ام طلحہ

اکثر دیکھا جاتا ہے کہ بچے ماؤں کے سر میں درد کر دیتے ہیں۔ خاصکر کھلونے پھیلانا تو بچوں کا پسندیدہ مشغلہ ہوتا ہے۔ نوکری پیشہ خواتین کیلئے تو یہ بڑا مسئلہ ہوتا ہی ہے کہ گھر آتے ہی انہیں سارا ہجوم سمیٹنا پڑتا ہے اسکے ساتھ ساتھ گھریلو خواتین بھی اس مسئلے سے پریشان دیکھی جاتی ہیں۔ادھر بچے سکول سے آئے اور ادھر سب کچھ بکھر گیا۔آخر اس مسئلے کا حل کیا کیا جائے؟؟

مسئلے کا حل وہی بہتر ہوتا ہے جو دیرپا ہو۔یعنی بنیادی حل تو بچوں کی تربیت میں پنہاں ہے۔ اب سوال ہے کہ تربیت کی حکمت عملی اس حوالے سے کیا ہونی چاہئے؟؟

دیکھا یہ گیا ہے کہ اگر دن رات بچوں کو لیکر سمجھانے بیٹھے رہیں تو بچے اس سے اکتا جائیں گے اور آپ کی بات اثر کھو دے گی۔اسکا بہترین حل یہ ہے کہ بچوں کو ذمہ داریاں دیں۔ بچوں میں سے ایک کو انچارج بنائیں اور باقی سب کو بھی اپنے اپنے کام دیں۔جو اپنے کام دھیان سے کرے اسکی خوب حوصلہ افزائی کریں۔ جو نہ کرے اسکی بھی ہمت بڑھائیں۔ اس سے بچوں میں یہ اعتماد پیدا ہوگا کہ آپ ان پر اعتماد کر رہے ہیں۔ اس سے مقابلے کی فضا پیدا ہوگی۔ وہ بڑھ چڑھ کر کر دکھانے کی کوشش کریں گے اور ذمہ داریاں اٹھانا سیکھ جائیں گے۔یہ چیز نہ صرف آپکا کام کا بوجھ گھٹانے میں مددگار ہوگی بلکہ بچوں کی شخصیت سازی میں بھی اہم کردار ادا کرے گی اور مستقبل میں انکے بہت کام آئے گی۔

آزما کر دیکھیں کامیابی 90 فیصد یقینی ہے۔ میں نے ٹیچنگ کے زمانے میں یہ طریقہ آزمایا ہے کہ جو بچہ سب سے زیادہ شرارتی ہوتاتھا اسے مانیٹر بنا دیتی تھی۔ وہ بچہ ذمہ داری کا مظاہرہ کرنے لگتا تھا اور کوشش کرتا تھا کہ وہ مانیٹر بنا رہے۔ اس طرح اسکی تعلیمی برتری کی خواہش بھی بڑھ جاتی تھی اور بہتر رزلٹ دینے لگتے تھے۔

اس سلسلے میں اگر اور تجاویز ہوں تو میں ان میں بھی دلچسپی رکھتی ہوں۔ امید ہے آپ سب تعاون کریں گے۔

__________________
یا اللہ!! تمام دنیا سے قوم یہود کو اپنی ناپاک سوچ سمیت نیست و نابود کر دے۔ اس قوم کا نام و نشان ہی مٹا دے۔ آمین ثم آمین

زارا

السلام علیکم

بہت اچھا آرٹیکل ہے اور واقعی بچوں کو ذمہ داریاں دیں تاکہ اُنکو احساس ہو۔

یاسر عمران مرزا

بہت اچھی ٹپ ہے۔بچوں کو ہینڈل کرنا ایک مشکل کام ہے ۔ اس کے لیے بہت ہمت اورحوصلہ چاہیے ہوتا ہے۔

__________________
عرفی تومیندیش ذغوغائے رقیباں - آواز سگاں کم نہ کند رزق گدارا
میرا بلاگ | yasirimran.wordpress.com

سحر

میں اس سے متفق ہوں اور یہ تربیت کا ایک طریقہ ہے
لیکن بچوں سے کام لینا خود کام کرلینے سے ذیادہ مشکل ہوتا ہے

__________________
اے اللہ
میرے ہر فیصلے میں تیری رضا ہو شامل
جو تیرا حکم ہو وہ میرا ارادہ کردے

ام طلحہ

آپ نے بالکل ٹھیک کہا اور اسکے لئے تحمل کی بھی بیحد ضرورت ہوتی ہے لیکن اس کے اثرات دیرپا ہوتے ہیں۔

یاسر عمران مرزا

ظاہر ہے اسکا اثر تو دھیرے دھیرے ہی ہوتا ہے۔ اس کے علاوہ بچوں کی کمپنی کا خیال رکھنا بھی ضروری ہے کہ وہ کس طرح کے بچوں میں اٹھتے بیٹھتے ہیں۔

ام طلحہ بہن، ایک سوال ہے آپ سے۔
اگر بچوں کی کمپنی میں اس طرح کے بچے آ جائیں جن کی عادات اچھی نہیں۔ مثلا چھوٹی چھوٹی چیزیں چوری کرتے ہیں جھوٹ بولتے ہیں مٹی کھاتے ہیں وغیرہ وغیرہ ۔ اور ان بچوں‌کی کمپنی کو دور کرنا بھی ممکن نہ ہو۔یا تو وہ بچے ان ہمسایوں کے ہیں جن سے آپ کے بہت اچھے تعلقات ہیں۔ اور ان کے بچے روز آپکے گھر کھیلنے آ جاتے ہیں۔ اگر ان کو منع کریں گے تو ان کے ماں‌باپ سے تعلق خراب ہو گا۔ یا وہ بچے آپ کے بھائی ، بہن یا کسی کزن کے ہیں جو آپکے گھر کےقریب ہی ہے۔ یوں آپ ان کو منع نہیں کر سکتے۔ مگر یہ بھی نہیں‌چاہتے کہ وہ بچے آپکے بچوں کے ساتھی کھیلیں یا اٹھیں بیٹھیں۔ ایسی صورت میں اپنے بچوں کو دوسرے بچوں کی بری عادات اختیار کرنے سے کس طرح باز رکھا جا سکتا ہے۔ اگر آپکے پاس تجاویزہوں اور چاہیں تو اس پر نیا دھاگہ بنا دیجیے۔

