حیدر

جن دوستوں کو کبھی بلوچستان کا سفر کرنے کا اتفاق ہوا ہو اور خاص کر انہوں نے بلوچستان کو ٹرین پر دیکھا ہو تو بلوچستان کے بے آب و گیاہ، سخت پتھریلے اور سنگلاخ پہاڑوں کی ہیبت کو ضرور محسوس کیا ہو گا۔ ان پہاڑوں کے بیچ سے جب ٹرین دھیرے دھیرے چلتی ہے تو انسان حیران ہو کر سوچتا ہے کہ ان علاقوں میں انسان کیوں کر زندہ رہ پاتا ہو گا۔ اور پھر اس کے ذہن میں یہ بات بھی آتی ہو گی کہ آج کے ترقی یافتہ دور میں ان علاقوں میں رہنا اس قدر مشکل ہے تو ہزاروں سال قبل تو ہزاروں مربع کلومیٹر پر محیط بلوچستان کا علاقہ ویران پڑا ہوتا ہو گا۔ اس علاقے نے شاید کبھی حضرت انسان کے قدموں کی چاپ تک نہ سُنی ہو گی۔

لیکن بہت کم لوگ جانتے ہیں کہ بلوچستان نے آج سے ہزاروں سال قبل انسانی تہذیب کا عروج دیکھا ہے۔ اس علاقے نے اُس انسانی تہذیب کو پروان چڑھایا تھا جو اپنے وقت میں میسو پٹامیا اور فراعین مصر کی تہذیبوں کے سامنے فخر سے کھڑی تھی۔
اور اس گم گشتہ تہذیب کو ہمارے سامنے لانے کا سہرا دو فرانسیسی ماہرین آثار قدیمہ کے سر جاتا ہے جنہوں نے دس سال تک اس علاقے میں ڈیرے ڈالے رکھے اور قدیم ترین انسانی تہذیب کو ہمارے سامنے لا کھڑا کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔
اس تہذیب کے سامنے آنے کی جو وجہ بنی وہ اس علاقے کے مقامی لوگ تھی۔ ان کو اکثر کسی جگہ کھدائی کے دوران پرانے برتن زیورات وغیرہ ملا کرتا تھے، جو یہ لوگ اپنی سادہ دلی کی وجہ سے یا تو باہر پھینک دیتے تھے یا پھر اونے پونے داموں کباڑیوں کو بیچ دیا کرتے تھے۔ گھومتے پھرتے یہ قدیمی نوادرات، کوئٹہ کی نوادرات کی دکانوں پر پہنچ جاتے ، جہاں منڈلاتے غیر ملکی انکو خرید کر اپنے ممالک لے جاتے۔ یہ سلسلہ نا جانے کب تک چلتا رہتا کہ ایسے ہی چند نوادرات نے ایک فرانسیسی محقق جین فرانسس کی توجہ اپنی طرف مبذل کروا لی۔ اُسکو محسوس ہوا کہ اس کے ہاتھ گویا خزانے کی کنجی لگ گئی ہے۔ اس نے ڈور کا وہ سرا پکڑا اور کھینچتے کھینچتے وہ پاکستان پہنچ گیا۔
1974 میں اُس نے اس علاقے میں قدیم انسانی تہذیب کے آثار موجود ہونے کا اعلان کیا اور 1974 سے 1986 تک اس علاقے میں موجود رہ کر کھدائی کرواتا رہا۔
اسکی تحقیق ،جس کو جدید سائنسی جرنلز کی سپورٹ حاصل ہے ، کے مطابق اس علاقے میں 2 مربع کلو میٹر کے ایریا پر تقریباً 7000 سال قبل مسیح پرانے ایک گاؤں کے آثار ملے ہیں۔ یہ آثار دنیا میں اپنی نوعیت کے قدیم ترین انسانی تہذیب کے آثار تصور کیئے جاتے ہیں۔ اور اس دریافت پر فرانسیسی محقق کو اُس کی حکومت کی طرف سے اعلیٰ اعزازات سے بھی نوازا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔
چیدہ چیدہ خصوصیات:

