خلافت و ملوکیت میں مودودی صاحب نے عثمان رضی اللہ عنہ پر جو اعتراضات کیے ہیں ان میں سے ایک یہ ہے کہ عثمان رضی اللہ عنہ نے حکومتی عہدے اپنے خاندان کے افراد میں تقسیم کر دیے تھے۔ وہ لکھتے ہیں:
“محض قابلیت اس بات کے لیے کافی دلیل نہ تھی کہ خراسان سے لے کر شمالی افریقہ تک کا پورا علاقہ ایک ہی خاندان کے گورنروں کی ماتحتی میں دے دیا جاتا اور مرکزی سیکرٹریت پر بھی اسی خاندان کا آدمی مامور کر دیا جاتا۔ (ص 108 )
اس الزام کا تفصیلی اور مدلل جواب ان شاء اللہ بعد میں پیش کیا جائے گا۔ فی الحال عمال عثمانی کی وہ فہرست دیکھیے جو طبری نے عثمان رضی اللہ عنہ کی شہادت کے وقت کی دی ہے۔ بوقت شہادت مختلف علاقوں پر یہ لوگ حاکم و افسر تھے:

علاقہ۔۔۔۔۔۔۔۔۔۔۔۔۔۔۔۔۔۔۔ عمال عثمانی
مکہ۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔عبداللہ بن الحضرمی
طائف ۔۔۔۔۔۔۔۔۔۔۔۔۔۔۔۔۔۔۔۔۔۔ قاسم بن ربیعہ الثقفی
صنعاء ۔۔۔۔۔۔۔۔۔۔۔۔۔۔۔۔۔۔۔۔۔۔۔ یعلی بن امیہ
الجند ۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔عبداللہ بن ابی ربیعہ
حِمص‌ ۔۔۔۔۔۔۔۔۔۔۔۔۔۔۔۔۔۔۔۔۔۔۔ عبدالرحمٰن بن خالد بن ولید
قنسرین ۔۔۔۔۔۔۔۔۔۔۔۔۔۔۔۔۔۔۔۔۔۔ جلبیب بن مسلمہ فہری
اردن ۔۔۔۔۔۔۔۔۔۔۔۔۔۔۔۔۔۔۔۔۔۔۔ ابو الاعور بن سفیان
فلسطین ۔۔۔۔۔۔۔۔۔۔۔۔۔۔۔۔۔۔۔۔۔۔ علقمہ بن حکیم الکنائی
البحر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عبداللہ بن قیس الکنائی
قضاء دمشق ۔۔۔۔۔۔۔۔۔۔۔۔۔۔۔۔۔۔۔ ابو درداء رضی اللہ عنہ
خراج کوفہ ۔۔۔۔۔۔۔۔۔۔۔۔۔۔۔۔۔۔۔ جابر بن عمرو المزنی اور سماک الانصاری
حرب کوفہ ۔۔۔۔۔۔۔۔۔۔۔۔۔۔۔۔۔۔۔۔ قعقاع بن عمرو
قرقیسیاء ۔۔۔۔۔۔۔۔۔۔۔۔۔۔۔۔۔۔۔۔۔۔ جریر بن عبداللہ
آذر بائیجان ۔۔۔۔۔۔۔۔۔۔۔۔۔۔۔۔۔۔۔۔ اشعث بن قیس الکندی رضی اللہ عنہ
حلوان ۔۔۔۔۔۔۔۔۔۔۔۔۔۔۔۔۔۔۔۔۔۔۔ عتیبہ بن النہاس
ماہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔ مالک بن جلبیب
ہمدان ۔۔۔۔۔۔۔۔۔۔۔۔۔۔۔۔۔۔۔۔۔۔۔ النُسیر
ری ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سعید بن قیس
اصبھان ۔۔۔۔۔۔۔۔۔۔۔۔۔۔۔۔۔۔۔۔۔ سائب بن الاقرع
سبذان ۔۔۔۔۔۔۔۔۔۔۔۔۔۔۔۔۔۔۔۔۔۔ جُیَش
بیت المال ۔۔۔۔۔۔۔۔۔۔۔۔۔۔۔۔۔۔۔ عقبہ بن عامر
قضاء مدینہ ۔۔۔۔۔۔۔۔۔۔۔۔۔۔۔۔۔۔۔ زید بن ثابت رضی اللہ عنہ
بصرہ ۔۔۔۔۔۔۔۔۔۔۔۔۔۔۔۔۔۔۔۔۔۔۔ عبداللہ بن عامر بن کریز اموی
کوفہ ۔۔۔۔۔۔۔۔۔۔۔۔۔۔۔۔۔۔۔۔۔۔۔ ابو موسیٰ الاشعری
شام ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ معاویہ رضی اللہ عنہ
مصر ۔۔۔۔۔۔۔۔۔۔۔۔۔۔۔۔۔۔۔۔۔۔۔۔ عبداللہ بن سعد

اس میں بصرہ، شام اور مصر یہ تین صوبے ایسے ہیں جن میں‌عثمان رضی اللہ عنہ کے رشتہ دار گورنر تھے۔ ایک چوتھے رشتہ دار مروان بن الحکم تھے جو عثمان رضی اللہ عنہ کے سیکرٹری تھے۔ ان کے علاوہ باقی تمام عمال غیر اموی تھے یعنی عثمان رضی اللہ عنہ کے خاندان میں سے نہ تھے۔ چوالیس لاکھ مربع میل پر محیط حکومت میں تین گورنر اگر خلیفہ کے رشتہ دار نکل آئیں اور مخالفین بھی گواہی دیتےہوں کہ ان میں وہ ساری قابلیتیں موجود ہیں جو ایک گورنر میں ہوئی چاہئیں تو کیا انصاف کا تقاضا یہی ہے کہ خلیفہ راشد پر اقرباء پروری کا الزام دھر دیا جائے؟؟؟
اس مثال سے ان سطحی نتائج کا اندازہ ہو سکتا ہے جو مودودی صاحب نے بعض تاریخی روایات سے نکالے ہیں۔ سچ تو یہ ہے کہ سطحیت میں "خلافت و ملوکیت" کا مقابلہ ان کی کوئی دوسری کتاب نہیں کرتی۔
"خلافت و ملوکیت کی شرعی و تاریخی حیثیت" سے ماخوذ
والسلام علیکم