یاسر عمران مرزا

ایک مہر بنانے کے لیے کورل ڈرا بھی استعمال کیا جا سکتا ہے اوریہی زیادہ پسند بھی کیا جاتا ہے۔ تاہم فوٹو شاپ میں بھی مہر بنائی جا سکتی ہے۔ مہر کا سائز عام طور پر تین سینٹی میٹر سے پانچ سینٹی میٹر تک ہو سکتا ہے۔ اس پراجیکٹ کے لیے ہم پانچ ضرب پانچ سینٹی میٹر کی ایک مہر بنائیں گے۔ یعنی اس کی چوڑائی بھی پانچ سینٹی میٹر ہو گی اور لمبائی بھی۔ اس پراجیکٹ کے لیے میں فوٹو شاپ کا سی ایس تین ورژن استعمال کر رہا ہوں۔ آپ کوئی بھی ورژن استعمال کر سکتے ہیں کیوں کہ طریقہ کار تقریبا ایک جیسا ہی ہو گا۔ آئیے شروع کرتے ہیں۔
فوٹو شاپ کھولیں اور File مینو پر جا کر New کا آپشن اخیتار کریں یا شارٹ کٹ کی Ctrl + N دبائیں۔ ایک ڈائیلاگ ونڈو کھلے گی جس میں آپ نے سائز اور ریزولوشن متعین کرنا ہے ۔



Width اور Height میں 5 کی مقدار لکھیں اور اس سے ملحقہ ڈراپ ڈاون مینیو سے cm یعنی سینٹی میٹر اختیار کر لیں۔ ریزولوشن کی مقدار 300 رکھیں اور اسے ملحقہ مینیو میں pixel/inch اختیار کر لیں۔ اگر آپ کےپاس یہ آپشن نظر نہ آ رہا ہوتو اسے چھوڑ دیں۔ Background Contents والے خانے میں White کی مقدار منتخب کر لیں۔ باقی تمام چیزیں اپنی پہلی حالت میں ہی رہنے دیں اور OK کا بٹن دبا دیں۔
اب آپ کو ایک نئی فائل حاصل ہو چکی ہے۔ جس کی شکل کچھ ایسی ہے۔



فوٹو شاپ کی مرکزی ٹول بار جس کی شکل یہاں اوپر نظر آنے والی شکل سے مختلف بھی ہو سکتی ہے سے دائرہ یعنی Ellipse Tool منتخب کریں۔ جس کی شارٹ کٹ کی U ہے۔ اگر آپکو دائرہ نظر نہ آئے اور کچھ دوسری شکل ظاہر ہو رہی ہو تو آپ پہلے U دبائیں ، اسکے بعد ٹول بار پر جو بھی بٹن نمایاں ہو اس کے اوپر ماوس کا تیر لا کر چند ثانیے کے لیے ماوس بٹن دبا کر رکھیں۔ تو آپ پاس ایک ذیلی مینیو ظاہر ہو جائے گا اس میں سے بیضوی دائرے کی شکل والا Ellipse Tool منتخب کر لیں۔




یہ ٹول اختیار کرنے کے بعد سکرین پر جو نئی فائل آپ نے پہلے سے کھول رکھی ہے۔ اس کے سفید حصے پر ماوس کرسر لائیں ، کی بورڈ سے Shift کا بٹن دبا لیں اور اوپری کونوں سے ماوس بٹن دبا کر ڈریگ کریں ۔ آپ دیکھیں گے کہ ایک دائرہ بننا شروع ہو چکا ہے۔ اس دائرے کو بغیر Shift کا بٹن چھوڑے اتنا بڑا کر لیں کہ دائرہ سفید جگہ میں مکمل طور پر سما جائے، لیکن اس کی حدوں سے باہر نہ نکلے۔ اگر آپ کا دائرہ بالکل کونوں کو نہیں چھو پاتا تو گھبرانے کی کوئی بات نہیں۔
فوٹو شاپ کی دائیں طرف آپ کو کئی ڈبے نظر آ رہے ہوں گے۔ جن کو پیلٹ Palette کہتے ہیں۔ اس میں Layers پیلٹ عموما نیچے واقع ہوتی ہے۔ اسکی شکل کچھ ایسی ہو گی۔



