shafresha

پھر وہی غم ہے!

پھر وہی غم ہے وہی تنہائی
آپ کی یاد تک نہیں آئی

جام پہ جام پی رہے ہوں کیوں؟
پھر کسی نے کہا ہے سودائی

ہر طرف چھا گیا اندھیرا سا
زُلفِ برہم جونہی لہرائی

اُنکے ہونٹوں پہ کچھ تبسم سا
لو کسی کی ہے پھر قضاءآئی

کوئی پُرسانِ حال بھی تو نہیں
وہی گلیاں ہیں وہی رُسوائی

اپنی ہی ذات سے گُریزاں ہم
اپنے ہی حال پہ تماشائی

اب بھی راتوں کو یاد آتے ہیں
جن سے رشتہ تھا نا شناسائی

اک نئے شخص سے ملے اکثر
جب نگاہ آئینے سے ٹکرائی

یہ میری ذات تو نہیں باغی
ہے کسی ہیولے کی پرچھائی

Miss Khan

واہ جناب، بہترین غزل ہے ،یہ اشعار تو بہت ہی پسند آئے

اُنکے ہونٹوں پہ کچھ تبسم سا
لو کسی کی ہے پھر قضاءآئی

کیا بات ہے جناب۔۔۔۔۔

اک نئے شخص سے ملے اکثر
جب نگاہ آئینے سے ٹکرائی

بلا مبالغہ آج کافی عرصے بعد آپ کا کلام پڑہ کر لطف آیا۔۔۔

بنت حوا

بہت خوب جناب