگ جنہوں نے لاالٰہ الااللہ کہا ہو گا ، اللہ کریم انہیں جنت میں میرا ساتھ نصیب فرمائے گااس نے اپنی کتاب میں وعدہ کیا ہے :انساء 7/69: پھر فرمایا جو شخص سبحان اللہ کہے گا اس کے نامہ اعمال میں ایک لاکھ نیکیاں لکھی جائیں گی “ تو کسی نے کہا کہ ” اللہ کے رسول ! اس کے بعد ہم لوگ کس طرح جہنم میں جائیں گے ؟“ نبی کریم صلی اللہ علیہ وسلم نے فرمایا ” قسم ہے اس ذات کی جس کے قبضہ میں میری جان ہے ، آدمی قیامت کے دن اتنے اعمال لیکر آئے گا کہ اگر وہ پہاڑ پر رکھ دیئے جائیں تو پہاڑ بھی نہ اٹھا سکے ، لیکن جب اس کا مقابلہ اللہ کی نعمت سے ہو گا تو یہ نعمت اس کے سارے اعمال پہ بھاری ہو گی : اس لئے نیک اعمال پہ کسی کو غرور نہیں کرنا چاہیے کیونکہ جنت تو اللہ کے فضل ، رحمت اور اس کے احسان کے نتیجے میں ملے گی :
پھر آپ صلی اللہ علیہ وسلم نے سورۃ دہر کی تلاوت فرمائی جس میں نا شکروں کے برے انجام اور اہل جنت کے انعامات کا ذکر ہوا ہے ۔ یہ سن کر حبشی آدمی نے کہا ” اے اللہ کے رسول ! جس طرح جنت کی نعمتوں کو آپ دیکھتے ہیں ، کیا میری آنکھ بھی جنت میں ان نعمتوں کو دیکھے گی ؟“ تو آپ صلی اللہ علیہ وسلم نے فرمایا ” ہاں “ یہ سن کر وہ حبشی رونے لگا یہاں تک کہ اس کی روح پرواز کر گئی ،
حضرت عبد اللہ بن عمر رضی اللہ عنہ فرماتے ہیں کہ میں نے نبی کریم صلی اللہ علیہ وسلم کو اسے قبر میں اتارتے ہوئے دیکھا : بحوالہ ترٍغیب وترہیب۔طبرانی :

۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔ رضی اللہ تعالٰی عنہ ۔ ۔ ۔ ۔ ۔ ۔ ۔ ۔ ۔ ۔ ۔ ۔ ۔

موضوع کے اختیارات
Show Printable Version Email this Page
ظاہری انداز	Rate This Thread
Linear Mode Switch to Hybrid Mode Switch to Threaded Mode	Rate This Thread:

Currently Active Users Viewing This Thread: 1 (0 members and 1 guests)