سلام،
میرا یہ دھاگہ (دھاگہ سے مراد تھریڈ ہے) کھولنے کا مقصد یہ ہے کہ میں کچھ وضاحت کرسکوں اپنے "دھاگوں والے نظریہ کی"۔کہ میں کیوں کسی دھاگے کومہینوں کھلا رکھنا نہیں چاہتا اور جو دھاگے بند ہونے کے قابل ہوں انھیں بند کیا جائے۔اس دھاگے کا مقصد ہی یہی ہے کہ کسی قسم کی غلط فہمی جنم نہ لےاور جس مقصد کے لیے مذکورہ فورم کھولا گیا ہے اس سے تمام لوگ بھرپور انداز سے فائدہ لیں۔

تمام پڑھنے والوں سے گذارش ہے کہ اپنے کمنٹس ڈالیں اور جن خواتین و حضرات کودھاگوں کے بند کرنے پر تحفوظات ہوں وہ پیش کریں تاکہ معلوم ہو اور ان کا تسلی بخش جواب دیا جاسکے۔

(یہ میرازاتی خیال ہے اور کسی کا اس سے متفق ہونا ضروری نہیں)
جب ہم کسی بھی قسم کی کوئی بات کرتے ہیں تو اسکے پیچھے ایک مقصد کارفرما ہوتا ہے یعنی کوئی خاص مقصدجوکچھ بھی ہو سکتا ہے۔ انسان کی کچھ ضروریات ہیں اوران ضروریات میں کھانے پینے کے علاوہ ایک ضرورت اپنے خیالات کو کسی دوسرے تک پہنچانا اور کسی اور کے خیالات کو جاننا بھی ہےجس کو ہم عرف عام میں تجسس کی نگاہ کہتے ہیں۔ترقی یافتہ ممالک میں طالب علم اپنی درسگاہ میں مختلف قسم کے علوم پر بحث کرتے نظر آتے ہیں اور اس بارے میں مختلف قسم کی نشتیں سجائی جاتی ہیں جن کو سیمینار کا نام دیاجاتا ہے۔ان سیمنارز میں کسی ایک موضوع پر انتہائی تفصیل سے گفتگو ہوتی ہے جسے ایک کتابی (یا نوٹس) کی شکل میں محفوظ کر لیا جاتا ہے اور بہ وقت ضرورت دوسرے غیر حاظر شدہ طلاب اس سے استفادہ کرتے ہیں جس کی ایک مثال آرٹیکل ہیں۔ایک طالب علم جب تک ماسٹرز یا پی-ایچ-ڈی- تک پہنچتا ہے وہ اس قابل ہوجاتا کہ ایک کتاب لکھ سکے۔درسگاہ کے طالب علم اپنے دور میں اپنی درسگاہ کو چھوڑتے چھوڑتے اپنی تحقیق ایک کتابی صورت میں محفوظ کردیتاہےجس سے اسکے بعد آنے والے طالب علم فائدہ اٹھاتےہیں اور جو تحقیق جہاں رکی ہوئی ہوتی ہےوہیں سے اسکا آغاز کرتے ہیں۔ اس ایک تحقیق کے نتیجے میں اس ایک موضوع پر مختلف قسم کی سینکڑوں کتابیں لکھی جاتیں ہیں اور انھیں اپنی آنے والی نسل کے لیے محفوظ کرلیا جاتاہے۔یہ سب چیزیں تب ہوتی ہیں جب آپس میں کسی قسم کی خلیج نہ ہواور ایک دوسرے کو سمجھا جاتا ہو۔مشاہدوں کو فوقیت دی جاتی ہو چھوٹوں کے مشورے مانے جاتے ہوں اور سب سے بڑھ کر بڑوں میں بیٹھا جاتا ہو۔
