عبداللہ حیدر

السلام علیکم، ذائقے دار کدو پکانے کا کیا طریقہ ہے؟؟؟؟؟؟؟؟؟؟؟؟؟

والسلام علیکم

حیدر

میں حیران و پریشان ہو کر یہ ٹاپک دیکھنے آیا تھا کہ اب عبد اللہ بھائی نے کدو پکانے کی تراکیب بھی پیش کرنا شروع کر دی ہیں۔آپکا سوال دیکھ کر دل کو تشفی ہوئی۔ (عبداللہ بھائی اور کدو ۔ ہاہاہاہاہا)

عبداللہ حیدر

بدر بھائی! دیار غیر میں کبھی کبھی ایسی صورتحال بھی پیش آ جاتی ہے۔ بس دعا کریں کہ آپ کی بھابھی جلد از جلد پاکستان سے آ جائیں۔ ویسے "اب عبداللہ بھائی نے کدو پکانے کی تراکیب بھی پیش کرنا شروع کر دی ہیں"۔

سحر

عبداللہ بھائی
کدو کو گوشت کے ساتھ سالن کی طرح پکائیں بہت مزے کی بنتا ہے ۔
شکریہ

سحر

عبداللہ بھائی
کدو کو گوشت کے ساتھ سالن کی طرح پکائیں بہت مزے کا بنتا ہے ۔
شکریہ

عبداللہ حیدر

شکریہ سحر بہن! میں نے دو تین دفعہ پکایا ہے لیکن جو ذائقہ امی جی یا بیگم کے بنائے ہوئے سالن میں ہوتا ہے وہ نہیں بن رہا۔ شاید کچھ مس ہو رہا ہے مجھ سے۔

مسٹر شیف

السلام علیکم و رحمتہ اللہ
میں سمجھ گیا آپ سے کچھ مس نہیں ھو رہا بلکہ آپ مِس کو مِس کر رھے ھیں
ماں یا بیوی کے ہاتھوں کے ذائقے بنانا تو بڑے سے بڑا شیف بھی نہیں بتا سکتا
مشورہ ھے کہ جب تک محترمہ بھابھی صاحبہ نہیں آ جاتی آپ کچھ اور کھا لیں
شکریہ

فیصل ناصر

ہائے رے بے وطنی
بلکہ ہائے رے بے بیگمی

عبداللہ حیدر

ہارے رے کدو ۔

عبداللہ حیدر

و علیکم السلام و رحمۃ اللہ و برکاتہ!
بھائی، آپ جیسے ماہر فن نے ہاتھ اٹھا دیے ہیں تو ہم کس کھیت کی مولی ہیں۔ اب تو جیسا تیسا بھی بنتا ہے کھانا پڑے گا۔ آج شام ریاض میں‌سخت طوفان آیا ہے، انٹرنیٹ سروسز متاثر ہونے کی وجہ سے پاکستان رابطہ نہیں ہو رہا تھا۔ ابھی بات ہوئی ہے، طریقہ پوچھ لیا ہے،دیکھتے ہیں کیا بنتا ہے۔
آپ یا سحر بہن کدو گوشت پکانے کا طریقہ بتا دیں تو سند رہے گی اور بوقت ضرورت مجھ جیسوں کے کام آئے گی ان شاء اللہ۔

عادل سہیل

السلام علیکم ورحمۃ اللہ و برکاتہ ،
کیوں رے بھتیجے ، کدو کے ساتھ خود لڑھکنے لگے کہ """ ہائے رے کدو """ کی بجائے """ ہارے رے کدو """ ہو گیا
منے میاں ، کہو تو بہو تک خبر پہنچوا دوں کہ صاحبزادے کدو ہو گئے ہیں
رہا معاملہ ایسے کدو کو پکانے کا تو تمہاری چاچی بہو کو بہت اچھی ترکیب بتا دے گی ، میں بھی تو
ابھی تو کدو زدہ ہو کر بیگم کی راہ تک رہے ہو جب بیگم آ جائے گی اور روزانہ بازار کے چکر لگوائے گی تو پھر پوچھو گے کہ کدو کو کیسے بھگائیں
پھر سر دُھن دُھن کر سنو گے کہ
کدی تے پیکے جا نی بیگم
آوے سُکھ دا سا نی بیگم
کدو کھا کھا کے اک گے آں
تمہاری چاچی اس وقت مہمانوں کے ساتھ مشغول ہے اس لیے کہتا ہوں کہ اپنے ارد گرد نظر ڈالو اور کدو بننے سے بچے رہے ، والسلام علیکم۔

