روایت حبیب ابن ثابت کی ہے
ہدایت بھی ہے اور بشارت بھی ہے
بخاری نے اس کو کیا ہے بیاں
خدا ان پہ ہر لحظہ ہو مہرباں
زمانہ تھا شاید کسی جنگ کا
ہر اک جاں لڑانے کو تیار تھا
کہ اک صاحب عزم و صدق و وفا
پیمبر کی خدمت میں حاضر ہوا
مخاطب ہوا وہ بڑے شوق سے
کہا : آرزو ہے کہ جنت ملے
اگر آپ دیں مجھ کو اذن جہاد
مرے دل کی ہو جائے پوری مراد
پیمبر نے سن کر یہ اس سے کہا:
ترے مادر و پدر زندہ ہیں کیا؟
جواباً کہا رہبر دین کو :
خداوند کی رحمت سے زندہ ہیں وہ
پیمبر نے فرمایا : اے نوجواں!
بنا لے تو اس بات کو حرز جاں
سدا کر تو ماں باپ کی خدمتیں
اسی میں ہیں پنہاں سبھی راحتیں
اترے واسطے بس یہی ہے جہاد
بہشت بریں کی ملے گی مراد

منظور الحسن