سیپ

السلام علیکم ورحمتہ اللہ و برکاتہ

اجزاء
مرغی ؛آدھا کلو (بغیر ہڈی کے)
پیاز ؛ تین عدد (باریک سلائس کٹے ہوئے)
شملہ مرچ؛ایک عدد (درمیانے سائز کی)
ادرک ؛ ایک سے ڈیڑھ انچ کا ٹکڑا
لہسن ؛دس عدد
تازہ ہرا دھنیہ؛ تھوڑا سے(چوپ کیا ہوا)
لال پسی مرچ ؛ ڈیڑھ چمچہ چائے کا
سرکہ؛دو کھانے کے چمچے
زیرہ؛ ڈیڑھ چائے کا چمچہ
ثابت مرچ؛تین عدد
ٹماٹو پیوری؛آدھا کپ
ٹماٹو کیچپ؛دو چائے کے چمچے
نمک؛حسب ذائقہ
تیل؛حسب ضرورت

ترکیب؛
مرغی کو دھو کر اسکے چھوٹے چھوٹے ٹکڑے کر لیں۔شملہ مرچ کے بھی چوکور چھوٹے ٹکڑے کر لیں۔ادرک کا آدھا حصے کو باریک کاٹ لیں اور بقیہ ادرک لہسن کے ساتھ پیس لیں۔مرغی کے ٹکڑوں میں سرکہ،آدھی لال پسی مرچ،آدھا لہسن ادرک پیسٹ اور نمک ملا کر فریج میں میرینیٹ ہونے کے لیے رکھ دیں۔

ایک پین میں تیل گرم کرکے اس میں زیرہ ڈالیں۔پھر ثابت مرچ ڈال کر کچھ سیکنڈز کے لیے فرائی کریں۔اب اسمیں پیاز ڈال کر تھوڑا سا فرائی کریں۔لہسن ، ادرک پیسٹ ڈال کر ٢ سے ٣ منت تک پکنے دیں۔اب مرغی ڈال دیں اور ٣ سے ٤ منٹ تک پکنے دیں جب تک کے اسکا پانی خشک نہ ہو جائے۔اس دوران چمچہ چلاتے رہیں۔اب اسمیں ٹماٹو پیوری،ٹماٹو کیچپ ،ہرا دھنیہ ،شملہ مرچ اور بقیہ مصالحے بھی ڈال دیں۔تھوڑی دیر آنچ پر رکھ کر اتار لیں اور چاولوں کے ساتھ پیش کریں۔

آپ اسمیں اپنی پسند سے مزید سبزیاں بھی ڈال سکتے ہیں جیسے ہری پیاز،پھول گوبھی وغیرہ۔گریوی بھی اپنی پسند سے رکھ سکتے ہیں

__________________

مون

بہت اعلیٰ جی ، زبردست ڈش ہے یہ ، شکریہ

saraah

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