اس میں آپ کو ایک عدد بیک گراونڈ لیر نظر آ رہی ہے اور ایک Shape 1 کے نام سے۔ پہلے کی بورڈ سے V کابٹن دبائیں پھر Layers پیلٹ میں Shape 1 پر کلک کر کے اسے نمایاں کریں۔ اس کے بعد کی بورڈ سے Shift کی دبائیں اور Background پر کلک کر دیں۔ آپ دیکھیں گے کہ دونوں Layers نمایاں ہو چکے ہیں۔ نمایاں ہونے کی نشانی ان کا رنگ نیلا ہونا ہے۔
اس کے بعد فوٹو شاپ کی سب سے اوپر والی ایک عدد ٹول بار پر جائیے اور یہ والے دو بٹن دبائیے۔ ان کو میں نے تصویر سے بھی واضح کیا ہوا ہے۔ اس سے ہو گا یہ کہ آپ کا لگایا ہوا دائر بالکل کینوس بورڈ کے مرکز میں آ جائے گا۔ چاہے آپ نے اسی درست انداز میں درمیان میں نہیں لگایا۔
Allign horizontal centers
Allign vertical centers
یہ دیکھیے۔



اب آپکی فائل کچھ اس طرح نظر آ رہی ہو گی۔




اب دوبارہ Layers پیلٹ کی طرف رجوع کیجیے اور Shape 1 کو نمایاں کیجیے۔ اور اس کے بعد اس پر ماوس کا بایاں بٹن دبائیے ۔ جس سے ایک ذیلی مینیو ظاہر ہو گا۔ جس میں سے آپ کو Blending options منتخب کرنا ہو گا۔




جس کے بعد ایک مزید ونڈو ظاہر ہو گی۔ جو اس طرح کی ہو گی۔



اس ونڈو میں آپ نے Stroke منتخب کرنا ہے اور اس سے ملحقہ چھوٹے چیک بکس کو کلک کر کے وہاں ٹک نشان لگا دینا ہے۔ دراصل Stroke کا مطلب فوٹو شاپ کی زبان میں باہری لائن لیا جاتا ہے۔ Stroke کے خصوصیات کو آپ نے اس طرح ترتیب دینا ہے۔
Size=4 px
Position=Inside
Blend Mode= Normal
Opacity:=100 %
Fill Type= Color
Color=(R=0 | G=0 | B=0)
یہ تمام مقداریں متعین کرنے کے بعد OK کا بٹن دبا دیں۔ ایسا کرنے سے آپکی فائل میں کوئی قابل ذکر تبدیلی فورا نظر نہیں آئے گی۔ لیکن دراصل آپ نے جو دائرہ لگایا تھا اس کے ارد گرد سیاہ رنگ کی ایک باریک لائن بن چکی ہے۔ ڈبے کے درمیان میں جو رنگ نظر آ رہا ہے وہ ہمیں مطلوب نہیں ہے اس کو ختم کرنے کے لیے ہم یہ طریقہ اختیار کریں گے۔ Layers پیلٹ کی طرف رجوع کریں اور Shape 1 کو منتخب کر لیں۔ اس کے عین اوپر آپکو دو سلائیڈر پر مشتمل ٹیکسٹ باکس نظر آ رہے ہوں گے۔ جن میں سے ایک کا نام Opacity ہے اور دوسرے کا Fill ۔یہاں پر دھیان سے Fill والے ٹیکسٹ باکس کی مقدار صفر کر دیں۔ تصویر ملاحظہ کریں۔



اب آپکی فائل کی شکل کچھ ایسی ہو گی۔ دائرے کا اندرونی رنگ ختم ہو چکا ہو گا اور بس اسکی باہری لائن موجود ہو گی۔



