سحر

اجزاء
مچھلی ۔ ایک کلو
پیاز ۔ ایک عدد درمیانی
ٹماٹر۔ ایک عدد درمیانہ
ناریل۔ پسا ہوا دو کھانے کے چمچ
املی ۔ اندازے سے
نمک ۔۔ حسب ذائقہ
لال مرچ ۔۔ پسی ہوئی۔ ایک چائے کا چمچ
دھنیا پسا ہوا۔ ایک چائے کا چمچ
ادرک لہسن ۔۔ پساہوا ایک چائے کا چمچ
ہلدی ۔۔۔
زیرہ میتھی ۔ پسی ہوئی ۔ آدھا چائے کا چمچ
ہرا دھنیا
ہری مرچ
بگھاڑ
تیل ۔ ایک چمچ کھانا پکانے والا
ثابت مرچ ۔ دو عدد
کری پتہ ۔۔
رائی۔۔
زیرہ ۔۔

ترکیب
ایک دیکچی میں تیل ڈالیں اس میں بگھاڑ کے مصالحے ڈالیں ۔ اور خوشبو آنے تک اس کو پکائیں
جوسر میں پیاز ، ٹماٹر ، ناریل، ادرک لہسن ،اور تھوڑا پانی ڈالیں ۔ اور سب کو اچھی طرح پیس لیں ۔
جب بگھاڑ پک جائے اور اس میں سے خوشبو آنے لگے تو جوسر کا پسا ہوا مصالحہ بگھاڑ میں ڈال دیں ۔
اچھی طرح چمچ چلائیں ۔
ایک پیالے میں املی پانی میں گھول لیں ، املی میں تھوڑا سا نمک ڈال دیں تو املی اچھی طرح پانی میں گھل جائے گی ۔
پکتے ہوئے مصالحے میں نمک ، پسی ہوئی لال مرچ ، پسا ہوا دھنیا ، ہلدی ۔ ڈال دیں ۔ اور ہلکی آنچ پر مصالحہ تھوڑی دیر تک پکنے دیں ۔
پھر اس مصالحے میں مچھلی ڈال دیں ۔ اور ہلکی آنچ پر ڈھکن ڈھک کر رکھ دیں ۔ تھوڑی دیر میں جب
مچھلی گلنے کے قریب ہو تو املی کا پانی ڈال دیں ۔
ہرا دھنیا اور ہری مرچ بھی ڈال دیں ۔
تھورٰی دیر میڈیم آنچ پر پکائیں ، پھر جب آپ دیکھیں کہ مصا لحہ پک گیا ہے اور مچھلی گل جائے
اس سالن میں پسا ہوا زیرہ میتھی ڈال دیں ۔
سالن ہلکی آنچ پر دم پر رکھ دیں ۔
جب تیل سالن کے اوپر آجائے تو چولھا بند کردیں ۔
مچھلی کا کھٹا تیار ہے ۔ اس کو چاولوں کے ساتھ مسنون ےطریقے سے نوش فرمائیں

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

منتظمین

پکائیں گے تو پتہ چلے گا کیا بنتا ہے۔ ویسے میں سوچ رہا ہوں کڑاہی گوشت کی طرز کی کڑاہی مچھلی کی ترکیب بھی ایجاد کر ہی دوں۔

__________________
تم سپاہی نہیں ہو پیشہ ور قاتلو!

مسٹر شیف

زبردست
اچھی ریسیپی ھے اگر اس ڈش کو اور زیادھ زبردست کرنے کے لیے کوئی ٹِپ دوں جس کی وجہ سے آپ کی یہ ڈش کلر فل اور کریمی اسٹائل میں آ جائے اور ٹیسٹ بھی انڈین ریسٹورنٹ ٹائپ کا آ جائے تو کیسا رھے گا ویسے آپ کی بتائی ھوئی ریسیپی اپنی جگہ پرفیکٹ ھے لیکن اور اچھے کی کوشش تو ھم کرنی چاھیے نا بس یہی سو چ کر میں بات کر رھا ھوں good job

سحر

جی ضرور شیف بھائی
آپ اس میں جدت کرسکتے ہیں ۔
شکریہ

راجہ اکرام

ترکیب پڑھ کر ہی منہ میں پانی آ گیا ۔۔۔۔۔۔۔۔۔ پکے گی تو پتہ نہیں کیا ہوگا۔۔۔۔۔۔۔۔۔۔۔۔۔۔

ویسے یہ نہیں ہو سکتا کہ جو بھی ترکیب یہاں پیش ہو اس کی ایک تیار ڈش بطور ٹیسٹ میری طرف پوسٹ کر دی جائے۔ پتہ تو چلے یہ پکنے کے بعد کیسی ہوتی ہے

__________________
محتاج اصلاح و دعا

The Great

بہت اچھی ترکیب ھے۔۔۔