ناصر نعمان

السلام علیکم ورحمتہ اللہ !
ہمارا نام ناصر نعمان ہے ۔۔۔۔۔ اور ہمارا تعلق کراچی سے ہے ۔۔۔۔۔۔ عمر 35 سال ۔۔۔۔۔ اور تعلیم انٹر میڈیٹ ۔۔۔۔۔ ملازمت پیشہ ہیں ۔

دیگر مصروفیات اسلامی کتب کا مطالعہ اور مختلف موضوعات پر مضامین لکھنا ہے

ایک فکر اور ایک سوچ :
جو اچھی بات ہمارے علم میں ہو وہ دوسروں تک پہنچادی جائے

اور زندگی کا ایک سبق جو ہمیشہ یاد رہتا ہے:

جب حضرت ابراھیم علیہ السلام کو آگ میں ڈالاجارہا تھا تو ایک ننھی سی چڑیا تھی جو اپنی چونچ میں پانی کا ایک قطرہ لاتی اور آگ کے پاس گرا دیتی ۔ کسی نے دیکھا تو ہنس کے کہا کہ اے ننھی سی چڑیا کیا تیرے اس پانی سے آگ بجھ جائے گی ۔ اس پر چڑیا نے کہا میں جانتی ہوں کہ میرے اس پانی سے آگ نہیں بجھے گی لیکن میں بروز قیامت تماشہ دیکھنے والوں کی صف میں کھڑے ہونے کے بجائے آگ بجھانے والوں کی صف میں کھڑا ہونا چاہتی ہوں ۔

آج ملک و قوم کے حالات کے پیش نظر اکثر و بیشتر لوگ ہمت ہارنے لگتے ہیں کہ ہمارے ایک کے کرنے سے کیا ہوگا
یہ درست ہے کہ آج کے حالات بھڑکتی آگ کے الاو کی طرح ہیں
اور ہماری کوششیں ننھی سی چڑیا کی بوندوں کی طرح ہیں
لیکن ہمیں ساتھ یہ ضرور سوچنا چاہیے کہ ہمارے ایک کے کرنے سے کچھ ہو یا نہ ہو یہ بعد کی بات ہے
لیکن اتنا ضرور ہے کہ کچھ کرنے سے ہماری صف ضرور تبدیل ہوتی ہے کہ ہم تماشہ دیکھنے والوں میں سے نہیں بلکہ کچھ کرنے والوں میں سے تھے

آخر میں ایک چھوٹا سے واقعہ کے ساتھ اجازت چاہیں گے :
ایک بادشاہ تھا وہ اپنے بستی میں ایک بڑا سا تالاب کھدواتا ہے اور پوری بستی میں اعلان کر دیتا ہے کہ آج رات کو پوری پستی والے اپنے اپنے گھروں سے ایک ایک بالٹی دودھ کی اس تالاب میں ڈالیں گے
پھر رات کو تمام بستی والے ایک ایک بالٹی اس تالاب میں ڈال دیتے ہیں
جب بادشاہ صبح صبح اس تالاب کو دیکھنے کے لئے جاتا ہے تو وہ حیران ہوجاتا ہے کہ پورے کا پورا تالاب بجائے دودھ کے پانی سے بھرا ہوتا ہے
پتہ ہے ایسا کیوں ہوتا ہے ?
کیوں کہ بستی کا ہر شخص یہ سوچتا ہے کہ ہر کوئی تو دودھ کی بالٹی تالاب میں ڈال رہا ہے تو میں اگر اکیلا پانی کی بالٹی ڈال دوں گا تو اس سے کیا فرق پڑے گا اور رات بھی ہے کسی کو پتہ بھی نہیں چلے گا
جب اسی طرح پوری کی پوری بستی نے یہی سوچ لیا تو اس تالاب میں پانی ہی بھرنا تھا دودھ کہاں سے ملتا

