بسم اللہ الر حمٰن الرحیم

اسلام علیکم

تیسری قسم : توحید الوہیت یا عبادت

اور یہی لاالہ الا اللہ کا معنٰی بھی ہے کیونکہ اس اس کا معنٰی یہ ہے کہ اللہ کے سوا کوئی برحق معبود نہیں ، چناچہ یہ کلمہ غیر اللہ سے تمام انواع کی عبادت کی نفی کرتا ہے اور اسے تنہا اللہ سبحانہ وتعالٰی کے لئے ثابت کرتا ہے .

یہی کلمہ ہی اصل دین اور اس کا مکمل اساس ہے . یہی وہ کلمہ ہے جس کی طرف بنی ‌صلی اللہ علیہ وسلم نے اپنی قوم کو بلایا اور اسی کی طرف آپ صلی اللہ علیہ وسلم نے اپنے چچا ابو طالب کو بھی دعوت دی مگر وہ اسلام نہ لائے اور اپنی قوم کے دین پر ہی فوت ہوئے .

اللہ تعالٰی نے اس کے معنٰی کی وضاحت اپنی کتاب میں بہت سارے مقام پر فرمائی ہے ، انہی میں سے اللہ کا یہ فرمان ہے :

تم سب کا معبود ایک ہی معبود ہے ،اس کے سوا کوئی معبود برحق نہیں ، وہ بہت رحم کرنے والا مہربان ہے .
(سورۃ البقرۃ :163)


اور اللہ وجل وعلا کا فرمان ہے :

اور تیرا پروردگار صاف صاف حکم دے چکا ہے کہ تم اس کے سوا کسی اور کی عبادت نہ کرنا .
(سورۃ الاسراء : 23)


اور اللہ کا فرمان :

ہم صرف تیری ہی عبادت کرتے ہیں اور صرف تجھ ہی سے مدد چاہتیے ہیں .
( سورۃ الفاتحہ :5)


اور اللہ کا فرمان :

انہیں اس کے سوا کوئی حکم نہیں دیا گیا کہ صرف اللہ کی عبادت کریں اسی کے لئے دین کو خالص رکھیں ابراہیم حنیف کے دین پر .
( سورۃ البینۃ :5)


اس کے علاوہ اور بھی آیات ہیں .
یہ سبھی آیات اس کلمہ کی تفسیر کرتی ہیں اور اس بات کی وضاحت کرتی ہیں کہ اس کا معنٰی : غیر اللہ لے لئے عبادت کا ابطال ، اور صرف اللہ سبحانہ وتعالٰی کے لئے حقیقی عبادت اثبات کرنا ہے ،


جیسا کہ اللہ سبحانہ وتعالٰی نے (سورۃ حج :62) میں فرمایا :

اور یہ سب اس لئے کہ اللہ ہی حق ہے اور اس کے سوا جسے بھی پکارتے ہیں وہ باطل ہے اور بے شک اللہ ہی بلندی والا ،کبریائی والا ہے .


( سورۃ لقمان : 30) میں فرمایا :

یہ سب اس وجہ سے ہیں کہ اللہ تعالٰی حق ہے اور اس کے سوا جن جن کو لوگ پکارتے ہیں وہ سب باطل ہیں اور یقیناً اللہ تعالٰی بہت بلندیوں والا اور بڑی شان والا ہے


چنانچہ اللہ سبحانی و تعالٰی ہی سچا ہے ، اور اسی کے لئے سچی دعوت ہے ، اور اسی کے ماسوا کو چھوڑ کر صرف اسی کی عبادت سچ ہے

لہذا
صرف اسی سے فریاد کی جائے گی ،
اسی کے لئے نذر مانی جائے گی ،
اور اسی پر بھروسہ کیا جائے گا ،
اور صرف اسی سے شفاعت طلب کی جائے گی .
اور صرف اسی کے پرانے گھر (کعبہ) کا طواف کیا جائے گا
اور اس کے علاوہ عبادت کے دیگر انواع اسی کے لئے انجام دیئے جایئں گے .
وہ ہی اللہ برحق ہے اور اس کا دین برحق ہے

لہذا جس نے ان 3 اقسام میں سے ایک قسم کو بھی ضائع وبرباد کردیا تو اس نے سبھی قسموں کو ضایع کر دیا کیونکہ یہ تینوں ایک دوسرے کے لئے لازم وملزوم ہیں ،ان تینوں کے ساتھ پائے جائے بغیر اسلام کا وجود ممکن نہیں ،اور جس نے اللہ کے اسماء وصفات کا انکار کیا تو اس کا دین نہیں اور جس نے یہ گمان کیا کے اللہ کے ساتھ کوئی دوسرا کائنات کے اندر تصرف کرنے والا اور امور کی تدبیر کرنے والا ہے ، تو اہل علم کے اجماع کے مطابق وہ شخص کافر ہے اور ربوبنت میں شرک کرنے والا ہے .

اگر کسی دوست کی دل آزاری ہوئی ہو تو میں مافی مانگتا ہوں

مگر یہی سچ ہے اور سچ کڑوا ہوتا ہے

اب عبدالرحمٰن کو اجازت دیں اگر آپ کی اجازت ہو گی تو اگلا مضمون بیان کروں گا

وسلام عبدالرحمٰن