محمد یاسرعلی

اصل نام؟
یاسرمحمود لیکن مجھے محمد یاسرعلی اچھا لگتا ہے

تاریخ پیدائش؟
14جون 1983

جائے پیدائش؟
مغل آباد ، ٹینچ بھاٹہ ،راولپنڈی

تعلیم؟
بی ۔اے ( آگے پڑھنے کا شوق ہے )

فیملی ؟
فیملی میں فی الحال 3 فرد ہیں میں ہوں ،والدہ ہیں اور مجھ سے چھوٹا بھائی ہے

پسندیدہ رنگ،پھول،خوشبو؟
ہلکا آسمانی رنگ ، گلاب اور موتیے کا پھول، رات کی رانی کی خوشبو

پسندیدہ موسم ؟
بہا ر اور خزاں

پسندیدہ رشتہ؟
محبت کا ہر رشتہ, ہر وہ رشتہ جس میں خلوص ہو خاص طور پہ بہن کا رشتہ ،اس کے بعد ماں ، بیوی اور بیٹی کا رشتہ

پسندیدہ نظم؟
اگر اپنی کہاوں تو "میں ہی تو ہوں" دوسرے شاعروں کی بہت سی نظمیں اور غزلیں پسند ہیں جیسے وصی کی " میں بھی کتنا پاگل ہوں " اور "Passionate"
مجھے نفرت ہے؟
مجھے مطلبی اور خود غرض لوگوں سے نفرت ہے۔ مجھے نفرت ہے دوغلے پن سے کہ اندر سے انسان کچھ ہو اور باہر سے کچھ اور مجھے نفرت ہے ایسے انسانوں سے جو دنیا کا امن خراب کر رہے ہیں ۔اور مجھے نفرت ہے ایسے انسانوں سے جو بلا ضرورت اور بغیر سیاق و اسباق کے بحث برائے بحث کرتے ہیں۔

شادی کب کرنے کا ارادہ ہے؟
میر ا بس چلے تو میں آج ہی کر لوں کیونکہ میرے خیال میں انسان کی شادی ایسی عمر میں ہو جانی چاہیے کہ اس کے ہاتھ پاوں ابھی سلامت ہی ہوں اور اولاد جوان ہو جائے اس لیے میں نے سوچ رکھا ہے کہ اگر 30 سال کی عمر سے پہلے شادی نہ ہو سکی تو پھر کروں گا بھی نہیں ۔

جیون ساتھی کا تصور؟
ایسا جیون ساتھی جو میری نفسیات کو سمجھے جو مجھے سہارا دے جسے مجھ سے محبت ہو اور مجھے اس سے ۔ جو میر ے لیے بے چین ہو جو میرے ساتھ غم اور خوشیاں شیئر کر سکے ۔جو مجھے میری خامیوں کے ساتھ قبول کرے ،جو میری زندگی سے تنہائی اور احساسِ کمتری کو ختم کرے ،جو مجھے جینے کا قرینہ سکھا سکے اور وہ بیوی سے زیادہ میری دوست ہو۔ مجھے خوب صورت لڑکی نہیں بلکہ زندگی گزارنے کے لیے خوب سیرت ساتھی چاہیے۔

کیا کبھی محبت کی اور اگر کی تو کیا کامیابی حاصل ہوئی؟
خود اپنی ذات سے بڑھ کر کسی سے پیار کیا تھا اگر لوگوں کے نزدیک پانا کامیابی ہے تو نہیں ہوئی مگر میرے نزدیک تو
محبت بے غرضی کا سودا ہے نفع نقصان کیا سوچیں
میں تو اس کا ہو ں یاسر وہ میرا نہیں تو کیا ہوا

محبت کے بارے میں رائے؟
محبت کسی رائے کی محتاج تو نہیں یہ تو ایسا جذبہ ہے کہ سارے مفکر اور شاعر مل کر بھی محبت کے بارے میں کوئی آخری رائے قائم نہیں کر سکتے محبت تو وہ پھول ہے جو کیچڑ میں کنول بن کے کھلتا ہے یہ وہ جذبہ ہے کہ اس میں دوسروں کی برائیاں بھی اچھائیاں لگنے لگتی ہیں

یاد گار لمحات؟
ہر وہ لمحہ یاد گار ہے جب جب اپنے محبوب کا دیدار کیا ۔

خوبی؟
مجھ میں لالچ اور حسد نہیں ہے۔ کسی کی کوئی چیز دیکھ کے کبھی دل میں یہ خیال نہیں آیا کہ کاش یہ چیز میرے پاس بھی ہوتی۔

خامی؟
احساسِ کمتری اور خود اعتمادی کی کمی ہے ۔ ہر انسان پہ بہت جلد اعتبار کر لیتا ہوں۔کسی کی دل میں کتنی بھی عزت کر وں اس کا اظہار نہیں کر سکتا۔

کمی محسوس ہوتی ہے؟
دنیا میں محبت کی اور اپنے اندر خود اعتمادی کی

بچپن کے دن کیسے تھے؟
یاد نہیں ۔کہتے ہیں کہ تلخ یادوں کو بھلادینا ہی اچھا ہوتا ہے۔

شدت سے یاد کرتے ہیں؟
سواے اس کے کسے یاد کروں گا جو مجھے جان کہتی تھی اور جیسے میں جان کہتا تھا۔

تنہائی پسند ہیں یا محفل میں جانا اچھا لگتا ہے؟
محفل میں نہیں جاتا کہ لوگ پوچھیں گے
ہونٹوں پہ تبسم دل ہے تیرا لہو لہو کیوں

