shafresha

اے زمیں و ماہ و مہر تو گواہی دینا
اے سنگی فصیلِ شہر تو گواہی دینا

تیرے سائے میں بھی گُزری ہیں کچھ اُداس شامیں
اے بوڑھے برگد کے شجر تو گواہی دینا

میں تُجھ میں رہ کر بھی تیرا نا ہوا
اے میرے خالی گھر تو گواہی دینا

ہم تجھے ڈھونڈنے برہنہ پائی میں
بھٹکے کدھر کدھر تو گواہی دینا

شب کی آنکھوں سے چُنے تھے ہم نے آنسو
ارے او نقیبِ سحر تو گواہی دینا

پورا شہر طرفدارِ سزائے صلیب تھا
اے میرے نالہِ بے اثر تو گواہی دینا

مُجھ کو نشے میں بھی رہا وحدانیت کا یقین
اے خُدائے بُزرگ و بَرتر تو گواہی دینا

امیرِ شہر کی حمایت باغی تیری مجبوری ہے
روزِ محشر بلا خوف و خطر تو گواہی دینا

کنگ

بہت اعلی شاعری ہے بھائی
کیا یہ آپکی اپنی ہے ؟

shafresha

بھائی کنگ السلام علیکم،
یہ ہاں یہ کلام اس خادم کا ہی ہے!

احمد بلال

شافریشہ بھائی آپ کا کلام پڑھ کے صرف اتنا کہوں‌گا۔
بہت بہت پیاری شاعری ہے۔ ان نظموں میں سے ہے جن جو شاعری کی دنیا میں پسند کا درجہ دیا جاسکتا ہے۔
اللہ آپکو اور ہمت اورعلم عطا کرے۔

Miss Khan

الفاظ نہیں‌‌ جناب۔۔۔۔

مُجھ کو نشے میں بھی رہا وحدانیت کا یقین
اے خُدائے بُزرگ و بَرتر تو گواہی دینا

بنت حوا

بہت خوب جناب