بسم اللہ الرحمن الرحیم
السلام علیکم
میں نے جو موضوع چنا ہے وہ بہت نازک موضوع ہے بہنوں اور بھائیوں کیا ہم واقعی اللہ اور اس کے رسول اللہ صلی اللہ علیہ وآلہ وسلم کے ناموں کی تعظیم کرتے ہیں ایک پل کے لیے ہم اگر سوچیں تو ہمارا نفس اسکا جواب دے گا ہم روز راہ چلتے ہوئے راستے میں بیشمار کاغذ کے ایسے پرزے دیکھتے ہیں ہوا میں اڑتے ہوئے گندگی اور ناپاک جگہوں میں یا اپنے قدموں کے نیچے ہم روندھ کر گذر جاتے ہیں ایسے اخباروں اور اسلامی کتابوں کے اوراق بھی ہوتے ہیں لیکن شاید ہم زندگی کی دوڑ میں آگے بڑھنے کی جستجو میں ہمارے پاس وقت نہیں ہوتا کہ ہم اخبار کے پرزوں کو یا مقدس اوراق کو اٹھا کر سمندر کے پانی کی نظر کر دیں ہماری بہنیں بھی گھر میں صفائی کرنے کے دوران جمع ہوئے تھوڑی دیر کے لیے ہر کاغذ کو دیکھ کر پھینک دیں گیں تو یقین جانیں ہماری دنیا اور آخرت کا کتنا نفع ہو گا کہ آخرت کے دن ہم اپنا یہ چھوٹا سا عمل اور اس کا صلہ دے کر حیران رہ جائیں گے اس ضمن میں حضرت بشر حافی (رح) کا واقع پڑھیں
مشہور بزرگ حضرت بشر حافی کے متعلق روایت کہ وہ جوانی کے ایّام میں آزاد خیال تھے ۔ ایک مرتبہ کا ذکر ہے کہ آپ راستے میں مدہوش چلے جا رہے کہ آپ کو کاغذ کو ایک ٹکڑا زمین پر پڑا ہو دکھائی دیا آپ نے اسے انتہائی ادب اور تعظیم کے ساتھ اٹھا لیا۔ اسے پڑھا تو اس پر (بسمہ اللہ الرحمٰن الرّحیم) لکھا ہوا تھا۔ آپ نے اس کاغذ کو عطر لگایا اور اسے ایک پاکیزہ جگہ پر رکھ دیا اسی رات جب کہ آپ سوئے ہوئے تھے ایک غیبی ندا آپ کو سنائی دی کہ ”اے بشر تونے میرے نام کو معطر کیا مجھے قسم ہے اپنی عزت و جلال کی کہ میں تیرے نام کی خوشبو دنیا اور آخرت میں پھیلائوں گا، حتٰی کہ اگر کوئی تجھے نہ بھی جانتا ہو گا مگر اسے تیرا نام سن کر دلی راحت حاصل ہو گی“ جب آپ سو کر اُٹھے تو آپ کے دل کی دنیا بدل چکی تھی۔ آپ نے اُسی وقت اپنی آزاد روش سے توبہ کی اور فقیری اور درویشی کا راستہ اختیار کرتے ہوئے اس درجہ ولایت پر پہنچے کہ ہر وقت اللہ تعالٰی سے لو لگائے رکھتے اور پھر عالم استغراق میں ڈوب کر وہ وقت بھی آیا کہ آپکا نام بشر حافی پڑ گیا۔ (حافی ننگے پائوں والے کو کہتے ہیں) کسی نے آپ سے دریافت کیا کہ آپ نے جوتی پہننا کیوں چھوڑ دی اور ہر وقت ننگے پائوں کیوں رہنے لگے ہو؟
تو آپ نے ارشاد فرمایا، زمین تو میرے محبوب کا بنایا ہو فرش یے اور میں اس بات کو روا نہیں سمجھتا کہ محبوب کے بچھائے ہوئے فرش سے اپنے پائوں کو دور رکھوں اور اپنے پیر اور اس کے فرش کے درمیان کوئی واسطہ رکھوں۔
اللہ تعالٰی ہمیں عمل کی توفیق دے آمین۔