دوست جو بہت قریب ہوں؟
کوئی دوست نہیں میرا اس خو د غرض دنیا میں ابھی
بچپن سے جوانی تک اپنے ہر سو دیکھی صرف تنہائی


مستقبل کے ارادے؟
اگر کوئی مناسب سی جاب مل گئی تو پھر آگے پڑھنا چاہوں گا ۔

اپنے لیے ایک جملہ ؟
یاسر ایک کھلی کتاب ہے جس کے الفاظ دھند لاچکے ہیں اگر میں اپنے لیے ایک جملہ لکھنا چاہوں تو وہ یہی ہو گا " یاسر اپنوں کی پر خلوص محبت کا پیاسا ایک ایسا انسان ہے جو شاید نیم پاگل ہو چکا ہے۔

اپنے بارے میں رائے؟
میں حد سے زیادہ احساس ہوںکسی ٹرجیک واقعہ سے متعلق نیوز رپوٹ سنتے اور دیکھتے ہوئے بلکہ ڈرامہ اور فلم کے سین دیکھتے ہوئے بھی آنکھیں بھیگ جاتی ہیں ۔کسی کے مرنے پہ مجھے مرنے والے پہ رونا نہیں آتا بلکہ ان کے لواحقین کے دکھ کی وجہ سے رونا آتا ہے۔ لوگوں کا ایک ایک لفظ میرے دل پہ اثر کرتا ہے ضرورت سے زیادہ کم گو اور احساس کمتری کا شکار ہوں، دوسروں تک اپنی با ت نہیں پہنچاسکتا۔یہاں تک کہ اپنا جائز حق بھی نہیں مانگ سکتا۔

پاک ڈاٹ نیٹ فورم پر آمد کیسے ہوئی؟
تین سال ہوگےاب یاد نہیں۔

فورم کو کیسا پایا؟
اپنی تنہائی کا بہترین ساتھی ۔

فورم پر پسندیدہ شخصیت اور ناپسندیدہ شخصیت؟
سب ہی بہت اچھے ہیں کس کس کا ذکر کروں ہاں فورم کی ناپسندیدہ شخصیت ایک ہی تو ہے جو سب کی ناپسندیدہ شخصیت ہے۔

آپ کی کوئی ویب سائیٹ یا بلاگ ؟
محمد یاسرعلی کی بیاض

J.S

Welcome
۔

عبدالقدوس

یاسر بھائی اس نفسا نفسی کے عالم میں جینا بہت مشکل ہے میں آپکے لیے فقط دعا کروں گا کہ اللہ تعالٰی آپ پر مزید رحمت برسائے اور دنیا و آخرت کے ہر امتحان میں کامیابی عطا فرمائیں آمین

__________________

تفسیر حیدر

خوش آمدید جناب
اللہ تعالٰی آپ پر رحمت برسائے اور دنیا و آخرت کے ہر امتحان میں کامیابی عطا فرمائیں آمین

محمد یاسرعلی

آپ تمام بھائیوں کا شکریہ
خدا آپ سب کو خوش رکھے

محمدعدنان

یاسر بھائی خوش آمدید اور امید کرتا ہوں کہ یہاں آپ کو کسی قسم کی کمی محسوس نہیں‌ہوگی

محمد کاشف حبیب

یاسر بھائی اسلام علیکم http://pak.net پر خوش آمدید
میرے دوست کی بھی کپڑے کی دوکان ہے۔

دعا گو
محمد کاشف حبیب

محمد یاسرعلی

عدنان اور کاشف بھائی آپ دونوں کا بہت بہت شکریہ
اور کاشف بھائی آپ کے دوست کی دوکان کس شہر میں ہے

ZUBAIR

یاسر خوش آمدید نیٹ تک جوپہنچ جائے وہ احساس کمتری کا شکار نہیں‌ہو سکتا اربوں لوگ اپنی پسند کے خلاف پیشہ اختیار کر نے پر مجبور ہیں ہر پیشہ شروع میں شوق ہوتا اور بعد میں اسے نبھانا مجبوری بن جاتا ہے شوق وقتی ہوتا ہے کامیابی کی بات یہ ہے کہ آدمی اپنے پیشے سےمحبت کرے آپ تعلیم جاری رکھیں اور موجودہ پیشے کو پارٹ ٹائم جاب سمجھیں اور جو بننا چاہتے ہیںکوشش کر بن جائیں شاعرحساس ہوتا ہے آپ دوراندیش لگتے ہین‌اور ہر دور اندیش کبھی نہ کبھی مایوسی کا شکار ہوجا تا ہے یہ کوئی عیب نہیں مزید مفت مشوروں کی دکان حاضر ہے

محمد یاسرعلی

زبیر بھائی سمجھانے اور اتنا اچھا مشورہ دینے کا بہت شکریہ
امید کرتا ہوں آپ آئیندہ بھی اسی طرح رہنمای کرتے رہیں گے بہت بہت
شکریہ

محمد کاشف حبیب

بھائی میرے دوست کی دوکان میرے شہر فتح پور لیہ میں ہے۔

محمد یاسرعلی

آپ کیا کرتے ہیں کاشف بھائی

محمد کاشف حبیب

ادھر 2 کان پر کلک مار کر دیکھ لیں
2کان والا۔۔۔محمد کاشف حبیب

محمد یاسرعلی

دیکھ لیا ہے بھائی۔۔۔۔۔۔۔۔۔۔۔۔۔

محمد کاشف حبیب

شکریہ ۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