حیدر

باوجود اس کے کہ میں بلوچ ہوں ۔ ۔ ۔ بد قسمتی سے مجھے بلوچی نہیں آتی۔ میرے والدین بلوچی، بروہی بول لیتے ہیں لیکن پنجاب کے معاشرے میں رہنے کی وجہ سے ہم بھائی اس علاقے کی سب زبانیں بول سکتے ہیں سوائے بلوچی کے۔
پنجابی، اردو، سرائیکی، انگلش، وغیرہ۔ تاہم ہمیشہ سے خواہش رہی کہ بلوچی سیکھ پاؤں ۔ 2003 سے 2007 کے دوران کوئٹہ کے قیام میں کوشش کی کہ بلوچی سیکھ سکوں لیکن تمام ملازمین میرے سامنے اردو بولنے کو ترجیح دیتے تھے بہ نسبت بلوچی یا براہوی کے۔

پھر ایک آفس بوائے کی جب میں نے ڈیوٹی لگائی کہ تم نے مجھے بلوچی سکھانی ہے ۔ اس نے چند دن تو سکھایا لیکن پھر میرے "سیکھنے کی استعداد" دیکھتے ہوئے اس نے دھمکی لگا دی کہ اگر اب میں نے بلوچی کا کوئی لفظ بولا تو وہ نوکری چھوڑ دے گا۔ اس کا فرمان تھا کہ میرا بلوچی سیکھنا ۔ ۔ ۔ بلوچی زبان کا قتل عام کرنے کے مترادف ہے۔ چناچہ میں بلوچی سیکھنے سے محروم ہی رہا۔

اب اتفاق سے ایک مناسب سی کتاب ہاتھ لگی ہے جو کہ اردو-بلوچی بول چال سے متعلق ہے۔ مجھے یہ تسلیم ہے کہ کتابوں سے کبھی بھی کوئی زبان نہیں سیکھی جا سکتی خاص کر بلوچی جیسی زبان جو کہ صفحہ تحریر پر بھی انیسویں صدی میں آئی۔

تاہم میرا اس ٹآپک کو شروع کرنے کا یہ مقصد ہے کہ اس زبان کے حوالے سے کچھ نہ کچھ اردو فورمز پر بھی آ جائے تاکہ وہ جو یہ زبان کچھ نہ کچھ جانتے ہیں اُس میں مزید بہتری لا سکیں۔یہ یاد رہے کہ ہر زبان ہر چالیس کلومیٹر بعد تبدیل ہونا شروع ہو جاتی ہے۔ اگر آپ کے علاقے میں اس قسم کی بلوچی نہ بولی جاتی ہو تو میرا قصور نہیں۔ مزید یہ کہ بالکل صحیح تلفظ لکھ کر پیش کرنا بذات خود نا ممکن ہے۔ چناچہ ضروری نہیں کہ آپ یہاں سے سیکھ کر جو بلوچی بولیں وہ کسی بلوچ کو سمجھ بھی آئے
اسی پر ایک واقعہ یاد آ گیا۔
صدر ایوب کے دور میں ایرانی شاہ پاکستان کے دورے پر تشریف لائے۔ ان کے اعزاز میں جو ضیافت دی گئی اُس میں ایک پاکستانی گلوکارہ نے خصوصی طور پر فارسی میں گانا گایا۔ گانا سُننے کے دوران ایرانی شاہ نے جھومتے ہوئے جھک کر صدر ایوب سے پوچھا کہ "جناب یہ کونسی زبان میں گانا گا رہی ہے؟"۔
چناچہ ایسا واقعہ آپ کے ساتھ بھی ہو سکتا ہے

میں روایتاً یہ لکھنا بھول گیا کہ اگر کوئی صاحب نظر کسی قسم کی تصحیح کرنا چاہیں یا اضافہ میں متمنی ہوں تو بلا جھجھک مجھے بتائیں۔ میں شکر گزار ہوں گا۔

بشکریہ:
بلوچی معلم: مصنف مولوی خیر محمد ندوی

حیدر

بلوچی حروف ابجد
بلوچی کے حروف ابجد بھی وہی ہیں جو اردو کے ہیں یعنی
ا۔ب۔پ۔ت۔ٹ۔ث،ج،چ۔ح۔خ۔د۔ڈ۔ذ۔ڑ۔ڑ۔ژ۔س۔ش۔ص۔
ض۔ط۔ظ۔ع۔غ۔ف۔ق۔ک۔گ۔ل۔م۔ن۔و۔ہ۔ء۔ئ۔ے

ان میں سے سرخ الفاظ اردو، عربی یا فارسی کے ہیں۔ بلوچ دانشوروں کا ایک اہم طبقہ ان سرخ الفاظ کو صرف ناموں کی حد تک عربی رسم الخط میں لکھنے کو ترجیح دیتا ہے (یعنی کوشش کی جاتی ہے کہ اسما/نام کے علاوہ انکو کسی اور میں استعمال نہ کیا جائے)