یہ عمل کرنے کے فورا بعد کی بورڈ سے Ctrl + J کا بٹن دو بار دبائیں۔ دراصل یہ ڈپلیکٹ لیئر Duplicate Layer بنانے کی شارٹ کٹ کی ہے۔ یہی عمل آپ Shape 1 لیئر نمایاں کرنے کے بعد ماوس کا بایاں بٹن دبا کر ذیلی مینیو سے Duplicate Layer اختیار کر کے بھی کر سکتے ہیں۔ اب Layer پیلٹ میں کچھ اضآفی Layer وجود میں آ چکے ہوں گے جن کے نام بالترتیب
Shape 1 copy
Shape 1 copy 2
ہوں گے۔ اور Layers پیلٹ کی شکل کچھ ایسی ہو گی۔




اب آپ Shape 1 copy کو نمایاں کر کے کی بورڈ سے شارٹ کٹ کی Ctrl + T دبائیں۔ دراصل یہ شارٹ کٹ کی Free Transform کی متبادل ہے جسے آپ فوٹو شاپ کے مینیو Edit سے حاصل کر سکتے ہیں۔ اور اسکا کام فوٹو شاپ کینوس بورڈ میں موجود کسی بھی آبجیکٹ کو صارف کی مرضی کے مطابق چھوٹا یا بڑا کرنا اور اسکا مقام تبدیل کرنا ہے۔ آبجیکٹ سے مراد کینوس بورڈ پر موجود کوئی بھی شکل، دائرہ، لکیر یا کوئی اور شکل ہوتی ہے۔
اب آپ دیکھیں گے کہ کینوس بورڈ پر موجود دائرہ کے ارد گرد ایک باریک سی لکیر پر مشتمل مربع شکل نظر آ رہی ہے جس کے چاروں کونوں پر چھوٹے چھوٹے مربعے ہیں۔
اپنے کی بورڈ سے Shift اور Alt کے بٹن دبا لیں اور کسی بھی ایک کونے کے چھوٹے مربع کے اوپر ماوس کرسر لائیں۔ ماوس کرسر کی شکل تبدیل ہو جائے گی۔ اب ماوس کا دایاں بٹن دبا کر ڈریگ کریں تو آپ دیکھیں گے کہ Shape 1 copy والا دائرہ چھوٹا ہو رہا ہے۔ اس کو بڑے مرکزی دائرے سے بالکل معمولی سا چھوٹا کریں اور ماوس روک دیں۔
اب کی بورڈ سے Enter کا بٹن دبائیں تو دائرے کے ارد گرد موجود مربع ختم ہو جائے گا اور اسکی شکل کچھ ایسی ہو گی، اگر ایسی نہ ہو تو دوبارہ یہی عمل کر کے ایسی بنا لیں۔




اس کے بعد Layers پیلٹ میں سے Shape 1 copy 2 کو نمایاں کریں۔ اور دوبارہ Ctrl + T کی شارٹ کٹ کی استعمال کرتے ہوے تیسرے دائرے کو کچھ زیادہ وقفہ دے کر چھوٹا کر لیں۔ اب شکل یوں ہو گی۔ اگر نہ ہو تو ایسی ہی بنا لیں۔



یہاں تک آپکی ڈرائنگ کا کافی کام مکمل ہو چکا اب لکھائی کا کام باقی ہے۔
کی بورڈ سے T بٹین دبائیں۔ اس سے Text ٹول منتخب ہو جائے گا۔ اس ٹول کی مدد سے فوٹو شاپ کینوس کے درمیانی حصہ میں کلک کریں تو وہاں آپ کو جلتا بجھتا کرسر نظر آئے گا جو ظاہر کرے گا کہ اب آپ لکھ سکتے ہیں۔ اسی ٹول کو آپ فوٹو شاپ کی مرکزی ٹول بار سے بھی حاصل کر سکتے ہیں۔ اس کی شکل کچھ ایسی ہوتی ہے۔