ہم کچھ نہ کرسکیں تو اتنا ضرور کرنے کی کوشش کریں کہ ہم اپنے حصہ کا دودھ اس تلاب میں ڈالیں ۔۔۔۔ جو پانی سے بھرا نظر آرہا ہے ۔۔۔۔۔ ہوسکتا ہے کہ ہمارے ایک ایک بالٹی ڈالنے سے اس تلاب میں دودھ کا رنگ نظر آنے لگ جائے

اللہ تعالیٰ ہم سب کو نیک عمل کی توفیق عطاء فرمائے آمین

wajee

خوش آمدید

آپ سے تو بہت کچھ سیکھنے کو ملے گا

فیصل ناصر

ناصر بھائی آپ کے بارے میں جان کر اچھا لگا اور آپ کی سوچ جان کر بہت خوشی ہوئی
اتنے اچھے تعارف پر میرے طرف سے مبارکباد قبول کریں
امید ہے یہاں آپ کا وقت اچھا گذرے گا
اور
آپ سے کافی کچھ سیکھنے کو ملے گا

__________________
(اے پروردگار) ہم تیری ہی عبادت کرتے ہیں اور تجھ ہی سے مدد مانگتے ہیں

بلال اویسی

ناصر نعمان صاحب خوش آمدید،
واقعی انداز دلکش ہے، انشاء اللہ اچھا ساتھ رہے گااور گفتگو بھی چلتی رہے گی۔ انشاء اللہ

__________________
اور ہم نے کوئی رسول نہ بھیجا مگر اس لئے کہ اللہ کے حکم سے اس کی اطاعت کی جائے اور اگر جب وہ اپنی جانوں پر ظلم کریں تو اے محبوب! تمہارے حضور حاضر ہوں اور پھر اللہ سے معافی چاہیں اور رسول ان کی شفاعت فرمائے تو ضرور اللہ کو بہت توبہ قبول کرنے والا مہربان پائیں۔النساء:64
ترجمعہ:امام احمدرضابریلوی

پاکستانی

اسلا م علیکم ناصر نعمان بھائی۔
ًین پاک۔نیٹ انتظامیہ کی طرف سے آپ کو پاک۔نیت فیملی میں خوش آمدید کہتا ہوں۔ امید ہے کہ آُ سے بہت کچھ سیکھنے کو ملے گا اور آپ علم سے ہم سب کی اصلاح فرمائیں گے، اپنا خیال رکھیے گا ۔


والسلام

__________________

ناصر نعمان

آپ تمام بھائیوں کی پرخلوص محبت اور حوصلہ افزائی کا بہت بہت شکریہ
ہم بھی آپ سب بھائیوں کی طرح ہی ایک طالب علم ہیں
اور ہم مختلف فورم پر کچھ نہ کچھ سیکھنے کی کوشش کرتے ہیں
ماشاء اللہ بہت اچھی فورم ہے ۔۔۔۔ اور بہت اچھا ماحول ہے
بالخصوص جس طرح آپ بھائیوں نے ہمیں خوش آمدید کہا
وہ بلاشبہ دیگر فورم سے مختلف ہے
ان شا ء اللہ تعالیٰ ہمیں بھی آپ سب بھائیوں سے بہت کچھ سیکھنے کا موقعہ ملے گا
آپ سب بھائیوں سے دعاوں کی درخواست رہے گی

والسلام

ناصرنعمان

منتظمین

کوشش کیجیے گا کہ تفرقہ بازی سے دور رہ سکیں

والسلام

محمدخلیل

بھائی جان ہماری قوم ہی بے ایمان ہے اس پر حضرت ابراہیم علیہ السلام والی مثال فِٹ نہیں آتی کیونکہ

آج بھی ہو اگر براہیم کا ایماں پیدا
آگ کر سکتی ہے اندازہ گلستاں پیدا

__________________
تم لوگوں کی اس دنیا میں ہر قدم پہ انساں غلط
میں صحیح سمجھ کہ جوبھی کروں تم کہتے ہو غلط
میں غلط ہوں تو پھر کون صحیح؟

