حیدر

بلوچستان جو پاکستان کا رقبے کے اعتبار سے سب سے بڑا صوبہ ہے اور تقریباً آدھے پاکستان پر مشتمل ہے۔
پنجاب پاکستان کا آبادی کے اعتبار سے سب سے بڑا صوبہ ہے۔ اور تقریباً آدھے پاکستان پر مشتمل ہے۔
بی بی سی کی طرف سے بنی یہ ویڈیو ظاہر کرتی ہے کہ پاکستان کے ایک سب سے بڑے صوبے کے لوگ پاکستان کے دوسرے بڑے صوبے کے بارے میں کتنا جانتے ہیں۔ پاکستان میں میڈیا انقلاب کے بعد بھی یہ صورت حیران کُن ہے۔
اس ویڈیو میں جو رزلٹ آیا اُس نے مجھے حیران کر کے رکھ دیا۔ کبھی کبھی ہم اندھیروں میں رہتے ہیں ، لیکن خود کو روشنیوں کے مکین سمجھ رہے ہوتے ہیں۔ یہی صورت حال ہماری بھی ہے۔ میں نے اس ویڈیو کا تجربہ اپنے دوستوں بھی کیا ۔ اور بعینہ وہی رزلٹ نکلا جو یہ ویڈیو ظاہر کر رہی ہے۔
اس ویڈیو کے بارے میں کُچھ کہنا عبث ہے۔ کئیونکہ یہ ویڈیو اُس سے زیادہ بتا رہی ہے جو یہ کہہ رہی ہے۔
ہمیں اس پر سوچنے کی ضرورت ہے کہ ہم سب پاکستان کے رہنے والے ہیں اور کہنے کو ایک دوسرے سے محبت بھی کرتے ہیں۔ایک دوسرے کو جاننے کی ضرورت تب زیادہ بڑھ جاتی ہے جب ایک دوسرے کے ساتھ رہنے کی خواہش ہو اور دشمن ہم کو گم راہ کرنے کی بھر پور کوشش کر رہے ہوں۔ بلوچستان میں جاری انتہائی تشویش ناک حالات کے بعد بھی بلوچستان ہمارے لیے اجنبی ہے۔ ۔ لیکن ایک دوسرے کے بارے میں جانتے کیا ہیں ، اُس کے لیے یہ ویڈیو دیکھیے۔

حیدر

بی بی سی سے ویڈیو کس طرح اپ لوڈ ہوتی ہے؟
براہ مہربانی کوئی ناظم اس ویڈیو کو اپ دیٹ کر دے

کوڈ

عبدالقدوس

بی بی سی ویڈیو ایمنڈ نہیں ہوسکتی فیس بک یا یوٹیوب پر اپلوڈ کریں

حیدر

ویڈیو اپ ڈیٹ کر دی ہے۔ شکریہ

ننھا بچہ

لو جی
فکرِ روزگار نے نکما کر دئیا
۔۔۔۔۔۔۔۔۔۔۔۔۔۔۔۔

حیدر

درست کہا ۔ لیکن خطرہ یہ ہے کہ یہ نکما پن ہم کو روزگار سے بھی ہاتھ دھونے پر ہی مجبور نہ کر دے۔
بندہ اپنی فیملی کے لیے کماتا ہے۔ لیکن اسی کمانے کی دھن میں اگر وہ اپنی فیملی کو ہی بھول جائے تو یہ کمانا نہیں بلکہ ضائع کرنا کہلائے گا۔

ننھا بچہ

صحیح کہا آپ نے ہمارا احساس مرتا جا رہا ہے ۔۔۔۔۔۔۔۔۔۔۔۔۔۔۔۔۔۔

عبدالقدوس

میں بلوچستان اور پوری پاکستانی عوام کے ساتھ ہونے والی زیادتی کی بھرپور مذمت کرتا آیا ہوں۔
ایک سوال کا جواب دیجئے
کیا آپ سمجھتے ہیں کہ میڈیا بالخصوص بی بی سی پاکستان دوست، ذمہ دار اور غیر جانبدار ہے؟

__________________

حیدر

میں سمجھتا ہوں کہ بی بی سی محض ایک کاروباری ادارہ ہے ۔ اسکو جہاں مفاد نظر آتا ہے وہ وہی کام کرتا ہے۔
تاہم اسکا مطلب ہرگز یہ نہیں کہ اسکا ہر کام ہی غلط ہو۔
یہ ٹاپک میں ہر گز نہ کرتا اگر بی بی سی کے اس ویڈیو کی تصدیق میں خود نہ کر بیٹھا ہوتا
جیسا کہ میں نے اپنے پہلے مراسلہ میں بھی کہا کہ
"۔ میں نے اس ویڈیو کا تجربہ اپنے دوستوں بھی کیا ۔ اور بعینہ وہی رزلٹ نکلا جو یہ ویڈیو ظاہر کر رہی ہے۔ "
یعنی میرے 5 ماسٹرز کوالیفائیڈ دوستوں (جن میں سے دو کالجز میں ٹیچر ہیں) میں سے کسی کو بھی سوائے کوئٹہ کے کسی علاقے کا علم نہیں تھا۔ چناچہ ہو سکتا ہے کہ یہ ویڈو جھوٹی ہو۔ قطع بُرید کی گئی ہو۔ لیکن مجھے اپنا جھوٹ بولنے کی کوئی وجہ سمجھ نہیں آتی۔