ْٕؔٔ$$ تحقیق کے مطابق یہ آثار پتھر کے دور کے آثار ہیں
$$اس تہذیب کے لوگ گارے کی اینٹوں کے بنے ہوئے مکانات میں رہتے تھے، غلہ سٹور کرنے کے لیے یہ اُس وقت کے جدید ترین غلہ سٹورز کا استعمال کرتے تھے، مختلف کاموں کو سر انجام دینے کے لیے انکے پاس جدید ترین فیشن ایبل آلات تھے، زراعت کا نظام جدید خطوط پر استوار تھا اور یہ لوگ کاشتکاری موجودہ جدید طرز پر قطاروں میں حد بندی کر کے کرتے تھے،
$$ایک امریکی محقق ڈیوڈ کی تحقیق کے مطابق یہ لوگ دانتوں کی بیماریوں کا علاج اور کیڑے لگنے کا علاج بھی موجود جدید طرف پر کرتے تھے۔ اُس نے ان علاقوں میں پائی جانے والی نو کھوپڑیوں کا معانہ کرنے کے بعد انکشاف کیا کہ یہ لوگ باقاعدہ دانت میں سوراخ کر کے کیڑا باہر نکالنے اور پھر اس کی فلنگ کی اہلیت ریکھتے تھے۔
$$مہر گڑھ کی تہذیبی علامات کو 4 ادوار میں تقسیم کیا جاتا ہے۔ پہلا دور کُلی طور پر پتھر کا دور کہلاتا ہے۔ جب انسان ابھی اپنے ماحول سے آگاہی حاصل کر رہا تھا۔ جبکہ اسکا تیسرا اور چوتھا دور ، مکمل عروج کا دور کہلاتا ہے۔ اس دور میں ملنے والی اشیا کی جانچ سے معلوم ہوتا ہے کہ اس دور میں مہر گڑھ میں پروڈکشن اور مینو فیکچرنگ ایکٹی ویٹی کافی ترقی یافتہ ہو گئیں تھیں اور اس علاقے کے رہایشی پیتل، تانبہ کو ڈھال کر اپنے اوزار وغیرہ بنایا کرتے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔
مہر گڑھ کے قدیم آثار بلوچستان کے شہر سبی سے چند کلومیٹر کے فاصلے واقع ہیں۔ اس تک پہنچنے کے لیے آپ بلوچستان آنے والی کسی بھی ٹرین پر بیٹھ جائیں۔ وہ آپ کو سبی ضرور پہنچائے گی۔ (کبھی نہ کبھی)۔ اس کے علاوہ بذریعہ روڈ بھی سبی تک آیا جا سکتا ہے۔ کراچی سے آنے کے لیے ، دو روٹس ممکن ہیں۔ یا تو وہ پہلے روہڑی ، اور پھر وہاں سے سبی کی طرف آئیں ۔ یا پھر پہلے کوئٹہ اور وہاں سے 4 گھنٹے کی مسافت پر سبی کی طرف آ سکتے ہیں۔ جو کہ بہترین راستہ ہے ۔

Attached Thumbnails

   

Attached Images

  