__________________
اب نہ ہو گا کہیں کوئی نزول کتاب ::: بند کر دیا رب العالمین نے یہ باب
ہے جو بھی صحیح سنت رسالت مآب ::: بے شک ہے وحیء رب الارباب

عبداللہ حیدر

و علیکم السلام و رحمۃ اللہ و برکاتہ،
چچا جی، ابھی تو اس کہانی کی گہرائی میں ڈوبا ہوں جو کدو پکانے کا طریقہ پوچھتے ہوئے سامنے آئی ہے۔ کہتے ہیں کہ ایک فلسفی کشتی میں سوار ہوا تو ملاح سے پوچھا "میاں کچھ پڑھے لکھے بھی ہو یا بس کشتی ہی چلاتے ہو"۔ اس نے جواب دیا "جی، بس کشتی ہی چلاتا ہوں"۔ کہا "تم نے آدھی زندگی ضائع کر دی"۔ اللہ کا کرنا ایسا ہوا کہ کشتی بھنور میں پھنس گئی، ملاح نے پوچھا "حضور! تیرنا جانتے ہیں"؟ کہا "نہیں"۔ اس نے یہ کہتے ہوئے پانی میں چھلانگ لگا دی "تب آپ نے پوری زندگی ضائع کر دی"۔
Moral of the story: کتب بینی کدو کا متبادل نہیں ہوتی۔

عبداللہ حیدر

یعنی اب دوسری دفعہ بھی ہم سے بالا بالا ہی مہمان بلائے جا رہے ہیں۔

عادل سہیل

السلام علیکم ورحمۃ اللہ و برکاتہ ،
پیارے بھتیجے ،
کدوی ماحول میں کہانیاں پڑو گے تو ایسا ہی نتیجہ نکالو گے ،
لگتا ہے اِس دفعہ پردیس کی طرف رخصت ہوتے بہو نے پوچھا تھا """ حضور کدو پکانا جانتے ہیں ؟ """
حضور نے کہا ہوگا """ جی نہیں سرکار """
بہو نے کہا ہو گا """ تب آپ بیگم برداری میں ناکام ہوں گے """
پس حضور بھتیجا شریف صاحب اُس وقت سے کدو کے غم میں اس قدر گُھل رہے کہ اب چہار سُو کدو ہی سُوجھتے ہیں ،
بھتیجے ، بیوی سے دُوری اور اس کی کمی یقیناً ایک تکلیف دہ امر ہے لیکن اس قدر بھی نہیں کوئی کدو ہی ہو جائے ،
بھتیجے کی حالت زار تو یہ خطرہ ہو رہا ہے کہ، اللہ نہ کرے کہیں عبداللہ حیدر یہ کہتا سنائی دے کہ :::
کدو ہی کدو کر بھیا
کدو کی خاطر جی اور مر بھیا
بھتیجے بہو کو یاد کر کر کے دُعا کرو کہ :::
اک تیرا فِراق اور اِک غمء کدو
اللہ کرے اول رہے تا دمءکدو
و السلام علیکم ورحمۃ اللہ و برکاتہ

عادل سہیل

السلام علیکم ورحمۃ اللہ و برکاتہ ،
پیارے بھتیجے ، اگر کدو ایسا سرخ ہو جائے تو ایک نئی ڈش تیار ہو سکتی ہے لوگ بینگن کا بُھرتہ بناتے آپ کدو کا بُھرتہ بنا کر تاریخ ء کدو میں ایک نیا باب وا کیجیے
اور منے میاں ہم نے آپ سے بالا بالا مہمان نہیں بلائے بلکہ یہ مہمان خود آئے ہیں ، و للہ الحمد ،
اللہ کرے بہو آپ کے پاس آجائے اِن شاء اللہ آپ کو بلائیں گے اور اُبال اُبال کر کدو کھلوائیں گے و السلام علیکم۔