محترم قارئین السلام علیکم،

میں جو موضوع چھیڑنے جا رہا ہوں اس پر بہت سے دوستوں کو اعتراض ہوگا یا شاید میرا بائیکاٹ ہوجائے لیکن میں بہت جلد آپ کے سامنے ایک ایسی کتاب کا قسط وار سلسلہ پیش کرونگا جس پر پاکستان میں‌کافی عرصہ پہلے پابندی عائد کردی گئی تھی اور اب بھی اس پر پابندی ہے۔ کتاب کے حصول کے لئے جو خواری بھگتی وہ مجھے ہی معلوم ہے۔ کتاب پاکستان کے ایک ایسے سیاست دان نے تحریر کی ہے جسے ملک دشمن اور غدار جیسے القابات سے نوازا گیا، انہوں نے زندگی کا ایک طویل عرصہ زندان میں‌گزارا لیکن بعد میں علالت کے باعث انہیں علاج کی غرض سے جیل سے باہر نکال کر لندن بھیجا گیا۔ ‌وہاں علاج کے بعد معالجوں نے انہیں 6 ماہ تک پرفضا ماحول میں آرام کرنے کا مشورہ دیا۔ اسی دوران وہ لندن کی ایک پبلک لائبریری گئے جہاں انہوں نے ان دستاویزات کا مطالعہ کیا جو کہ پاکستان کے قیام سے متعلق تھیں۔ یہ وہ خفیہ دستاویزات تھیں جنہیں برطانوی حکومت نے پاکستان کے قیام کے 30 سال بعد عوامی مطالع کے لئے جاری کیا۔ مغربی ممالک کا یہ دستور ہے کہ وہ کوئی بھی چیز عوام سے نہیں چھپاتے، پالیسی چاہے کتنی بھی خفیہ کیوں نہ ہو وہ ایک عرصہ کے بعد عوام کو ضرور آگاہ کرتے ہیں۔ کتاب کے مصنف نے بھی ان دستاویزات کا مطالعہ کیا اور اس کے بعد یہ کہنے پر مجبور ہوئے کہ “مجھے خود کو پاکستان سمجھتے ہوئے شرم آتی ہے“۔ اب ان دستاویزات میں ایسا کیا تھا جس کی وجہ سے وہ ایسی بڑی بات کہنے پر مجبور ہوئے، وہ جب میں ان کی کتاب کا سلسلہ وار ترجمہ یہاں پیش کرونگا تو آپ خود ہی سمجھ سکیں گے۔ یہاں یہ بتادوں میرا کتاب کے مصنف کی رائے سے متفق ہونا ضروری نہیں۔ یہ میں اس لئے لکھ رہا ہوں کیونکہ کئی بار پڑھنے والے یہ سمجھتے ہیں کہ یہ رائٹر یا مصنف مترجم کا پسندیدہ ہوگا اس لئے اس نے اس کا ترجمہ کیا ہے لیکن ایسی بات نہیں۔ ہم میں سے کئی لوگ انگریزی کتابیں اس لئے نہیں پڑھتے کیونکہ یا تو ہمارے پاس ٹائم نہیں ہوتا یا پھر ہمیں انگریزی سمجھنے میں دقت محسوس ہوتی ہے۔

خیر! میں جلد ہی آپ کی خدمت میں کتاب کی پہلی قسط پیش کرونگا

اللہ آپ کا حامی و ناصر

آپ کا مخلص
جوزف بروسٹر

Moderated Message:

محترم شیخ ہمدان کی طرف سے اس موضوع پر کوئی پیش رفت نہ ہونے کے باعث اس موضوع کو بند کیا جارہا ہے۔ شکریہ