wajee

میں گڈانی سے آگے نہیں گیا ضرور دیکھوں گا یہ علاقے

skjatala

بلوچستان کے متعلق معلومات واقعی دلچسپ اور ہمارے لیئے نئی ہیں،
کراچی سے بائی روڈ کافی سال پہلے دونوں راستوں سے کوئٹہ جانے کا اتفاق ہوا، راستے میں واقعی ایسا لگتا ہے کہ شاید ہی کبھی انسان ادھر آیا ہو۔
ان دنوں بلوچستان کے راستوں پر سکون بھی بہت تھا۔ بلوچوں کی آپس میں جیسی بھی دشمنی ہو مگر مسافروں کا بہت خیال اور آؤ بھگت کرتے تھے۔
میں نے رات کو دوتین بجے کراچی خضدار کوئٹہ روڈ پر جوان میاں بیوی اکیلے بے خطر کاروں میں سفر کرتے دیکھے ہیں-
بلکہ جب میں نے ایک بلوچ سے پوچھا تو اس نے ناراضگی کا اظہار کیا کہ تم نے اسے دوسرے صوبوں کی طرح کیوں سمجھا۔
مگر اب تو پنجابیوں کے لئے مشکل ہے وہاں جا کر آزادی سے گھومنا پھرنا۔
اللہ پاکستان کو دوبارہ سے صحت یاب کر دے۔ آمین

__________________
اس دور میں تعلیم ہے امراضِ ملت کی دوا
ہے خونِ فاسد کے لیے تعلیم مثل نیشتر

حیدر

تو اُردو سپیکنگ بن جائیں۔
مجھے یاد ہے چند سال قبل ایک دو افراد ایسے قتل ہو گئے تھے جن کا تعلق کراچی سے تھا۔
الطاف حسین نے ایسی گھُرکی دی تھی کہ پھر ان "نام نہاد حریت پسندوں" کو جرات نہ ہو سکی اہلیان کراچی کی طرف آنکھ اُٹھانے کی۔
اب پتا نہیں کیا حالات ہیں۔

سام

اس تہذیب کونام کیادیاگیاہے؟

صبح صبح بہت اچھاتھریڈپڑھنےکوملا۔شکریہ ،پاکستان ہرلحاظ سےماشاءاللہ بہتrichہے۔اللہ سلامت رکھے آمین۔

منتظمین

سرورق کے لیے اپلائی کریں

حیدر

اس کو مہر گڑھ کی تہذیب کا نام ہی دیا گیا ہے۔ آپ نیٹ پر مہر گڑھ لکھ کر تلاش کر سکتی ہیں۔

اُس فرانسیسی محقق نے اس "مہر گڑھ " پر ایک کتاب بھی لکھی تھی۔اور پاکستانیوں کو مبارکباد دی تھی کہ آپ لوگ خوش قسمت ہیں کہ اس قدر خوبصورت اور قدیم ترین تاریخی ورثے کے امین ہیں۔ جو آپ کو ہر لحاظ سے دوسرے علاقوں سے ممتاز کرتا ہے۔

تب میں نے سوچا تھا کہ آج ہم پوری کوشش میں ہیں کہ خود بھی ایک تاریخی ورثہ بن جائیں۔

skjatala

اقتباس:

تب میں نے سوچا تھا کہ آج ہم پوری کوشش میں ہیں کہ خود بھی ایک تاریخی ورثہ بن جائیں۔

یہ کو شش ہماری تو بلکل نہیں ہے۔
ہاں مگر ارباب اختیار یہ ضرور چاہتے ہیں کہ خدا ناخواستہ “پاکستان مشرقی پاکستان کی طرح قصہ پارینہ بن جائے ”

عروج

اللہ کا ھم پر بہت کرم ھے ھمارا وطن ھر لحاظ سے بھرپور ھے۔میرا سب سے بڑا اورمہنگا شوق وطن ِعزیز کے چپّے چپّے کی زیارت ھے۔ اےاللہ میرا خواب پورا کردینا۔آمین۔

__________________
اے اللہ میرےوالدین پر رحم فرما۔ جیساکہ انہوں نے بچپن میں مجھے پالا۔ آمین۔

سام

ایسی ہی خواب میں نےبھی پال رکھےہیں

فیصل ناصر

لیکن اب پاکستان کے اکثر علاقے نو گو ایریا بن چکے ہیں‌

یاسر عمران مرزا

مفید معلومات دینے کا شکریہ برادر۔۔۔۔۔۔۔۔۔