تلاش گمشدہ

ہم سے ''خلوص'' گم ہوگیا ہے اس کی عمر سوسال ہے بڑھاپے کی وجہ سے
کافی کمزور ہوگیا ہے اور گھر سے ''خود غرضی'' سے ان بن ہونے پر ناراض
ہوکر چلا گیا ہے ۔ اس کے بارے میں گمان ہے کہ انسانوں کی وجہ سے
ادھر ادھر ہوگیا ہے ۔ اس کو آخری بار ''ہمدردی'' کے ساتھ دیکھا گیا تھا
تب سے دونوں کی کچھ خبر نہیں اس کے بھائی ''اخوت، سخاوت'' بہت
پریشان ہیں اور بہن''حب الوطنی'' کا تو کچھ نہ پوچھو ۔ اس کے دوست
''محبت اور مہربانی'' اس کی تلاش میں خود کھو گئے ہیں ۔ اس کی عدم
موجودگی میں اس کے دشمن شر پسندوں نے'' تعصب اور ہوس'' کے ساتھ
مل کر تباہی مچا رکھی ہے ۔ اس کی جڑواں بہن ''شرافت'' کا انتقال ہوگیا
اور شرافت کے غم میں ''حیا'' بھی مر گئی۔ اس کی ماں' انسانیت'' شدید
بیمار ہے آخری بار اپنے جگر گوشے ''خلوص'' کو دیکھنا چاپتی ہے جس
کسی کو ملے براہِ مہربانی اسے ماں کے پاس پہنچادے یا خود پڑھے تو
واپس آجائے اسے کچھ نہیں کہا جائے گا۔