عبدالرحمن سید

بچپن سے ھی اکثر اپنے پیارے وطن کے تقریبآ تمام شہروں کی سیر ھی کرتا رھا، کیوںکہ کچھ والد صاحب کی سروس ھی ایسی تھی کہ اکثر ان کا تبادلہ ھو جاتا تھا- اسی طرح میرا سیاحت کا شوق بھی پروان چڑھتا رھا -

خیر قصّہ مقتصر کہ راولپنڈی کی پیدائش اگست 1950، بنیادی تعلیم بھی کنٹونمنٹ پبلک اسکول صدر راولپنڈی میں مکمل کی، رھائش بھی ریس کورس گراؤنڈ کے سامنے تھی، جو اب قاسم مارکیٹ کا علاقہ ھے سیکنڈری اسکول اور گریجویشن کی تعلیم کراچی میں 1971 مکمل ھوئ -

سروس کا آغاز کراچی سے ھی ایک مشھور تعمیراتی کمپنی میں دوران گریجویشن 1969 سے کیا اور 1972 میں خوش قسمتی سے میرا تبادلہ راولپنڈی ھوگیا وھاں سے 1975 میں دوبارہ کراچی اور وھاں سے 1978 میں سعودی عربیہ پھر واپس تبادلہ راولپنڈی 1983 میں ھوا 18 سال بعد اس کمپنی کو 1985 میں کچھ وجہوھات کی بناء خیرباد کہنا پڑا -

بعد میں تقریبآ 3 سال ایک رینٹ اے کار کراچی میں ملازمت کی پھر 1989 میں سعودی عربیہ میں ایک بڑے اسپتال میں ملازمت شروع کی اور اب تک جاری ھے الحمداللہ---- درمیان میں 1998-99 ایک سال ترکمنستان کے دارالحکومت شھر اشکاباد میں بھی گزارہ -

اسی دوران شادی 1979 میں ھوئ اور ماشااللہ 5 بچے بڑے ھیں جن میں سے 2 کی شادی بھی ھو گئ،

اب ایسا لگتا ھے کہ یہ کل کی بات ھو، اب عمر 57 سال سے زیادہ ھو گئ ھے لیکن سوچتا ھوں کہ زندگی ایسی گزری کہ پتہ ھی نہیں چلا کہ کیا کھویا اور کیا پایا ؟؟؟؟؟؟؟؟؟؟؟؟؟؟؟؟؟؟؟؟؟

میں یہی سب سے کہتا ھوں کہ محنت میں ھی عظمت ھے، جو بھی میرے استادوں نے مجھے سکھایا یا جو میں نے اپنی زندگی کے تجربات سے سیکھا، وہ میں نے ایمانداری اور خلوص سے دوسروں تک پہنچایا، جو کہ میں اپنا ایک فرض سمجھتا ھوں اور اب تک آپ سب کی دعاؤن سے یہ مشن جاری ھے - اور زیادہ تر میرے شاگرد پاکستاتیوں کی ھی تھی، جس پر مجھے فخر ھے - اور آج بھی ایک اچھی خاصی تعداد میرے ساتھ ھے -آللٌہ تعالیٰ انہیں یکجہتی اور محنت سے کم کرنے کی توفیق عطا فرمائے اور جو مجھے اور اپنے ساتھیوں کو چھوڑ گئے ھیں اللٌہ تعالیٰ، انہیں بھی ھر مقام پر کامیابی عطا کرے، آمین

اور اللٌہ تعالیٰ ھم سب کو محنت سے کام کرنے اور اپنے بزرگوں کی نصیحتوں پر عمل کرنے کی توفیق عطا فرمائے، آمین

میں خود اب حیران ھوتا ھوں کہ زندگی اتنی تیزی سے گزر گئی پتہ ھی نہیں چلا، لگتا ھے کہ جیسے پل بھر کی بات ھو، آج جس شھر ریاض سعودی عربیہ میں بیٹھا ھوں اسی شھر میں 1978 میں کراچی پاکستاں سے تبادلہ ھوا تھا اور آج 2008 گزر رھا ھے -

یہی سب سے میں گزارش کرتا ھوں کہ ھماری یہ زندگی، جو اللٌہ تعالیٰ نے عطا کی یہ بہت مختصر ھے ایک بلبلہ کی طرح ھے اور جب وقت گزرجائے گا، واپس ھاتھ نہیں آئے گا -

اور یہ ھم سب جانتے ھیں کہ ھماری زندگی کا مقصد کیا ھے اور اس کو صحیح طریقہ سے کس طرح گزارنا چاھئے - اسلامی اصول ھماری زندگی کے لئے سب سے بہترین لائحہ عمل ھیں اور ھماری کتاب قران ایک مکمل ضابظہ حیات ھے اور سنت رسول ھم سب کے لئے ایک مشعل راہ ھے -

اللٌہ سبحان تعالیٰ ھم سب کو اپنی زندگی صحیح اسلامی طریقہ پر اللٌہ تعالیٰ کے احکامات اور سنت رسول کی روشنی میں گزارنے کی تو فیق عطا فرمائے، آمین !!!

