shafresha

جب رات کا آخری پہر ہوتا ہے
تو دل میں کسی کا گُزر ہوتا ہے

میری تمام عُمر قُربان اُس لمحے پر
جو لمحہ تیری یاد میں بسر ہوتا ہے

سفرِ حیات بھی مُشکل سہی مگر اے صنم
بہت کٹھن یہ جذبوں کا سفر ہوتا ہے

میرے شوقِ عشق کو نامِ آوارگی نہ دے
ہوس کہاں زمانے میں معتبر ہوتا ہے؟

تیرگیِ غم مِٹا سکو تو سُنو
بہت گہرا یہ زخمِ جگر ہوتا ہے

کُل جہاں محوِ تماشائے یار ہو
دلِ معصوم سے پھر کہاں صبر ہوتا ہے

جب کوئی گھائلِ حسنِ نظر ہوتا ہے
اک تماشائے جُنوں دربدر ہوتا ہے

پتھروں سے عبارت ہے ہر مکاں کی قسمت باغی
جہاں انساں رہیں بس وہی گھر ہوتا ہے

کنگ

جب کوئی گھائلِ حسنِ نظر ہوتا ہے
اک تماشائے جُنوں دربدر ہوتا ہے

بہت اچھے جی

ام غزل

بہت خوب ۔۔۔۔۔

عروج

بہت عمدہ ،کیا نرمی سے بات کر دی۔

Miss Khan

واہ جناب، میں سمجھی تھی کہ آپ نظم پر ہی طبع آزمائ کرتے ہیں‌،آ‌پ تو ماشاءاللہ پورے شاعر ہیں ، اتنی اچھی غزل لکھی ہے وہ بھی 7،8 اشعار پر مبنی، تمام اشعار بہت اچھے لگے خاص کر یہ والا تو بہت ہی اچھا۔۔۔۔۔۔۔۔۔۔!

جب کوئی گھائلِ حسنِ نظر ہوتا ہے
اک تماشائے جُنوں دربدر ہوتا ہے

اور یہ شعر تو بہت معنی لئے ہوئے ۔۔۔۔۔ بہترین

سفرِ حیات بھی مُشکل سہی مگر اے صنم
بہت کٹھن یہ جذبوں کا سفر ہوتا ہے

جبکہ یہ شعر اپنے اندر بہت سی سچائ لئے ہوئے نظر آیا

میرے شوقِ عشق کو نامِ آوارگی نہ دے
ہوس کہاں زمانے میں معتبر ہوتا ہے؟

بنت حوا

بہت خوب جناب