زارا

اِس کی ایک صورت یہ ہے کہ بچوں کو پاس بیٹھا کر اُنکو منع کیا جائے کہ فلاں بچے کیساتھ مت کھیلومگر اِس طرح سمجھایا جائے کہ وہ آپکی بات سمجھ لے۔
میری کزن مبین ماشاللہ ساڑھے چار سال کی ہے۔ جب ہماری طرف آتی ہے تو ماموں اُسے باہر لے جاتے ہیں مگر اُنہوں نے منع کیا کہ فلاں فلاں سے بات نہیں کرنی۔ وہ باز نہیں اآئی پھر ماموں نے کہاکہ وہ بچے اچھے نہیں ہیں وغیرہ تو وہ سمجھ گئی مگر ذرا دیر سے سمجھی۔

مطلب ہم منع کریں گے تو بچے سوال کرتےے ہیں کیوں نہ کھیلیں وغیرہ تو ایسی صورت میں اُنکو طریقے سے سمجھائےں۔

باقی اُم طلحہ اچھے سے بتا سکتی ہیں

__________________

منتظمین

سرورق کے لیے پیش کریں۔

زارا

اُن کی طرف سے میں نے کر دی ہے۔

ام طلحہ

شکریہ میں ذرا مصروف تھی وقت پر دیکھ نہیں پائی۔

زارا

آلویز ویلکم! ہم ایک فیملی کی طرح ہیں آپ مصروف تھیں آپکا کام میں نے کر دیا بات ایک ہی ہوئی

عامرشہزاد

امہ طلحہ بہن آپ کا آئیڈیا بہت اچھا ہیں
لیکن میرے خیال میں آج کل کے پڑنے والے بچوں کے پاس وقت ہی نہیں ہیں
دس دس کتابے اور کاپیاں ؟اس دور میں سب سے زیادہ مظلوم اس دور کے بچے ہیں؟

ناصحی

اچھی تحریر ہے

آپ بچوں کو ذمہ داریاں دینے کی بات کر رہی ہیں لیکن میری سیچوایشن تو کچھ اس کے برعکس ہے۔ میں جب بھی کبھی اپنی چھوٹی بھانجیوں سے ملنے جاتا ہوں تو وہ میرے زمہ کام لگانا شروع کر دیتی ہیں۔

کچھ عرصہ پہلے میں اپنی بہن کہ گھر بیھٹا باتیں کر رہا تھا، میری ایک بھانجی کی نظر میرے پاوں پر پڑی تو اسنے مجھے پاوں کے ناخن کاٹنے کیلیے کہا میں نے پوچھا کہ کیوں؟ تو کہنے لگی کہ اسنے ہسٹری کے کسی پروگرام میں وحشی لوگوں کے پاوں پرلمبے لمبے ناخن دیکھے تھے اسلیے وہ نہیں چاہتی کہ میرے ناخن بھی انکی طرح لمبے ہو جایئں۔

اس دن کے بعد میں جب ملنے جاتا ہوں تو اپنے پاوں سے جرابیں نہیں اتاراتا

__________________

فیصل ناصر

ہوسکتا ہے آپ کا تجربہ مختلف ہو لیکن مجھے بچوں سے کام لینا بہت آسان لگتا ہے
بس ان کو یہ احساس دلانے کی ضرورت ہے کے یہ ایک اچیومنٹ ہے اور تھوڑا سا اپریشئٹ کرنا ہوتا ہے

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

ام طلحہ

یاسر بھائی بیحد مشکل سوال ہے یہ۔ تعلق والے مسئلے میں پوزیشن کافی نازک ہوتی ہے کیونکہ بچے من کے سچے ہوتے ہیں صاف صاف بول دیتے ہیں کسی کے سامنے۔ اب انہیں یہ سمجھانا بیحد مشکل ہوتا ہے کہ فلاں بچے سے کیوں نہ ملو۔ یہ صرف اسی صورت میں ممکن ہو سکتا ہے جب ان کی تشخیص کی صلاحیت اتنی پختہ ہو کہ وہ اس بچے کی خرابیوں کو خود پہچان کر اس سے دوستی سے احتراز کریں۔ان کی تربیت مکمل کریں تو وہ نہیں بھٹکیں گے، اگر چہ ہے انتہائی مشکل۔ دوسری بات یہ ہے کہ انسان کو کچھ قربانی بھی دینی پڑتی ہے۔میرے ساتھ ایسی صورتحال ایک پڑوسن کے حوالے سے ہو چکی ہے۔ خاتون خود بہت اچھی تھیں مگر بچی میں مسائل تھے۔ میں‌نے خود ہی مصروفیات کے بہانے آنا جانا کم کر لیا اور بیٹی کو کبھی کھیلنے وہاں جانے نہیں دیا کہ حالات صحیح نہیں ہیں، اسکے بابا نے باہر جانے سے منع کیا ہے۔ آہستہ آہستہ اس بچی کی آمدو رفت بھی منقطع ہو گئی۔