ام غزل

ضروری اشیاء :

دودھ : 1لیٹر
سادہ کیک (چورا کرلیں) : 1عدد
کوکو پاؤڈر : 5کھانے کے چمچ
کارن فلور : 4کھانے کے چمچ
چینی : 1کپ
انڈے : 4عدد
چاکلیٹ چپس : 100گرام
کوکنگ چاکلیٹ : 150گرام
مونگ پھلی : 1 چوتھائی کپ(باریک کوٹ لیں)
ناریل پاؤڈر : 2کھانے کے چمچ
کشمش : 25-20عدد
تیل : 1چوتھائی کپ

ترکیب :

تھوڑے سے دودھ میں 2کھانے کے چمچے کوکو پاؤڈر گھول کر اس میں تیل،2کھانےکے چمچے چینی اور 2انڈوں کو شامل کردیں۔
اس آمیزہ کو ایک سوس پین میں ڈال کر ابلتے ہوئے پانی میں رکھ کر گاڑھا کرکے اتار لیں۔
اب اس میں کیک کا چورا،ناریل پاؤڈر،کشمش اور چاکلیٹ چپس بھی شامل کر دیں اور اچھی طرح مکس کرکے آمیزے کے بال (ball) بنا لیں اور آدھے گھنٹے کےلئے فریج میں رکھ دیں۔
2انڈوں کو اتنا پھینٹیں کہ سفید جھاگ بن جائے
ایک بیکنگ ٹرے کو گریس کر لیں۔
کیک بال کو ایک ایک کرکے انڈوں میں ڈپ کرکے بیکنگ ٹرے پر رکھ لیں
پہلے سے گرم اوون میں 180درجہ حرارت پر تقریباً 5منٹ کےلئے بیک کرلیں۔
دودھ میں سے 1 کپ نکال کر باقی دودھ کہ گرم کر لیں۔
1کپ دودھ میں2کھانے کے چمچے کوکو پاؤڈر،کارن فلور گھول کر گرم دودھ میں شامل کرکے پکائیں۔
اب باقی بچی ہوئی چینی اور کوکنگ چاکلیٹ بھی شامل کر دیں،آمیزے کو ہلکا گاڑھا ہونے پر اتار لیں۔
ایک سرونگ ڈش میں کیک بال ترتیب سے لگا کر اوپر سے چاکلیٹ کا آمیزہ ڈال فریج میں ٹھنڈا ہونے کےلئے رکھ دیں۔
خوب ٹھنڈا ہونے پر پیش کریں۔

عروج

پھر اوون کی ریسیپی۔۔۔۔۔۔۔۔۔۔۔۔ بھئی کوئی اوون کے بغیر بھی کیک بنائے۔ میری بیٹی کو بہت شوق ھے۔

saraah

سسٹر آپ پھر بیکری سے ہی مستفید ہوں یا پھر اسٹون اوون ٹرائی کریں یا پریشر ککر