__________________
اپنے حصے کی خوشیاں دوسروں میں بانٹنے سے دیکھیں کتنا سکون ملتا ہے،!!!!

خرم شہزاد خرم

عبدالرحمن سید صاحب السلام علیکم آپ کے بارے میں سب کچھ جان کر بہت خوشی ہوئی آپ کو ہم اپنے پیارے گھر میں خوش آمدید کہتے ہیں اللہ تعالیٰ ہم سب کو محنت اور لگن سے کام کرنے کی بلکے پاکستان کے لیے کام کرنے کی توفیق عطا فرماے مجھے امید ہے آپ جیسے استاد سے ہم کو بہت کچھ سیکھنے کو ملے گا شکریہ

__________________

محمدعدنان

السلام و علیکم جناب محترم عبدالرحمن سید صاحب میں‌آپ کو اپنی اس ادنی سی محفل میں‌دل کی اتھا گہرائیوں‌سے خوش آمدید کہتا ہوں اور امید کرتا ہوں کہ آپ کا اور ہمارا ساتھ ہمیشہ بنارہے گا انشااللہ

__________________

عبدالقدوس

قابل صد احترام محترم جناب عبدالرحمٰن سید
السلام علیکم و الرحمتہ اللہ و برکاتہ

خدا بزرگ برتر کا شکر جتنا بھی ادا کیا جائے کم ہی ہے۔ میں نے آج تک سوچا بھی نہیں تھا کہ کوئی ہماری محفل میں آپ کی عمر کے بزرگ کبھی تشریف لائیں گے۔ خدا گواہ ہے کہ جیسے جیسے آپ کے بارے میں پڑھتا رہا میرے روح رواں میں ایک عجیب سی لہر دوڑ پڑی۔ میں اس کو جوش کی لہر کہوں گا۔ کیوں کہ آپ کی موجودگی واقعی ہمارے لیے قابل فخر ہے۔

میں اللہ سے دعاء کروں گا کہ اللہ تعالٰی ہم کو اس نیک مقصد میں کامیابی و کامرانی عطا فرمائیں ہمارے والدین کا سایہ ہمارے سروں پر قائم و دائم فرمائے۔
اللہ تعالٰی آپ کو لمبی عمر عطا فرمائیں اور ہمیں آپ کے زیر سایہ کام کرنے کی توفیق عطا فرمائیں (آمین)

__________________

عبدالقدوس

قبلہ معذرت چاہتا ہوں آپ کو خوش آمدید کہنا تو میں بھول ہی گیا۔

میاں شاہد

السلام و علیکم
خوش آمدید، امید ہے کہ آپ اس فورم کا ایک بہترین اضافہ ثابت ہوں گے

خوش رہیں فورم جوائن کرنے کا شکریہ

__________________

عبدالرحمن سید

اس ھمت افزائی کیلئے میں آپ سب کا بہت بہت شکریہ ادا کرتا ھوں،!!!!!

منتظمین

جناب اپ جیسے محترم افراد کی موجودگی ہمارے لیے باعث افتحار ہے۔ اپ ہمیں زندگی کے تجربات سے آگاہ کرتے رہا کریں۔

والسلام

__________________
تم سپاہی نہیں ہو پیشہ ور قاتلو!

عبدالرحمن سید

بہت شکریہ،!!!!!
انشااللٌہ ضرور،!!!!!!

پرنس آف ڈھمپ

خوش آمدید جناب امید ہے یہاں آ کر آپ خوب خوش ہوں گے۔

عبدالرحمن سید

بہت شکریہ،!!!!
واقعی یہ آپکی اردو کی محفل بہت ھی خوبصورت ھے،!!!!

میاں شاہد

یہ آپ کی پُرانی عادت ہے آپ کبھی کبھار پینٹ‌کے ساتھ شرٹ پہننا بھی ۔ ۔ ۔ ۔ ۔ ۔

اور کبھی تو ۔ ۔ ۔ ۔ ۔ ۔ ۔ ۔

عبدالرحمن سید

آپ سب کا بہت بہت شکریہ، اب تو آپ سب اردو ادب کے فورم میں میری ڈائری کی لڑی میں میری اپنی کہانی میری ہی زبانی سے لطف اندوز ہورہے ہونگے، کیسی لگ رہی ہے، ضرور بتائیں اور ساتھ اپنے قیمتی مشوروں سے بھی نوازیں،!!!!
خوش رہیں،!!!

منتظمین

بہت دیانتداری سے اپنی ذات کو پیش کر رہے ہیں اور صفائی سے دوسروں کی ذات کو چھپا رہے ہیں۔۔۔

gazali

جناب سید صاحب آپ آئے بہار آئی آپ کی نسسبت عالی ہے آپ کا احترام ہم پر فرض ہے۔ ایمان کی سلامتی کے حوالے سے اس گنہگارکے حق میں دعا فرمائیں۔
جناب عالی کسی کمر خمیدہ بزرگ کو کچھ منچلے چلبلے نوجوانوں نے چھیڑا تو انھون نے بر جستہ جواب دیا

شباب ہاتھ سے چھوٹا پتا نہ چلا
اسی کو ڈھونڈ رہا ہوں کمر جھکائے ہوئے