سڈنی : آسٹریلوی ماہرین صحت نے کہا ہے کہ زیادہ ٹیلی ویژن دیکھنے والے بچوں میں جوانی کے دوران دل کے امراض ، بلند فشار خون اور ذیابیطس جیسے مہلک امراض کے خطرات بڑھ جاتے ہیں۔ سڈنی یونیورسٹی کے ماہرین نے اس نئی تحقیق میں انکشاف کیا ہے کہ 6 سے 7 سال عمر کے بچے جو زیادہ تر وقت ٹی وی دیکھنے میں گزارتے ہیں ان کی آنکھ کی شریانیں سکڑ جاتی ہیں۔ جو ان میں دل کے امراض، بلند فشار خون اور ذیابیطس جیسے موذی امراض کا سبب بن سکتے ہیں۔ اس تحقیق کے دوران 6 سے 7 سال کے 1500 بچوں کا معائنہ کیا گیا۔ تحقیق کے مطابق ایک بچہ عام طور پر دو گھنٹے ٹیلی ویژن دیکھنے میں اور 36 منٹ دوسری سرگرمیوں میں صرف کرتا ہے۔ ماہرین نے کہا کہ وہ بچے جو زیادہ تر وقت جسمانی ورزش اور دیگر سرگرمیوں میں گزارتے ہیں ان میں ان امراض کے پیدا ہونے کے خطرات کم ہوجاتے ہیں۔

__________________
لا فتی الا علیّ لا سیف الاّ ذوالفقار