بدقسمتی سے ہمارے یہاں ایسا نہیں ہوتا۔ ہمارے ملک میں خواندگی کی شرح بہت کم ہےاسکامطلب ہرگز یہ نہیں کہ ایک عام غیر پڑھالکھا پاکستانی انسان اچھائی اور برائی کو نہیں سمجھتا۔خواندگی سے فقط مراد یہ ہے کہ آپکو کو آج کے زمانے کے حساب سے لکھنا اور پڑھنا آنا چاہئے نئی اور جدید ٹیکانالوجی سے فائدہ اٹھانا چاہیے جیسے کہ کمپیوٹر، ایمٹی طاقت۔زیادہ تر خواندہ افراد شہروں میں ہیں اوردیہاتوں میں خواندگی کی شرح بلند ہو رہی ہے مگر بہت آہستگی سے۔۔پھر آپس میں تبادلہ خیال شازر و نادر ہی ہوتا ہے۔ شہر میں اچھے خاصےلوگوں کا طبقہ(خواہ کسی بھی قسم کا ہو، مراد اونچا، درمیانا،اور نچلہ(بہت کم آمدن والے)) اپنے بچوں کو تعلیم دلوانے اسکول اور کالج بھیجتا ہے اور وہ وہاں بجائے پڑھنے کے اور قلم سے کتاب لکھنے کے دوسری غیر ضروری سرگرمیوں میں گم ہو جاتا ہے۔آخر وہ ایک انسان ہے جذبات رکھتا ہے احساسات رکھتا ہے اسکی بہت اچھی مثال یہ ہے آئن سٹائن کہتا ہے کہ "آپ ایک چولھے پر ایک کیتھلی میں پانی رکھیں اور اسے گرم کریں،جب اس میں سے بھاپ بلند ہو اور اس بات کا اشارہ دے کہ اب پانی گرم ہو چکا ہے تو اسکے ڈھکنے پر ہاتھ رکھیں اور دس سیکنڈز تک کا انتظار کریں آپکو لگے گا کہ سکینڈ نہیں بلکہ صدیاں بیت رہی ہیں کیوں کہ ہاتھ تپش سے آہستہ آہستہ جل رہا ہوگا اور وقت ہے کہ گزرے ہی نہیں جارہا، مگر یہی چیز جب آپ ایک پارک میں کسی انتہائی اچھے دوست کے ساتھ وقت گزارتے ہیں تو گھنٹوں گزرجاتے ہیں اور لگتا ہے کہ ہم تو ابھی بیٹھے ہیں اور وقت ہے کہ گزرے جارہا ہے(مثال میں زرا سی تبدیلی کردی گی ہے)" اسکی وجہ یہ ہے کہ پہلی مثال میں لگاؤ یا شوق بالکل نہیں تھا اور دوسری مثال میں لگاؤ اور شوق عروج پر تھا۔یعنی معلوم ہوا کہ شوق اور لگاؤ میں انسان بہت کچھ کرسکتا ہے مگر اسی انسان کو اگر ایسا کام کرنے کو بول دیا جائے جس میں اسکی مرضی نہ ہوتو وہ کچھ نہیں کرے گا اور اگر کچھ کرے گا بھی تو فقط ٹائم گزرنے کا انتظار، کہ کب یہ وقت کٹے اور اس جہنجٹ سے جان چڑاؤں۔
