درجہ بندی: (1 votes - 5.00 average)

غیر اﷲ سے مدد مانگنا (وسیلہ)
اﷲ عزوجل کے قادر مطلق ہونے کا کوئی بھی انکار نہیں کر سکتا ،یقینا وہ ہر چاہت پر قادرہے ، اگر چاہے تو تمام کائنات کوبغیرکسی وسیلے کے چلا سکتاہے لیکن یہ اس کی عادت کریمہ ہے کہ اس نے ہر کام کی تکمیل کےلئے کوئی نہ کوئی وسیلہ ضرور بنایاہے مثلا وحی پہنچانے ،بارش برسانے ہوا چلانے،روزی پہنچانے ، ماں کے پیٹ میں بچے کی صورت بنانے ،بدنِ انسان میں تصرف ، دشمنون سے حفاظت ،نامہ اعمال لکھنے،مُردوں سے سوال کرنے ،درود و سلام بارگاہِ نبوی صلی اللہ علیہ وسلم تک لانے ،عذابِ الٰہی دینے صور پھونکنے اور دیگر بے شمار کاموں کےلئے فرشتوں کو مقرر فرمایا
تبلیغ دین فرمانے ، لوگوں کو دولت ایمان سے نوازنے ، اﷲتعالیٰ سے ملانے اوردیگربہت سے پاکیزہ کاموں کےلئے انبیاء علیہم السلام کو معبوث فرمایا۔
دنیا میں ملک چلانے کیلئے ” لیڈر “ ، امراض کی تشخیص کیلئے ” ڈاکٹر اور حکیم“بیماریاں دور کرنے کیلئے ”دوائیاں“حاجات پوری کرنے کیلئے ”مال ودولت“ سردی گرمی سے محفوظ رہنے کیلئے ’’ لباس“ سایہ و فضا کو درست رکھنے کیلئے ”درخت“ زندگی کی بقاءکیلئے ”کھانا ہوا اور پانی“ علم کے حصول کیلئے ”کتابیں اور اساتذہ“ اور ملکی دفاع اور جنگیں لڑنے کیلئے ہتھیاروں کو وسیلہ بنایا ، جب یہ واضع ہو گیا کہ وہ ذاتِ پاک ہر چاہت پر قادر ہونے کے باوجود تقریباً ہر کام کیلئے وسیلہ قائم کرنا ہی پسند فرماتی ہے،تو اس کے ساتھ ساتھ یہ بھی ثابت ہو گیا کہ غیر اﷲ کی طرف رجوع کرنا اﷲ تبارک وتعالیٰ کی مشیت کے عین مطابق ہے اور ان سے مدد حاصل کرنا دراصل اﷲ تعالیٰ ہی سے مددطلب کرنا ہے کیونکہ یہ اسی کی عطا سے اور اسی کی طرف سے اس کام کیلئے مقرر کئے گئے ہیں اﷲ تبارک وتعالیٰ قرآن پاک میں ارشاد فرماتا ہے !
فان اﷲ ھومولاہ وجبریل وصالح المومنین ج والملا ئکة بعد ذالک ظہیر (پ 28 التحریم 4)

تو بے شک اﷲ ان کا مدد گار ہے اور جبرئیل اور نیک ایمان والے اور اس کے بعد فرشتے مدد پر ہیں



ماخوز

__________________
اے ایمان والو اللّٰہ سے ڈرو اور اسکی طرف وسیلہ ڈھونڈو (جس کی بدولت تمہیں اس کا قُرب حاصل ہو ) اور اس کی راہ میں جہاد کرو اس امید پر کہ فلاح پاؤ (المائدہ 35)