ھارون اعظم

السلام علیکم،

نعمان بھائی کو میری طرف سے خوش آمدید۔ آپ کی طرف سے شئیرنگ کا انتظار رہے گا۔

عبداللہ آدم

السلام علیکم:

خوش آمدید نعمان بھائی۔۔۔۔۔۔۔۔۔۔۔۔۔۔۔۔۔
بڑا دبا کے تعارف کروایا ہے ماشاء اللہ۔
ورنہ اپنے بارے میں‌لکھنا شاید سب سے مشکل ہے۔
بہرحال۔۔۔۔۔۔۔۔۔۔۔۔۔۔۔۔۔۔۔ ۔
وہ کیا کہتے ہیں اشفاق احمد کہ: اللہ آپ کو آسایناں اور آسانیاں بانٹنے کا شرف عطا فرمائے۔امین

والسلام

ناصر نعمان

خلیل بھائی آپ نے درست فرمایا
لیکن حضرت ابراہیم علیہ السلام کی مثال سے ہماری مراد ایمان کی نشاندہی نہ تھی

بلکہ ہماری نشاندہی اس ننھی سی چڑیا کی کوشش پر تھی
جو اُس بے ایمان مجمع میں
اپنی ننھی سی چونچ میں
معمولی سی پانی کی بوند
اُس بھڑکتی ہوئی آگ پر ڈال کر
اپنا فریضہ ادا کرنے کی کوشش کررہی تھی
تاکہ بروز قیامت تماشہ دیکھنے والوں کی صف میں کھڑے ہونے کے بجائے
کچھ کرنے والوں کی صف میں کھڑا ہونا چاہتی تھی

ARHAM

وعلیکم السلام ورحمتہ اللہ۔۔!
ناصر نعمان بھائی آپ کو پاک نیٹ پر خوش آمدید ۔۔
آپ کی سوچ پڑھ کر اچھا لگا ۔۔۔ اللہ ہمیں بہترین عمل کی توفیق عطا فرمائے آمین ۔۔
انسان جب اشرف الًخلوقات اور خلیفہ ہے دنیا میں تو ۔۔۔
ہمیں چڑیا کی مثال بننے کے بجائے ۔۔۔ حضرت ابراہیم علیہ السلام کی تلقید کرنی چاہیئے ۔۔
یعنی آگ میں کود جانے والے ۔۔
اللہ فرماتا ہے ۔۔۔کہ پھر ایسے ۔۔۔ 20 لوگ 200 افراد پر بھاری ہیں ۔۔

__________________

دختراسلام ڈاکٹر عافیہ صدیقی اور ان کے اہل خانہ کی عظمتوں کو سلام۔
مدہوش حکمرانو! ہوش میں آؤ۔۔۔

فرحان دانش

ناصر نعمان صاحب خوش آمدید ۔۔۔۔۔۔۔۔۔۔

نورالدین

ڈالی گئی جو فصل خزاں میں شجر سے ٹوٹ
ممکن نہیں ہری ہو صبح اب بہار سے
ہے لازوال عہد خزاں اس کے واسطے
کچھ واسطہ نہیں ہے اسے برگ و با سے
ہے تیرے گلستان میں بھی فصل خزاں کا دور
خالی ہے جیب گل زر کا مل عیار سے
جو نغمہ زن تھے خلوت اوراق میں طیور
رخصت ہوۓ ترے شجر سایہ دار سے
شاخ بریدہ سے سبق اندوز ہو کہ تو
نا آشنا ہے قاعدہ روز گا ر سے
ملّت کے ساتھ رابطہ استوار رکھ
پیوستہ رہ شجر سے امیدِ بہار رکھ

اسلام و علیکم نعمان بھائی
اور خوش آمدید

__________________
انسان کو زندگی میں وہی کام کرنا چاہیے جس کی اسے ضرورت ہو ۔

عدنان دانی

آپکو پاک نیٹ کی فیملی میں خوش آمدید کہتے ہیں، امید ہے آپ
ایک اچھا اضافہ ثابت ہونگے۔