شاہ جی 90

سب سے پہلے بازار سے تازہ بھنڈی اور چپل کباب کم از کم ایک پائو لے کر آئیں یا کسی سے منگوا لیں اگر گھر کے نوکر کو بھیج رہے ہیں تو خیال رہے کہ وہ ایک کی چیز دو کی بتا سکتا ہے ۔
اب جس طرح گوشت یا کسی دیگر سالن کے لیئے تڑکا بناتے ہیں بنا لیں بھنڈیوں کو دھو کر ایک کپڑے سے رگڑ کر خشک کر لیں تا کہ ان کی لیس ماری جائے ، اب بھنڈیوں کو باریک کاٹ لیں اور بھنڈیاں روسٹ کر لیں ، ساتھ ہی کباب کے چھوٹے چھوٹے ٹکڑے کر لیں ، اب روسٹد بھنڈیاں اور کباب اس تڑکے یا سالن ، یا گریوی ، کچھ بھی کہیں اس میں ڈال کر دو سے چار منٹ تک پکائیں ، اس پر اتارنے سے پہلے سبز دھنیا کاٹ کر چھڑک دیں ۔ اب سلاد اور توے کی باریک پکی ہوئی روٹیوں کے ساتھ پیش کریں ۔

ھارون اعظم

واہ کیا بات ہے۔ آپ نے تو بہت جلدی بھنڈی کباب بنانے کا طریقہ بتادیا۔

سحر

ارے شاہ جی بھائی
سالن کی ترکیب تو بتائی نہیں آپ نے ۔ ؎
بس بھنڈیاں تیل میں فرائی کی اور کباب ملادیے ، سالن کہاں بنایا ۔

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

احمد بلال

یہ سالن ہی تو ہے؟؟ کیا چیزیں ملا کے گھی ڈال دینے سے سالن نہیں بن جاتا ؟؟؟

شاہ جی 90

سلام بہنا
ہم سمجھتے تھے سالن بنانا تو سب کو آتا ہو گا

شاہ جی 90

نہیں بھیا
پیاز سنہری کرنے سے لے کر ٹماٹر پیسٹ‌ڈالنے تک بڑے مراحل آتے ہیں

سحر

شاہ جی بھائی
سالن بہت طرح کے ہوتے ہیں
اور سب کی تراکیب میں فرق ہوتا ہے ۔ میں نے اس لیے پوچھا تھا ۔
ہم بھنڈی کو تین طریقوں سے بناتے ہیں ۔
ایک سالن میں املی ڈالی جاتی ہے وہ شوربے کے ساتھ کھٹا سالن ہوتا ہے ۔
ایک سادہ ہوتا ہے لیکن قدرے سوکھا مگر بھونا ہوا مصالحہ ہوتا ہے ۔
ایک بھنڈی فرائی کرکے صرف مصالحے ڈالے جاتے ہیں ٹماٹر اور بیاز نہیں ڈالتے ہیں ۔
ویسے عام سالنوں کی تو بہت سے اقسام ہیں

شاہ جی 90

سب سے پہلے پیاز کاٹ لیں اور برتن میں ککنگ آئل ڈال کر چولہے پر رکھ دیں اب جب وہ گرم ہو جائے تو پیاز ڈال دیں، ساتھ ہی ادرک اور لہسن کوٹ لیں ، پیاز سنہری ہو جائیں تواس میں کٹے ہوے ادرک اور لہسن ڈال لیں ، اب جیسے ہی وہ مکمل گولڈن ہو جائیں ساتھ ہی نمک ، مرچ ، ہلدی وغیرہ حسب ذائقہ ڈال دیں نیز اس موقع پر ٹماٹر ڈال کر تھوڑی دیر پکائیں اور ساتھ ہی کوٹا ہوا دھنیا اور سفید زیرہ ڈال دیں ، ہاں ایک چیز آپ چاہیں‌تو ٹماٹر کے ساتھ ڈال لیں‌یا ابھی ڈال لیں‌اور وہ ہیں چھوٹے سائز میں کٹی ہوئی سبز مرچ ڈال دیں ۔ اسے تھوڑی دیر پکائیں‌ ، جب گریوی تیار ہو جائے تو اس میں چھوٹے چھوٹے ٹکڑے کباب کے ڈال کر اسے گوشٹ کی طرح بھونیں اور جب بھن جائے تو اس میں روسٹڈ بھنڈیاں‌ ڈال لیں‌ ، لیجئیے جناب مزیدار بھنڈی کباب تیار ، مزا نہ آئے تو پیسے ہم سے واپس لے لیں ،
بہنا ہمیں نہیں پتا تھا کہ اتنی قسم کے سالن ہوتے ہیں‌ ، ہمیں تو ابھی تک ایک ہی قسم کا سالن بنانا آتا ہے ۔

مسٹر شیف

السلام علیکم ورحمتہ اللہ
اچھی کوشش ھے لگے رہیں بار بار کے تجربے سے ایکسپرٹ ھو جائیں گے
کوشش کریں کہ جو اشیاء کوکنگ میں استعمال ھو رہی ھیں اُن کی مقدار پر دھیان دیں جب اشیاء کی مقدار پر گرفت ھو گئی تو دوسرے اس ہی ٹائپ کے کھانے میں مدد ملے گی
دوسرا یہ کہ ہر کھانے میں استعمال کے مخصوص اجزاء ھوتے ھیں جس کی وجہ سے اُس آئٹم کی اپنی لذت اور اروما ھوتا ھے اس لیے یہ بھی یاد رکھا کریں کہ کون سے سالن کے کون سے مصالحے ھیں وغیرہ وغیرہ سے کام نہیں چلے گا
تیسری بات کھانے کے ہر جز کو ہر مصالحے کو ڈالنے کا وقت ھوتا ھے ایسا نہیں کہ جب جو چیز یاد آئے ڈال دیں اس سے یہ نقصان ھو گا کہ ایک تو کھانا گڈ لکنگ نہیں ھو گا بھلے ذائقہ میں اچھا ھو دوسرا یہ کہ آپ کسی دوسرے کو اُس کھانے کے پکانے کا طریقہ صحیح سے سمجھا نہیں سکو گے
یہ چند باتیں تھیں جو آپ کی ریسیپی میں پریشان کن تھی تو میں نے سوچا کہ بھلائی کی نیت سے بتا دوں امید ھیں کہ برا نہیں لگا ھو گا اور آئندہ بھی کوشش کرتے رھیں گے شکریہ
مسٹر شیف