درجہ بندی: (1 votes - 5.00 average)

السلام علیکم! معزز اراکین وممبران!

دوستو! ایک گزارش کرنا چاہوں گا اگر آپ بُرا نہ منائیں تو۔ ۔ ۔ وہ یہ کہ ۔۔۔۔۔۔۔

1۔ اُردو زبان میں تحریر لکھتے وقت اس بات کی حتی الوسعیٰ کوشش کی جائے کہ اِملا و ہجے (spellings ) درست ہوں ۔ روازنہ سیکڑوں مہمان اس فورم کو دیکھنے آتے ہیں اگر تحریریں خوبصورت اورغلطیوں سے پاک ہوں گی تو دیکھنے والا ایک اچھا تاثر لے گا۔ انگریزی زبان کا روز مرہ ہے
First impression is the last impression امید ہے آپ سمجھ گئے ہوں گے۔ کوئی بھی چیز ہو اُس کا چہرہ یا سامنے والا حصہ خوبصورت اور جاذبِ نظر ہو گا تو دیکھنے والے پر ایک انمٹ نقش چھوڑے گا۔ اور وہ مہمان اگر رجسٹر نہیں ہو گا تو کم از کم ایک اچھا تاثر لے کر جائے گا۔

2۔ ہم اکثرایسا کرتے ہیں کہ جلدی جلدی تحریر لکھ دیتے ہیں اور اُسے پوسٹ کر دیتے ہیں۔ میرا خیال ہے کہ تحریر لکھنے کے بعدایکبار اُس پر نظر ڈال لی جائے اور جو غلطیاں نظر آئیں اُن کی درستگی کر لی جائے تو یہ ہمارے لئے بھی بہتر ہو گا اور فورم کےلئے بھی۔

3۔ جن صاحبان کو اُردو لکھنے کا تجربہ نہیں وہ رومن اُردو میں ہی لکھ لیں لیکن اس بات کی تسلی ضرور کر لیں کہ جو کچھ اُنھوں نے لکھا ہے وہ قاری آسانی سے پڑھ اور سمجھ جائے گا ۔

4۔ فقرات کو تسلسل کے ساتھ لکھا جائے اور جہاں اوقاف ضروری ہوں، ڈالے جائیں۔ میں یہاں ایک چھوٹی سی مثال دنیے کی گستاخی کرنا چاہوں گا۔ اِ س فقرے کو دیکھیں۔ ۔ ۔ اُٹھو مت، جانے دو۔ اس فقرے کا مفہوم ذہن میں رکھیں اور ایک بار مزید دیکھیں ۔ اُٹھو، مت جانے دو۔ ان دونوں فقروں میں بظاہر کوئی فرق نہیں لیکن صرف ایک وقف(punctation) سے اس کا مفہوم یکسر اُلٹ گیا ہے۔

گستاخی کی معافی چاہوں گا۔

اپنا بہت سا خیال رکھیے گا۔ ۔ ۔ ۔
والسلام!
اللہ نگہبان

__________________
Watch your thoughts; they become words. Watch your words; they become actions. Watch your actions; they become habits. Watch your habits; they become character. Watch your character; it becomes your destiny.