shafresha

یہ سب تسلسُل ہے فقط اک تسلسُل
تسلسُل سے جینا، تسلسُل سے مرنا
فنا میں تسلسُل، بقا میں تسلسُل
چُپ چاپ بہتے ہوئے بحر و دریا
فضاءمیں بُلندی پہ اُڑتے ہوئے پرندے
ہر روز چٹکتی، مہکتی یہ کلیاں
اِدھر سے اُدھر پھرتے یہ بھونرے
تواتُر سے لگتے یہ موسم کے پیوند
یہ سب تسلسُل نہیں ہے تو کیا ہے؟

یہاں ہے تسلسُل ہر ایک شئے میں
یہ راتوں کی سیاہی، یہ دن کا اُجالا
کبھی شام ہونا، کبھی صرف اندھیرا
میں ہر ایک سے فقط یہی پوچھتا ہوں
یہ سب تسلسُل نہیں ہے تو کیا ہے؟

یہاں صرف ایک شئے پہ نہیں ہے تسلسُل کا سایہ
وہی اِک کارِ رفتہ ہے اب تک نامکمل
جس کا نہیں ہے کوئی واسطہ
نہ جُنوں سے نہ خِرد سے
وہ ایک کارِ رفتہ کہ ازل سے مُسلسل
اب تک نامکمل، وہ اب تک نامکمل
وہی دردِ اُلفت، وہی اک محبت!





دوستوں اس بے ربطگی پر آپ کی رائے کا انتظار رہے گا!

Miss Khan

تسلسل میں یہ نظم بہت اچھی لگی، شکریہ جناب، اپنی اتنی اچھی نظم شئر کی

بنت حوا

بہت خوب جناب

shafresha

یہ نظم دراصل میرا جی کی ایک نظم سے متاثر ہو کر لکھی تھی!!!