موجو

السلام علیکم ورحمۃ اللہ وبرکاتہ
میں نے عبدالقدوس بھائی والا سوال پڑھا اور پھر ویڈیو دیکھی
یہ الو کا پٹھا سارے انٹرویوز کے درمیان ہر کسی کو لاجواب کرنے کی کوشش کررہا ہے۔ اگر کوئی چند شہروں کے نام بتا بھی رہا ہے تو اسے یہ کہہ رہا ہے کہ آپ کے رشتہ دار اگر وہاں نہ ہوتے توکیا آپ پھر بھی بلوچستان کے بارے میں جانتے؟
اگر ایک شخص یہ کہہ رہا ہے کہ میں نہیں جانتا تو پھر دوسری بار سوال کا تو کوئی تُک بنتا ہے؟
ایک شخص اس میں کہہ رہا کہ وہاں لوگوں کو اتار کر گولیاں ماریں میں کوئٹہ میں تھا اور پھر میں جہاز میں آیا تو اس پر پھر سوال ہوتا ہے کہ اگر آپ وہاں موجود نہ ہوتے تو آپ کو پتہ چلتا؟ ؟؟؟؟
اس شخص کے شر سے بچا وہی ہے جس نے کہا کہ میڈیا بکا ہوا ہے اس پر اگلا سوال نہیں کیا۔
میں اس ویڈیو کو دیکھ کر اس نتیجے پر پہنچا ہوں کہ اس شخص نے ایک نظریہ قائم کیا یا کسی نے اسے دیا اور اس پر اس نے یہ ویڈیو بنائی اس پوری ویڈیو میں اس کی کوشش یہی ہے کہ یہ بات ثابت کردی جائے کہ پنجاب کے لوگ خصوصا لاہوریے بلوچستان کے بارے میں نہیں جانتے حتیٰ کہ شہروں کے نام تک بھی۔
حیدر بھائی مجھے آپ پر بھروسہ ہے مجھے پتہ ہے کہ آپ نے مثبت انداز میں اس کو لیا اور پھر شئیر کیا ہے۔ لیکن میرے بھائی جو پہلو میں نے ذکر کیے ہیں ذرا ان پر بھی سوچیے۔
میں کہتا ہوں کسی بھی بازار میں جاتے فرد سے اس کے علاقے کی دو تین گلیوں میں رہنے والے چند لوگوں کے نام پوچھ لو وہ کنفیوز ہوجائے گا۔
اور پھر ایک پہلو یہ بھی ہے کہ ہمارے ہاں شرح خواندگی کیا ہے؟
جس اسلام کے لیے لوگ جان دیتے ہیں خود اس کے بارے میں کتنا جانتے ہیں۔
میرے بھائیو
بھیڑیوں نے میرے پیارے وطن کو گھیرا ہوا ہے یہ بات ٹھیک ہے کہ بددیانت اور نااہل لوگ بھی ہیں میرجعفر اور میر صادق کی بھی کمی نہیں لیکن
ہم زندہ ہیں ہم دشمنوں کی سازشوں کو سمجھیں اور سمجھائیں اور پھر ان کا توڑ کریں اب ہم سب اس ویڈیو کا سد باب کرنے کا سوچیں کوئی لاھور کا میرا محب وطن دوست موجود ہے ؟

__________________
قولوا لناس حسنا (لوگوں سے اچھی بات کہو(

حیدر

آپکا بہت شکریہ بھائی کہ آپ نے تفصیلی رائے دی۔
آپکا اس بات پر بھی شکریہ کہ آپ نے میری باتوں کو مثبت لیا اور یہ بھی یقین رکھیے کہ جو مجھ سے اختلاف کر رہے ہیں ، میں انکو بھی مثبت ہی لے رہا ہوں۔

سب سے پہلے تو اس بات کو سمجھ لیجیے کہ میں ہر گز اس بات پر اصرار نہیں کر رہا کہ بی بی سی کی پیش کردہ ویڈیو درست ہے۔
میں اس بات پر بھی اصرار نہیں کر رہا کہ پنجاب میں بلوچستان کو جاننے والا کوئی نہیں۔

دوسری بات وہی جو آپ نے کہی کہ وہ نمائندہ اس ویڈیو کے ذریعے ہمارے ذہنوں میں یہ بات لانا چاہتا تھا زبردستی کہ پنجاب میں کوئی بلوچستان کو نہیں جانتا۔ اس بات کو وہ کیوں "محسوس" کروانا چاہ رہا ہے؟اس بات پر بھی غور کیجیے گا