ہم اس مہر کو اردو میں بھی بنا سکتے ہیں لیکن اس کے لیے آپکے پاس اردو فونٹ اور فوٹو شاپ کا مڈل ایسٹرن Middle Eastern ورژن ہونے کی شرط ہے۔ چونکہ تمام یوزرز کے لیے ایسا ممکن نہیں ہو گا اس لیے ہم فی الوقت مہر انگریزی میں ہی بنائیں گے۔
اب جلتے بجھتے کرسر کے نظر آنے کے بعد کی بورڈ سے ٹائپ کرنا شروع کریں۔ اور اپنی پسند کی لکھائی لکھ لیں۔ یہاں ہم
Super Admin
Muntazmeen
کے الفاظ دو لائنوں میں لکھیں گے۔ جب آپ ٹول بار میں سے Text ٹول منتخب کریں گے تو فوٹو شاپ کے مینیو کے نیچے ایک بار ظاہر ہو جائے گی جس میں لکھائی کی تمام خصوصیات موجود ہوں گی جن کو آپ درست طریقے سے متعین کر کے لکھائی کا سائز ، رنگ اور فونٹ کی شکل تبدیل کر سکتے ہیں۔ اسکی شکل ایسی ہو گی۔




یہ کسی بھی بنیادی معلومات رکھنے والے کمپیوٹر کے طالبعلم کے لیے نیا نہیں ہو گا اس لیے یہاں میں اس پر بحث نہیں کروں گا۔ تاہم اگر آپ کو کوئی مسلہ آئے تو آپ سوال کر سکتے ہیں۔ اس لکھائی کو میں نے یہاں 14 پوائنٹ سائز اور Calibri فونٹ استعمال کرتے ہوے لکھا ہے۔
یہ لکھائی شامل کرنے کے بعد آپکو کی بورڈ سےEnter بٹن دبانا ہو گا۔ اس کے بعد جلتا بجھتا کرسر ختم ہو جائے گا۔
اس کی پوزیشن کو درمیان میں لے آئیں۔ جس کے لیے آپ Align vertical centers اور Align Horizontal centers کی کمانڈز استعمال کر سکتے ہیں جن کا طریقہ کار میں نے اوپر بھی لکھا ہے۔ اب آپکی فائل کچھ اس شکل کی ہو گی۔



اس کے بعد Layers پیلٹ کی طرف رجوع کیجیے اور Shape 1 copy 2 نامی لیئر منتخب یا نمایاں کریں۔ جس میں ایک کالے ڈبے کے ساتھ ایک اور ڈبا جس میں ایک دائرہ ہے موجود ہو گا۔ اب آپ دائرے والے ڈبے پر کلک کریں۔ یہ ملحقہ ڈبہ دراصل فوٹو شاپ کی زبان میں Path کو ظاہر کر رہا ہے۔ تصویر دیکھیں۔




فورا اگلا عمل یہ کہ دوبارہ سے Text ٹول منتخب کیجیے اور ماوس کا کرسر فائل میں موجود سب سے اندر والے دائرے کا اوپری حصے کے درمیان میں لائے۔ آپ نے ماوس کرسر کو لکیر کے بالکل اوپر لانا ہے جب کرسر کی شکل تبدیل ہو کر ایسی نظر آنے لگے۔ یہ انتہائی اہم نقطہ ہے ۔ اسکے بغیر آپ کا کام مکمل نہیں ہو گا۔
کرسر کی شکل غور سے دیکھیں لیں۔




اب نئی عبارت کا اضافہ کریں۔ آپ دیکھیں گے کہ نئی عبارت ایک دائرے کی صورت میں ڈھلتی جا رہی ہو گی۔
Pakistan ki Awaz
اس لکھائی کو آپ پہلی لکھائی سے قدرے بڑے سائز میں رکھیں گے یہاں میں اس لکھائی کو 18 پوائنٹ سائز اور Calibri فونٹ کے ساتھ لکھ رہا ہوں۔ یہ لکھائی سب سے اندرونی دائرے کی باہری لکیر کے ساتھ جڑی ہو گی۔ کی بورڈ سے کسی بھی وقت Ctrl + T شارٹ کی استعمال کر کے آپ اس کے سائز کو دوسرے اندرونی دائرے اور تیسرے اندرونی دائرے کے درمیان معین کر سکتے ہیں۔ اب شکل کچھ یوں ہو گی۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