حیدر

راجہ اکرام

السلام علیکم
بدر بھائی نغن ورے

بہت اچھا سلسلہ ہے
لیکن فونٹ کا کچھ مسئلہ ہے

مرزا محمد فاروق

بہت اچھا بدر بھائی یہ آپ ہم کو بلوچی سکھا رہے ہیں یا ہم سے سیکھ رہے ہیں اگر سکھا رہے ہیں تو پھر ٹھیک ہے
کیونکہ مجھے اُردو ، پنجابی ، انگلش وغیرہ کے علاوہ کوئی زبان نہیں آتی ہاں تھوڑی بہت پشتو آتی ہے ۔ وہ میں معظم بھائی سے سیکھ لوں گا ۔
تو باقاعدہ کلاس کب شروع ہونی ہے ۔

__________________
مرزا محمد فاروق

عدنان دانی

بہت خوب بدر بھائی۔ بہت اچھا سلسلہ شروع کیا ہے آپ نے
میں صرف پشتو اور اردو بول لیتا ہوں اور انگلش کی بہت کم سمجھ ہے
اب آپکی وجہ سے تھوڑا تھوڑا بلوچی بھی سیکھ جاوں گا۔

__________________

اور اس نے میرے ساغر میں
مئے سرخ انڈیلی ۔۔۔ تو کہا
مت سوچو !

مرزا محمد فاروق

بلے وائی بلے دانی جی آپ نے کیوں بلوچی کا بیڑہ غرق کرنا ہے ہماری طرح پنجابی تو ٹوٹی پھوٹی بولتے ہو آپ اور بلوچی کو سیکھنے چلے ہو ۔۔۔۔۔۔۔۔۔۔۔ ہاہاہاہا سیکھو جی سیکھو

حیدر

سبق نمبر تین:

دو حروف والے الفاظ اور انکے اردو معانی

بلوچی----------اردو----------یاد رکھنے کا طریقہ
پت-----------باپ----------بیٹے باپ میں "پانی پت" کی جنگ چھڑی ہے چناچہ باپ کا مترادف "پت"
وت-----------خود-----------وت سے ملتا جُلتا لفظ "وات"۔سرائیکی میں "وات" کا مطلب "منہ۔ منہ سے خود کی تعریف کی جاتی ہے چناچہ بلوچی میں وت کا مطلب خود
رَد------------غلط------------یہ تو اردو والا لفظ ہی ہے یار
کئے/کائے-----------کون------۔ کوا کائیں کائیں کرتا ہے لیکن توتلا کوا کائے کائے کرتا ہوگا۔ جب کوا کائے کائے کرتا ہے تو شکون لیا جاتا ہے کہ مہمان آئیں گےے چناچہ سوال ہے کہ کون آئے گا۔ چناچہ کئے/کائے کا مطلب کون
من-----------میں----------من میں ے کا اضافہ کر کے میں بنانا مشکل ہے کیا؟
بٹ-----------چاول----------بٹ لوگ سیدھے سادے اور چٹے ہوتے ہیں بالکل چاولوں کی طرح
در------------باہر----------۔۔در یعنی دروازے سے باہر جاتے ہیں۔ چناچہ در کا مطلب باہر یعنی
get out
چُل-----------چُولہا---------- یہ کسی سُست بلوچ کا ایجاد کردہ لفظ ہے ۔اتنی سُستی کی چلوہے کو پورا بولنے کے بجائے صرف چُل
تو-------------تم----------جب غصہ میں آ جاؤتو ۔ ۔ ۔پھر تُو ۔ ۔۔ ۔ بلکہ تُو تڑا۔
شُد------------بھوک----------ختم شُد یعنی کام تمام ہونا۔ یعنی بھوک سے شُد یعنی بھوک سے کام تمام ۔ چناچہ بلوچی میں شُد کا مطلب بھوک
لَٹ-----------عصا----------اردو/پنجابی میں لٹھ لکڑی کو بلوتے ہیں۔ عصا بھی لکڑی کا ہوتا ہے چناچہ سُست بلوچ کا نیا کارنامہ لٹ کا مطلب عصا۔
مچ------------کجھور کا درخت----------سچ مُچ
کَٹ-----------کمائی----------کسی کی جیب کٹ کر کے جو حاصل ہوتا ہے اُسے کمائی کہا جاتا ہے
دپ-----------منہ----------سرائیکی میں دھپ کا مطلب تھپڑ۔ تھپڑ چونکہ منہ پر پڑتا ہے اس لیے دپ کا مطلب منہ
تُن------------پیاس---------- چونکہ انڈین فملز کے مصداق تن من پیاسا ہے تو تُن پیاس کو ہی کہیں گے نہ کہ تُن کے (جی بھر کر )پی
چم-------------آنکھ----------چم سے چمکارا اور چمکارا آنکھوں پر لگتا ہے اس لیے چم کا مطلب آنکھ اور ویسے بھی نین ہی چم چم کے برستے ہیں
پس------------بکری----------اس ملک میں جو بھیڑ بکریوں کی طرح پستے ہیں وہ ہم ہیں چناچہ پس کا مطلب بکری
چُک------------بچہ/بیٹا----------چُک پنجابی میں اٹھانے کے لیے بولا جاتا ہے اور چونکہ ہر کوئی اپنے بچے کو ضرور چُکتا (اُٹھاتا) ہے اس لیے بچے کا مطلب چُک
ول-------------بیل----------ول ول کا مطلب بار بار بیل چونکہ کوہلو میں لگے ہوئے ول ول یعنی بار بار آتا ہے اس لیے ول کا مطلب بیل۔