تیسری بات یہ جو میں نے کہی کہ یہ ویڈیو بہر حال میں نے اس لیے پیش کی کہ بد قسمتی سے میرے احباب میں بھی "اتفاق سے" یہی نا واقفیت پائی گئی۔

اب یہ جان لیجیے کہ اس ویڈیو کو پیش کرنے کا اصل مقصد یہ تھا کہ جب ایک بھائی سے دوسرا بھائی ناراض ہوتا ہے یا "ناراض کروانے کی کوشش کی جاتی ہے" تو ایسے وقت میں ضرورت اس امر کی ہوتی ہے کہ "اینگری ینگ مین" پر توجہ میں اضافہ کر دیا جائے۔ کیونکہ اگر ایسے وقت میں اسکی ضروریات ، خواہشات اور نظریات کو سمجھنے کی کوشش نہ کی گئی تو وہ اپنی ناراضگی میں پکا ہو سکتا ہے جس کا نتیجہ اسکی طرف سے یا تو گھر میں فساد یا پھر گھر چھوڑ دینے کی صورت میں نکلتا ہے۔ بعینہ یہی معاملہ اب بلوچستان کے ساتھ بھی ہے۔

میں اس بات کو تسلیم کرتا ہوں کہ معاش۔ روزگار (جس کی طرف ننھے بچے نے اشارہ کیا تھا)، تعلیم کی کمی نے ہم کو س قدر مجبور کر دیا ہے کہ ہم بس روزی روٹی کمانے کے چکر سے باہر ہی نہیں نکل پا رہے۔
لیکن پھر اب ہم بنگلہ دیش کو یاد کر کے کیوں روتے ہیں؟
کیا ہم اس بات کے لئیے تیار ہیں کہ ایک دن اسی طرح بلوچستان کو بھی رو لیا کریں گے؟
چناچہ میں ہرگز بھی یہ نہیں چاہتا تھا کہ پنجاب کے لوگوں کو بلوچستان کے شہروں کے نام رٹوائے جائیں۔ ۔ ۔ بلکہ ضرورت ایک دوسرے کو جاننے کی ہے۔ کیا وجہ ہے کہ میڈیا چنگھاڑتے ہوئے بالاچ مری ، براہمداخ بگٹی کو تو سنوا دیتا ہے ۔ ۔ ۔۔ لیکن آج تک عام آدمی کی آواز نہیں سنوائی اہلیان پنجاب کو۔
لیکن کیا تمام کی تمام ذمہ داری میڈیا کی ہے؟ میں سرف اتنا چاہتا ہوں کہ ہمارے اندر احساس پیدا ہو کہ اب ہم ایک دوسرے کو جاننا اور سمجھنا شروع کریں/ تاکہ اگر بھولے بھٹکے وکئی ہم کو باگی نوجوان مل ہی جائے یا ایسا نوجوان جس کے دماغ میں بغاوت کے جراثیم پیدا ہونے لگے ہوں تو وہ ہمارے انداز سے گرویدہ ہو جائے کہ "ہم اسکو جانتے ہیں"

خدا جانے میں اپنا مقصد سمجھا پا رہا ہوں کہ نہیں۔

موجو

السلام علیکم ورحمۃ اللہ وبرکاتہ
نہیں میرے بھائی آپ اپنا مقصد بیان کررہے ہیں بالکل میرے ذہن میں آپ کے متعلق ایسی ہی باتیں تھی لیکن آپ کی طرف سے مزید وضاحت آگئی شکریہ
میں سمجھتا ہوں کہ ہم لوگ جو انٹرنیٹ کے دوست ہیں ہمارا یہ سب سے مضطبوط ہتھیار یہی ہے جس کے ذریعے سے ہم جڑے ہوئے ہیں ہمیں اسی کے ذریعے آگے بڑھنا چاہیے۔ اور ان شاء اللہ ہم بڑھیں گے۔

عبدالقدوس

میں کہتا ہوں لاہور میں‌رہنے والوں کو لاہور کا مکمل پتانہیں معلوم بے شک پوچھ کر دیکھ لیں

رضی

میں بدر بھائی سے اتفاق کرتا ہوں ۔ لیکن جن لوگوں سے جناب پوچھ رہے ہیں ان سے پنجاب کے بارے میں ہی رائے لے لیں تو اس سے زیادہ مختلف نہیں ھوگی ۔

__________________

عشق قاتل سے بھی مقتول سے ہمدردی بھی ،یہ بتا کس سے محبت کی جزا مانگے گا؟
سجدہ خالق کو بھی ابلیس سے یارانہ بھی، حشر میں کس سے عقیدت کا صلہ مانگے گا؟

wajee

میں کراچی میں رہتا ہوا کراچی کو نہیں جان سکا کونسی بس کس علاقے کو جاتی ہے
یہ تو کوئی بات نہیں ہوئی۔

__________________