یاسر عمران مرزا

اب آپکو اس Path کے منعکس ایک اور Path بنانی ہو گی۔ Shape 1 copy کو منتخب کیجیے۔ اور کی بورڈ سے شارٹ کٹ کی Ctrl + J دبا کر اس کا ایک ڈپلیکیٹ لیئر بنائیے۔ اس کے بعد شارٹ کٹ کی U دبا کرRectangle Tool منتخب کیجیے۔ جونہی آپ یہ ٹول منتخب کریں گے فوٹو شاپ کے مینیو سے نیچے کی ٹول بارتبدیل ہو کر کچھ اس طرح کی شکل اختیار کر لیے گی جس میں سے آپکو یہ ٹول متنخب کرنا ہے۔ Exclude overlapping shape areas



یہ ٹول متنخب کرنے کے بعد کی بورڈ سے Shift بٹن دبا کر فائل کے اوپر والے کونے بائیں کونے سے لے کر نچلے کونے کی دائیں طرف ایک مربع شکل بنائیں۔ تو آپ کو ایک نیا لیئر حاصل ہو گا۔ اسکا نام Shape 1 copy 3 ہو گا۔



آپ دیکھ سکتے ہیں کہ یہ Path دوسری Path یعنی Shape 1 copy کا الٹ ہے۔ اسکے اندرونی ڈبے یعنی Path کو منتخب کرتے ہوے Text ٹول منتخب کیجیے۔ اب آپ کو دوسرے دائرے کی نچلی اور اندرونی طرف کی لکیر کے درمیان میں کلک کرنا ہو گا۔ آپکی آسانی کے لیے نیچے میں اسے ایک سرخ نقطے کی صورت میں دکھا رہا ہوں۔




Text ٹول کی مدد سے دوبارہ پہلے بتائے گئے طریقے کے مطابق عبارت لکھیں ۔
Pakistan kay forums
جس کے بعد آپ Shape 1 copy 3 کو کی بورڈ سے ڈیلیٹ کی دبا کر ختم کر سکتے ہیں۔ دھیان سے ، کہیں عبارت نہ حذف ہو جائے۔ اس کے بعد Ctrl + T شارٹ کٹ کی استعمال کریں اور نئی عبارت کودونوں لکیروں کے درمیان میں لائیں۔ تب تک آپ کے پاس یہ شکل حاصل ہو جائے گی۔



اب آپکی مہر تیار ہو چکی ہے۔ اس میں خوبصورتی کے لیے دو عدد ستارے شامل کر سکتے ہیں۔ ستارے اور دوسری کئی اشکال فوٹو شاپ کی Shape Library میں دستیاب ہوتی ہیں۔ اس کے لیے شارٹ کٹ کی U استعمال کریں اور Custom Shape Tool منتخب کریں۔ جو اس تصویر میں سب سے آخر پر ہے۔ لال نشان پر مت جائیے صرف آخری ٹول دیکھیے۔ مزید آسانی کے لیے نیچے دی گئی تصویر میں سے نمبروں کے ذریعے باآسانی آپ ستارہ تلاش کر سکتے ہیں۔



اس کے بعد دو عدد ستارے مہر کے دائیں اور بائیں طرف والی خالی جگہوں میں بنا کر مکمل ڈیزائن حاصل کریں۔ میری مہر تو ایسی بنی۔ آپ کی کیسی بنی، شئر ضرور کریں۔

یاسر عمران مرزا

چند ڈیفی نیشنز


نمایاں کرنا = یعنی سیلکٹ کرنا
اختیار کرنا=یعنی سیلکٹ کرنا
منتخب کرنا =یعنی سیلکٹ کرنا

کینوس بورڈ= فائل میں موجود وہ حصہ جہاں عام طور پر ڈرائنگ کی جاتی ہے۔ یہ حصہ عموما سفید کاغذ کی طرح ہوتا ہے۔
شارٹ کٹ کی=شارٹ کٹ کی کمپیوٹر کے کی بورڈ سے وہ ایک یا دو بٹن ہوتے ہیں جن کو دبا کر آپ کوئی مخصوص کام سرانجام دے سکتے ہیں۔ یہ کام ہر شارٹ کٹ کی کے لیے پہلے سے معین ہوتا ہے۔

عدنان دانی

بہت اچھے یاسر بھائی، بہترین۔

احمد بلال

بھائی ابھی پورا تفصیل سے تو نہیں پڑہا ٹائم کم ہے۔پرسوں پیپر ہے۔ جیسے ہی ٹائم ملتا ہے تفصیل سے پڑہتا ہوں۔
کیاآپ کا آرٹیکل آپکے نام اور original لنک کے ساتھ اپنے فورم یا سائیٹ پہ رکھ سکتا ہوں؟

