السلام علیکم

وَمَا يُؤْمِنُ اَكْثَرُھُمْ بِاللّہِ اِلاَّ وَھُم مُّشْرِكُون
اور یہ اکثر اللہ پر ایمان نہیں رکھتے۔ مگر اسکے ساتھ شرک بھی کرتے ہیں۔
( يوسف:12 - آيت:106 )
اللہ تعالٰی کےاس فرمان کے تحت اس بات کا رد ہو گیا کہ مسلمان شرک نہیں‌کر سکتا۔
اللہ تعالٰی نے کہہ دیا کہ ایمان لانے کے بعد مسلمان ہوتے ہوئے شرک ہو سکتا ہے۔ہو ہی نہیں‌سکتا بلکہ لوگ کرتے بھی ہیں ایمان لانے کے بعد شرک کی مزید وضاحت اللہ تعالٰی کے اس قول سے بھی ہوتی ہے۔
الَّذِينَ آمَنُواْ وَلَمْ يَلْبِسُواْ اِيمَانَھُم بِظُلْمٍ اُوْلَـئِكَ لَھُمُ الاَمْنُ وَھُم مُّھْتَدُون
جو لوگ ایمان لائے اور انہوں نے اپنے ایمان کو شرک کے ظلم سے ملوث نہیں کیا انکے لئے امن و بے خوفی ہے اور وہی ہدایت پانے والے ہیں۔
( الانعام:6 - آيت:82 )
یہ آیت جب نازل ہوئی تو اصحابہ کرام رضوان اللہ اجمعین نے اس آیت میں ظلم سے مراد عام معنی یعنی گناہ،زیادتی وغیرہ ہی لیا اور پریشان ہو کر نبی کریم صلی اللہ علیہ وآلہ وسلم سے عرض کیا کہ ہم میں‌سے کون ہے جس نے ظلم نہیں‌کیا؟تو نبی کریم صلی اللہ علیہ وآلہ وسلم نے فرمایا کہ اس ظلم سے مراد شرک ہے۔کیا تم نے لقمان کا وہ قول نہیں‌پڑھاکہ:
وَاِذْ قَالَ لُقْمَانُ لابْنِہِ وَھُوَ يَعِظُہُ يَا بُنَيَّ لاَ تُشْرِكْ بِاللَّہِ اِنَّ الشِّرْكَ لَظُلْمٌ عَظِيم
اور اس وقت کو یاد کرو جب لقمان نے اپنے بیٹے کو نصیحت کرتے ہوئے کہا کہ بیٹا اللہ کے ساتھ شرک نہ کرنا۔ شرک تو بڑا بھاری ظلم ہے۔
( لقمان:31 - آيت:13 )

إِنَّ اللّهَ لاَ يَغْفِرُ أَن يُشْرَكَ بِهِ وَيَغْفِرُ مَا دُونَ ذَلِكَ لِمَن يَشَاءُ وَمَن يُشْرِكْ بِاللّهِ فَقَدْ ضَلَّ ضَلاَلاً بَعِيداً
[النساء : 116]


اللہ اس کے گناہ کو نہیں بخشے گا کہ کسی کو اس کا شریک بنایا جائے اور اس کے سوا (اور گناہ) جس کو چاہیے گا بخش دے گا۔ اور جس نے اللہ کے ساتھ شریک بنایا وہ گمراہی میں دور جا پڑا (۱۱۶)

__________________