سیپ

السلام علیکم ورحمتہ اللہ و بر کاتہ

ضروری اجزاء :

میدہ : دو کپ

قیمہ( ابلا ہوا) : دو کپ

پیاز : ایک عدد

لہسن کےجوے : تین عدد

ادرک : آدھا انچ کا ٹکرا

ہری مرچیں : تین عدد

ہرا دھنیا : تھوڑا سا کٹا ہوا

مکھن : ایک کھانے کا چمچ

نمک : حسب ضرورت

تیل : حسب ضرورت

ترکیب :

میدے میں نمک، مکھن اور گرم پانی ڈال کر ہموار سا گوندھ لیں اور ایک طرف رکھ دیں۔پیاز ،لہسن ،ادرک،ہری مرچیں،دھنیا اور نمک کو قیمے میں مکس کر لیں۔فلنگ تیار ہے ساتھ میدے کےبارہ پیڑے بنا لیں۔ہر پیڑے کے بیچ میں فلنگ بھر کر لپیٹ لیں توے پر تیل ڈالیں اور پراٹھے بیل کر توے پہ ڈالیں اور دونوں طرف سے سنہرے کر لیں مزےدار قیمے کے پراٹھے تیار ہیں

__________________

کنعان

السلام علیکم!

اس طریقہ پر عمل کر کے دیکھ لیں پراٹھے درست نہیں بنیں گے، ایک تو قیمہ کچہ رہے گا اور دوسرا پراٹھہ کے اندر مکمل حصوں میں پھیلنے کی بجائے دو،تین حصوں میں اکٹھا ہوا ہو گا۔ کوئی بھی بنا کر چیک کر سکتا ھے پھر کہیں گے تو میں بتا دوں گا کہ کیسے پراٹھے درست بنتے ہیں۔

والسلام

__________________

محمدخلیل

سادہ سا طریقہ ہے قیمہ لے کر اس کے پراٹھے بنا لیں

کنعان

السلام علیکم!

اوپر قیمہ کا جو نسخہ پیش کیا گیا ھے ان سب چیزوں کے فرائی پین یا ہنڈیا میں ڈالیں، پانی اور گھی نہیں ڈالنا اور ہلکی آنچ میں رکھیں پھر تھوڑی دیر بعد چمچ سے ہلائیں قیمہ کا پانی سوکھ جائے تو اتار لیں۔ ٹھنڈا ہونے دیں اور اب قیمہ کے پراٹھے بنائیں اور کھائیں پھر بتائیں کہ کیسے رہے۔

والسلام

ارشد کمبوہ

سیپ آنٹی ہن ریٹائرمنٹ دا اعلان کریو۔۔۔۔۔۔۔۔۔۔۔۔

saraah

اجزا اور ترکیب درست ہے ۔۔۔۔قیمہ کچا کیسے رہے گا سیپ نے ابلا قیمہ لکھا ہے بالفرض آپ کچا قیمہ بھی ڈالیں تو وہ بھی پک جائے گا کیونکہ ہم کچے قیمے کے پراٹھے بناتے ہیں اور اسی طرح بناتے ہیں جوکہ بالکل ٹھیک بنتے ہیں

کنعان

السلام علیکم!

ہر ایک کی پسند اپنی اپنی ہوتی ھے کھانا تو خود ہی ھے جیسا بنے بنا کر کھا لیں۔

ابلا ہوا میں پانی ڈلتا ھے اور پانی باقی رہتا ھے اور اس سے موٹے موٹے گلٹس بنے رہتے ہیں۔ بغیر پانی اور تیل کے قیمہ حسب ضرورت مصالحہ جات پیاز،ادرک،لہسن میش کیا ہوا کے ساتھ ڈال کر فرائی کریں قیمہ کو پانی پیاز اور قیمہ سے حاصل ہو گا اور آئل جو قیمہ میں چربی ہوتی ھے اس سے حاصل ہو گا۔

ابلہ ہوا کی شکل بھی دیکھیں اور جو میں نے طریقہ لکھا ھے اس کی شکل بھی دیکھیں فرق نظر آ جائے گا۔

دو پیڑے بنائیں اور دونوں کو بیل لیں پھر ان میں سے ایک بیلے ہوئے پیڑے پر قیمہ لگائیں اور دوسرا پیڑا بیلا ہوا اسے کے اوپر رکھیں اور پھر مکمل ان کو بیلیں جو کہ ایک روٹی کے سائز بن جائے اس کے بعد دونوں کے کناروں کو آپس میں میل دیں اور توہ پر ڈالیں جب پراٹھہ تیار ہو جائے تو پھر بتائیں کہ سب میں کونسا بہتر ھے۔ نہیں تو جو آپکو پسند ھے کچا یا ابلہ ہوا وہی بہتر ھے۔

والسلام

saraah

بھائی آپ بھی اپنی جگہ درست ہیں
ہم ابلے قیمے کے پراٹھے نہیں بناتے ۔۔۔۔۔
اور دو روٹیاں بیل کر پراٹھا تیار کرنا نسبتا آسان ہے اسپیشلی میلز اسی طرح بناتے ہیں کیونکہ فلنگ بھر کر پراٹھا بیلنا نسبتا مشکل ہے

کنعان

السلام علیکم!

سسٹر کسی بھی قسم کی ایک ہی ریسپی کو تیار کرنے کے بہت سے نسخے ہوتے ہیں، اس میں ہم اور آپ والی بات نہیں ھے، طریقہ ھے مختلف ھے کھانے کے شوقین اس طرح بھی کر کے دیکھ سکتے ہیں۔

پیڑے کے اندر قیمہ ڈال کر پراٹھا بنانے سے قیمہ کم لگتا ھے اس کا نام قیمہ پراٹھا تو ہو گا مگر ذائقہ گھی روٹی کا ہو گا قیمہ کا نہیں۔ اور یہ پراٹھا ہوتا بھی بہت چھوٹا سا ھے۔

یہ ریسپی ھے آپ کیسے بناتی ہیں بات اس کی نہیں ہو رہی بات ہو رہی ھے ریسپی کو بہتر بنانے کی۔ ہو سکتا ھے مزید کوئی اور بھی اس پر جانتا ہو تو وہ اس سے اچھا طریقہ پیش کر دے۔

والسلام