یاسر عمران مرزا

جی بھائی شامل کر سکتے ہیں۔ کوئی مسلہ نہیں۔میرے بلاگ کا لنک شامل کر دیں تو اچھا رہے گا۔

محمدعدنان

بھائی ماشاء اللہ بہت اچھے انداز میں آپ نے وضاحت کی ہے اور یہ ٹٹوریل مجھ جیسے سیکھنے والوں کے لئے بہت کارآمد ثابت ہوگا ان شاء اللہ

__________________

یاسر عمران مرزا

شکریہ عدنان بھائی، آپ نے پسند کیا۔
میں‌نے خاص طور پر یہ ٹیوٹوریل ان حضرات کے لیے بنایا ہے جو فوٹو شاپ کی الف بے سے بھی واقف نہیں۔ دراصل اسکا مقصد صرف ایک مہر بنانا نہیں‌بلکہ فوٹو شاپ کی چند بنیادی چیزوں جیسے
Layers
Pallet
Toolbar
Drawing Tools like Rectangle, Ellipse
وغیرہ سے روشناس کروانا ہے۔ اس لیے میں نے چھوٹی سے چھوٹی چیز کا سکرین شاٹ شامل کیا۔ اور دو دن وقفے وقفے سے لکھنے کے بعد یہ نتیجہ حاصل ہوا۔ اب میں‌چاہتا ہوں کوئی ایسابندہ جس نے کبھی فوٹو شاپ کھولا بھی نہ ہو، بذریعہ اس ٹیوٹوریل کے مجھے اس طرح کی مہر بنا کر دکھائے اور پھر اگر میں‌نے کسی چیز کی وضاحت نہیں‌کی تو مجھے بتائے ۔

ڈاکٹرنور

بہت شاندار اور سہل انداز میں
فوٹو شاپ میں کام کرنے کا اتنی تفصیل اور شارٹ کٹس کے ساتھ
معلوماتی آرٹیکل لکھا ہے جس کے لئے یاسرعمران مرزا ڈنگہ والے مبارک باد کے مستحق ہیں
ماشاءاللہ

__________________
آنسو اور مسکرا ہٹ دو انمول خزانے ہیں-پہلے خزانے کواپنے تک محدود رکھواور دوسرے کولوگوں پر نچھاور کردو(حضرت علی)
Visit My Blog
http://www.homeopathypakistan.blogspot.com

یاسر عمران مرزا

ہا ہا ہا ہا ہا
مجھے پیر مرید تو نہیں بنا دیا آپ نے۔۔۔۔۔۔۔۔ہاہا ہاہا
اور پسند کرنے کا شکریہ

ڈاکٹرنور

ناں ناں بھئی
یہ پیری مریدی بدر اور راجہ اکرام جانیں
میں نے تو آپ کا ڈنگہ پر آرٹیکل پڑھا تو
ڈنگہ والے لکھ دیا۔۔۔۔

راجہ اکرام

السلام علیکم یاسر بھائی
بہت خوب جناب ۔۔ لگتا ہے اب مجھے بھی یہ سیکھنا پڑے گا ۔ بہت اچھے انداز سے آپ ہر بات سمجھاتے ہیں

__________________
محتاج اصلاح و دعا

راجہ اکرام

بدر بھائی نے اپنا الگ ’’ٹھیا‘‘ لگا لیا ہے

یاسر عمران مرزا

وعلیکم السلام راجہ بھائی۔
بس آپکی دعا ہے ورنہ ہم کس قابل ہیں۔
باقی آپ اگر یہ سیکھنے کی کوشش کریں گے تو مجھے بہت خوشی ہو گی۔

ثاقب امین

زبردست۔۔۔۔مزہ آگیا پڑھ کر۔۔
ماشاء اللہ بہت عمدہ۔۔
میں اور طریقہ سے بناتا ہوں۔
ویسے یہ زیادہ فائدہ مند اور آسان ہے۔۔