حیدر

سبق نمبر چار:
مندرجہ بالا الفاظ کا جملوں میں استعمال

جملہ نمبر ایک :::::::::::::::::::: اے منی لَٹ اِنت
اردو میں لفظی مطلب:::::::::::::یہ میرا عصا ہے

جملہ نمبر دو:::::::::::::::اے منی کٹ اِنت
اردو میں ترجمہ:::::::::::::::::یہ میری کمائی ہے

جملہ نمبرتین :::::::::::::::::::: اے کئے انت ۔
اردو میں لفظی مطلب:::::::::::::یہ کون ہے ۔

جملہ نمبر چار:::::::::::::::::::: اے کئی چُک اِنت
اردو میں لفظی مطلب:::::::::::::یہ کس کابیٹا ہے

جملہ نمبر پانچ:::::::::::::::::::: اے تئی چم اِنت
اردو میں لفظی مطلب:::::::::::::یہ تیری آنکھ ہے

جملہ نمبر چھہ:::::::::::::::::::: اے حسن چُک اِنت
اردو میں لفظی مطلب:::::::::::::یہ حسن کابیٹا ہے

جملہ نمبر سات:::::::::::::::::::: اے منی پت اِنت
اردو میں لفظی مطلب:::::::::::::یہ میرا باپ ہے

جملہ نمبر نو:::::::::::::::::::: بٹ گرم انت ،
اردو میں لفظی مطلب:::::::::::::چاول گرم ہیں ۔

جملہ نمبر دس:::::::::::::::::::: تووت در برو
اردو میں لفظی مطلب:::::::::::::تم خودباہر جاؤ

راجہ اکرام

بہت خوب بدر بھائی
جیتے رہو اور من کی مراد پاؤ‌

ARHAM

السلام علیکم !
بہت آسان سے انداز میں تشریح کے ساتھ سمجھایا گیا ہے اس سے یاد رکھنے میں آسانی ہوگی ۔۔
اچھی کوشش ہے اس حوالے سے بھی کہ بولی سیکھ پائیں یا نہیں کچھ مواد ضرور اکھٹا ہوجائے گا ۔۔۔
اور ہوسکتا ہے سرچ کرنے کے بعد بلوچی بہن بھائیوں کا اضافہ ہو جائے فورم پر۔۔
ویسے زبان کے ساتھ ساتھ لہجے کی بھی خاص اہمیت ہوتی ہے خاص کر بلوچی زبان میں کچھ الفاظ ( آخری )کو کافی کھینچ کر کے بولا جاتا ہے اب یہ تو نہیں معلوم کہ کیوں؟ شاید کسی بات پر زورد دیا جاتا ہو ( اگر اسے سادے سے انداز میں ادا کر دیا جائے تو جیسا کہ اوپر لکھا گیا ۔۔۔ کوئی اورہی زبان بن جائے )
========
اگر آپس میں محبت سے بھی بات کر رہے ہوں دو بلوچ تو ایسا لگتا ہے لڑائی ہو رہی ہے( بلوچی زبان مین )
۔۔۔ پھر اچانک قہقہے بلند ہوتے ہیں تو اطمینان ہوتا ہے کہ نہیں ایسا نہیں ۔۔۔۔
لیکن جب اردو بولتے ہیں تو لہجہ میں خلوص نمایاں نظر آتا ہے ۔۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

ARHAM

یہ کون سا ""من """ہے بلوچی یا اردو ۔۔۔؟

حیدر

مجبوری ہے ۔ ۔۔ ۔لہجہ کسی بھی زبان کا ہے لکھنے میں پیش کرنا نا ممکن ہے۔ اور عموماً لکھے ہوئے لفظ اور ادا کیے ہوئے لفظ میں زمین آسمان کا فرق ہوتا ہے۔ چناچہ بادی النظر میں لکھا ہوا لفظ غلط لگتا ہے۔ پھر اسی میں ایک مزید مسئلہ ہر علاقے کا اپنا لہجہ ہونے کا ہے

تاہم یہ ایک کوشش ہے۔ جب کوئی یہاں سے سیکھ کر کسی کے سامنے بولے گا تو خود ہی کوریکشن ہو جائے گی۔

حیدر

بھائی جان ایک تیر سے دو شکار کرنا چاہ رہے ہو پہلے محترمہ ارھم کے سوال کا جواب دو کہ یہ کونسا "من" ہے؟

راجہ اکرام

جناب یہ فارسی والا ہے
لیکن وہاں بھی شاید اس کے دو معنی ہیں
یہاں من بمعنی میں نہیں ہے
بلکہ من بمعنی دل ہے

امید ہے خواتین و حضرات کی تسلی کا ساماں ہو گیا ہو گا
یا بلوچی میں لکھوں

__________________
محتاج اصلاح و دعا