ہمارے اس مملکت خداداد میں بہت سارے لوگ ایسے ہیں جو پڑھنا چاہتے ہیں مگر نہیں پڑھ سکتے،بہت سارے پڑھانا چاہتے ہیں مگر نہیں پڑھا سکتے(وجوہات کچھ بھی ہوں)۔اپنا خیال دوسروں کے ساتھ بانٹنا چاہتے ہیں مگر کوئی ہم خیال نہیں ملتا،جسے سناتے ہیں وہ ہنستا ہے۔کسی دوسرے کا خیال جاننا چاہتے ہیں مگر دوسرے بات کرنے کا موقع نہیں دیتے ۔بڑوں کے درمیان بیٹھنا چاہتے ہیں مگر یہ کہہ کر وہاں سے اٹھا دیے جاتے ہیں کہ ابھی وہ چھوٹے ہیں (حالنکہ اگر اس وقت سے ہی تربیت شروع ہو جائے تو ایک انتہا ئی کارآمد معاشرہ کا فرد بن سکتا ہے)۔کوئی مشورہ قبول نہیں کیا جاتا وجہ چھوٹا ہونا، اور یہی ان کا احساس کمتری بن جاتا ہے پھر نہ وہ زبان ہو تی ہے اور نہ ہی وہ دماغ بس اگر کوئی ہو تا ہے تو وہ ہے "باغی"۔
کوئی بھی دھاگہ(دھاگہ سے مراد تھریڈ ہے) فضول نہیں ہوتا چاہے اس میں مراسلے(مراسلے سے مراد پوسٹ ہے) ہوں یا نہ ہوں چاہے لکھنے والے نے ایک لائن ہی کیوں نہ لکھ دی ہو۔یہ دھاگہ اسکا ترجمان ہے اسکے خیالات کا اظہار ہےاسکی محنت ہےاسکی سوچ ہے اسکی نظر ہے کہ وہ کیا دیکھتا ہے ۔وہ جاننا چاہتا ہے کہ لوگ کیا کہتے ہیں۔ ہر دھاگے کا ایک خاص مقصد ہوتا ہے ایک مشن ہوتا ہے ، کسی کا خیال دیکھنا ہے، کسی کو سمجھانا ہے، کسی کو سمجھنا ہے، کسی کو پڑھنا ہے ، کسی کو پڑھانا ہے۔

جس طرح ہرچیز کی ایک عمر ہو تی ہے اسی طرح دھاگوں کی بھی ایک عمر ہوتی ہے،جب مشن مکمل ہو جائے تو نیا مشن شروع ہو جاتا ہے مگر نئے مشن کو شروع کرنے سے پہلے پچھلے مشن کو مکمل کرنا لازمی ہوتا ہے وگرنا جس طرح پچھلا مشن ادھورا تھا اسی طر ح اگلا بھی ہوگا اوراس سے اگلا بھی۔۔۔فورم کا مقصد ہی یہی ہوتا ہے کہ لوگ آئیں اپنے سوالات لکھیں اور پہلے سے لکھے گئے سوالات کے جوابات اگر دے سکتے ہیں تودیں(بہت سوں کو معلوم ہوتے ہیں مگر شرماتے ہیں کہ لوگ کیا سوچیں گے؟ کہیں مذاق نہ اڑائیں)،اگر سوال پہلے ہی موجود ہے اور ساتھ ہی جواب بھی موجود ہے تو اس سے استفادہ کریں اور اگر کوئی چیز سمجھ میں نہ آئے تو اپنا ایک سوال (مقصد) لکھیں ایک نئے دھاگے میں تاکہ اسے احساس ہو کہ ہم اسکا احساس سمجھتے ہیں اسے اہمیت دیتے ہیں (جو جواب کی صورت میں ہوگا) اسکا خیال رکھتے ہیں(جو میٹھے لہجے میں ہوگا)۔اسکی نظر کی قدر کرتے ہیں (جو تسلیم کرنے میں ہوگا)۔ اسکا مشورہ مانتے ہیں (جوشکریہ کہہ کر ہوگا)۔ یہاں اسے کوئی بڑوں کی محفل سے چھوٹا کہہ کر نہیں اٹھائےگا اور نہ ہی اسکا مفید مشورہ چھوٹا کہہ کر جھٹلائے گا۔کیوں کہ ہم نے یہ فورم کھولا ہی اسی لیے ہے۔
تمام اہل وطن پاکستانیوں کو خوش آمدید:D

پاکستان زندہ باد، پاکستان پائندہ باد
وسلام