پیارے بچوں آپ نے بہت سے بہادر بچوں کی کہانیاں سُنی ہوں گی، ان کہانیوں کو سن کردل چاہتا ہے کے ہم بھی ہمت اور بہادری کو کوئی ایسا کارنامہ سرانجام دیں کے دُنیا والے ہمیں بھی ہمیشہ یاد رکھیں اور ہمارے والدین ہم پر فخر محسوس کرسکیں۔

آئیے آج ہم ایک بہادر بچی کی کہانی سُنتے ہیں!



یہ اُنیس سو چوالیس کی بات ہے۔ امریکہ کی ریاست ٹینسس میں ایک غریب قُلی کے یہاں ایک بچی پیدا ہوئی اُس بچی کے والدین نے اُس کانام "ویلما روڈلف" ! رکھا۔
ویلما بچپن میں ایک عام سی بچی تھی اور اپنے بہن بھائیوں کے ساتھ کھیلتی تھی۔ جب ویلما چار سال کی تھی کہ ایک دن اُسے اپنی ٹانگوں میں بہت درد محسوس ہوا، درد کی شدت سے ویلما زور زور سے رونے لگی ویلما کو روتا دیکھ کر اُس کی امی پریشان ہوگئیں اور اُسے قریبی ہسپتال لے گئیں۔ ہسپتال جا کر معلوم ہو کے ویلما کو "پولیو" کا موذی مرض ہوگیا ہے اور اُس کی ٹانگیں کمزور ہوگئی ہیں۔
ڈاکٹر نے ولما کی والدہ سے کہا کے وہ ویلما کی ٹانگوں کی روزانہ مالش کیا کریں۔ اب روزانہ ویلما کی والدہ یا اُس کے بھائی ویلما کی ٹانگوں کی مالش کیا کرتے۔ کچھ عرصے بعد ڈاکٹر نے ویلما کی ٹانگوں کی سہارا دینے کے لیئے لکڑی کا "براس" بھی ویلما کی ٹانگوں پر لگا دیا۔ ویلما کو چلنے پھرنے میں مشکل ہونے لگی کیونکے اُسے ہر وقت اس مصنوعی سہارے کی ضرورت محسوس ہوتی تھی۔
ویلما کو بچن ہی سے "باسکٹ بال"کھلینے کا شوق تھامگر اب اُس کے لیئے چلنا پھرنا ہی مُحال تھا۔ دوسرے بچوں کودوڑتا، پھرتا اور کھیلتا دیکھ کر ویلما کی کھیلنے کی خواہش شدید ہوجاتی۔جب وہ پانچ سال کی ہوئی تو ایک دن اُس نے اپنے ٹانگوں پر لگے مصنوعی سہاروں کو ہٹا دیا ور ازخود کھڑے ہوکر چلنے کی کوشش کی، دردر کی ایک شدید لہر اُس کی ٹانگوں سے اُٹھی اور پورے جسم میں پھیل گئی مگر ویلما نے ہمت نہیں ہاری اور چلنے کی مشق کرتی رہی چند ہی ہفتوں میں وہ بنا کسی سہارے کے چلنے پھرنے کے قابل ہوچکی تھی۔
ویلما نے اپنے دل میں عہد کیا کے وہ اپنی کمزور ٹانگوں کے باوجود اپنے کھیلنے اور دوڑنے کے شوق کو ضرور پورا کرے گی۔ اُس نے اپنے شہر کے کلب میں ایک ریس میں حصہ لیا۔ بدقسمتی سے ویلما وہ ریس ہار گئی۔ وہاں پر موجود ایک کوچ "ایڈ ٹیمپل" ویلما کے ارادوں کی مضبوطی سے بہت متاثر ہوا اور اُس نے ویلما کو ٹریننگ دینے کی پیش کش کی۔

ویلما "ایڈ" کی زیر نگرانی دوڑنے کی پریکٹس کرنے لگی۔ وہ دیوانوں کی طرح پریکٹس کرتی اور اُس کے جذبے اور شوق کو دیکھ کر کلب کے دوسرے کھلاڑی بھی بہت متاثر ہوتے تھے۔ اُنیس سو اٹھانوے میں ویلما نے "ٹینسس اسٹیٹ یونی ورسٹی" میں داخلہ لیا۔ وہ دن بھر پڑھتی اور شام کو ایک جگہ نوکری کرتی تاکہ یونی ورسٹی کی فیس ادا کرسکے۔ ویلما کے "دوڑنے" کے شوق اور محنت کو دیکھتے ہوئے یونی ورسٹی نے ویلما کو اسکالر شپ دینے کا فیصلہ کیا۔ اس فیصلے نے ویلما کے شوق اور ارادوں کو اور بھی زیادہ مضبوط کردیا۔

16 سال کی عمر میں ویلما کو اُنیس سو چھپن کے اولمپک میں شریک ہونے کا موقعہ ملا ، اس ریس میں ویلما نے کانسی کا تمغہ حاصل کیا۔ ویلما کی اس پہلی بڑی کامیابی نے ویلما کے اساتذہ اور دوستوں سمیت پورے ملک کو خوش کردیا۔



مگر ویلما کی منزل یہ نہیں تھی، اُس کی نظر آنے والے اولمپک پر تھی اور بالاخر اُس نے اُنیس سو ساٹھ کے "روم اُولمپک" میں تین مختلف ریسوں میں حصہ لیا ۔
کیا آپ یقین کریں گے کے ویلما نے 100 میٹر، 200 میٹر اور 400 میٹر کی تینوں ریسوں میں سونے کا تمغہ حاصل کیا۔ یہ ایک بہت بڑی کامیابی تھی۔
ویلما پہلی امریکی لڑکی تھی جس نے ایک ساتھ تین اولمپک گولڈ میڈلز حاصل کئے۔ تین سال بعد ویلما نے اپنے گریجویشن بھی مکمل کرلی۔



ویلما کو مندرجہ ذیل ایوارڈز سے نوازہ گیا!
۱۔ United Press Athlete of the Year 1960
۲۔ Associated Press Woman Athlete of the Year 1960
۳۔ James E. Sullivan Award for Good Sportsmanship 1961
۴۔ The Babe Zaharias Award 1962
۵۔ European Sportswriters' Sportsman of the Year
۶۔ Christopher Columbus Award for Most Outstanding International Sports Personality
۷۔ The Penn Relays 1961
۸۔ New York Athletic Club Track Meet
۹۔ The Millrose Games
۰۱۔ Black Sports Hall of Fame 1980
۱۱۔ U.S. Olympic Hall of Fame 1983
۲۱۔ Vitalis Cup for Sports Excellence 1983
۳۱۔ Women's Sports Foundation Award 1984



بارہ نومبر سن اُنیس سو چورانوے کو 54 سال کی عمر میں اس بہادر لڑکی کو انتقال ہوا ۔ ویلما کے انتقال کے 9 سال کے بعد امریکی حکومت نے اُسے خراجِ تحسین پیش کرتے ہوئے اُس کی یاد میں 23 سینٹ کا ایک یادگاری ڈاک ٹکٹ جاری کیا۔



ویلما نے ٹانگوں کی بیماری کے باوجود اپنے ارادوں اور ہمت سے ناممکن کو ممکن کردیکھایا اور ثابت کردیا کے اگر آپ اپنے ارادوں پر مضبوطی سے قائم رہیں اور اپنی منزل کو حاصل کرنے کے لیئے کوششیں کرتے رہیں تو پھر بالاخر کامیابی آپ کے قدموں میں ڈھیر ہوجاتی ہے۔