اویسی

محترم تھانیدار صاحب
السلام علیکم
ایبٹ آباد میں 4 آدمی مرگئے تو کیا قیامت آگئی، بلور
موضوع میں پوسٹ نمبر15 میں wajee نے جو بیان صادر فرمایا ہے
کا نوٹس لیا جائے اور انکو قرارواقع سزا دی جائے کیونکہ ان کا یہ بیان ملک توڑنے کی سازش ہے ۔
یہ موضوع بلور کے ایک غلط بیان سے شروع ہوا تھا مگر wajee نے اس میں شر انگیز باتیں شروع کر دیں۔ بات ملک کو بچانے سے شروع ہوئی اور ملک توڑنے تک پہنچ گئی جس کا سہرہ wajee کے سر جاتا ہے ۔ اگر اس سے انکی مراد پاکستان ہےتو انکا یہ بیان ملک توڑنے کی کوشش ہے جوکہ قانون میں مجرم ہے۔اگر سندھ ہے تو بھی یہ ملک توڑ نے کی بات ہے کیونکہ الگ صوبہ کا مطالبہ ایک الگ بات ہےمگر انہون نے توڑنا کا لفظ استمعال کیا ہے جو کہ مجرم سازش اور غداری میں آتا ہے۔ انہوںنےالگ صوبہ کا نام نہیں لیا بلکہ ملک یا سندھ کو توڑنے کی بات کی ہے۔ نوٹس لیا جائے۔ انکو اس شر انگیز حرکت پر فورم سے بین کیا جائے۔ اور یہ فورم ممبر سے معافی مانگ کر محب وطن پاکستانی ہونے کا ثبوت دیں۔
شکریہ
اللہ ملک پاکستان کی خیر ہو

حیدر

اویسی بھائی میرا خیال ہے ایسی کوئی بات نہیں ، وہ الفاظ کے استعمال میں غلطی کر گئے ورنہ انکا مقصد کسی کی دل آزاری نہیں۔ اصل میں وہ گزشتہ کچھ عرصہ سے چند نامعلوم وجوہات کی بنا پر کافی جذباتی ہو گئے ہیں ۔تاہم انکی حب الوطنی شک شبہ سے باہر ہے۔واللہ عالم

اویسی

بدرالزمان صاحب آپ بھی تو انکے ہم خیال ہی ہیں کیونکہ مراسلہ نمبر 15 جس میں wajee نے ملک توڑنے کی بات کی ہے اس میں صرف آپ ہی وہ واحد شخصیت ہیں جنہوں نے اس مراسلہ میں وجی کا شکریہ ادا کیا ہے۔ کسی اور فورم ممبر نے ایسیا نہیں کیا ۔ اس سے یہ بات واضع ہوتی ہے کہ آپ اسکے ہم خیال ہیں اور اب اسکی طرف سے وکلالت کرنے کیلئے تھانہ میں تشریف لائے ہیں۔
آپ کہتے ہیں وہ جذباتی ہوگئے تھے بت انہوں یہ بیان صادر فرمایا تو میں کہتا ہوں کہ انہوں نے جذبات میں آکر ملک کی سلامتی کیوں نہ مانگی ؟ یہ کس قسم کے جذبات ہیں کہ ملک توڑنے کی بات کردی۔؟
میں فورم انتظامیہ سے درخواست کرتا ہوں کہ وجی کو بین کیا جائے۔ کیونکہ یہ جذباتی طور پر ملک کو توڑنا چاہتے ہیں۔ انکے جذبات ملک کی سلامتی کے حق میں نہیں ہیں بلکہ انکے جذبات ملک توڑنے حق میں ہیں۔ایسا جذبہ کسی پاکستان کا تو نہیں ہوسکتا، کوئی پاکستان جذبات میں آکر ملک توڑ کا ارادہ تو نہیں کر سکتا ہے۔
"ہندوستان کو توڑ دیا یہ کیا چیز ہے"

اللہ ملک پاکستان کی خیر ہو

نورالدین

ہا ہا ہا
شکایت میں وزن نہيں ہے
میرے خیال سے (یہ محض خیال ہے آپ چاہيں تو تصحیح کر سکتے ہیں )
انہوں نے یہ شکایت صرف اس لیے کی ہے تا کہ
فورم کے لسٹ پیج پر کافی عرصے سے ایک ہی شکایت لگی نظر آ رہی تھی اویسی کے نام کی
' اویسی صاحب کی بد زبانی '
اس کو وہاں اسکرین سے گول کیا جا سکے
کیوں کہ جتنا عرصہ وہ شکایتی ہیڈنگ نظر آتی رہتی
اویسی صاحب کا امیج اتنا ہی بگڑتا جاتا خاص کر نئے لوگوں کے نظروں میں
کیا میں صحیح کہہ رہا ہوں

__________________
انسان کو زندگی میں وہی کام کرنا چاہیے جس کی اسے ضرورت ہو ۔

اویسی

لو جی اسکی کمی تھی ! آگیا نور دین
نور دین عقل سے کام لو!
مانا کہ میرے اور تمہارے درمیان مذہبی اختلاف ہے مگر یہ ملکی سلامتی کا سوال ہے۔ کبھی تو عقل کی بات کر لیا کردو؟ یا تمہیں بھی ملک پاکستان کی سلامتی سے کوئی سروکار نہیں ہے، صرف مخالف ہی کرنی آتی ہے۔ میری مخالف ضرور کرو مگر خدارا ملک پاکستان کی مخالف مت کرو۔
اس کے جملے پر غور کرو
"ہندوستان کو توڑ دیا یہ کیا چیز ہے"
کیا یہ ملک کو توڑنے والی بات نہیں ہے؟
پہلے تم نےکہا کہ ریحان حیدر ہی ایک نام "اویسی" سے فورم میں آگیا ہے۔ مگر تم اس بات کو ثابت نہیں کر سکے اب ایک اور نیا ڈرامہ کر دیا
"انہوں نے یہ شکایت صرف اس لیے کی ہے تا کہ
فورم کے لسٹ پیج پر کافی عرصے سے ایک ہی شکایت لگی نظر آ رہی تھی اویسی کے نام کی
' اویسی صاحب کی بد زبانی '
اس کو وہاں اسکرین سے گول کیا جا سکے"
اگر زیادہ ہی شوق ہے کہ میرا ہی نام تھانہ میں نظر آئے تو ایک اور شکایت کردو۔ تم اور کر بھی کیا سکتے ہو۔ میرے کسی بھی مراسلے سے یا ایسی مراسلہ سے کوئی بات اٹھاو اور تھانہ میں پیش ہو جاو۔ میں اپنا دفاع کرنے کوتیار ہوں۔


اللہ ملک پاکستان کی خیر ہو
--------------------------------------
ہمیشہ حق کا ساتھ دینا چاہیے

wajee

جناب میں نے سندھ کے الگ صوبے میں توڑنے کا کہا ہے نہ کہ ملک

پاکستان ہمارا ملک ہے اس پر آنچ بھی نہیں آنے دیں گے چاہیے کچھ بھی ہو جائے۔

اور رہی بات توڑنے کی تو سندھ کے ٹکڑے تو ہو نگے الگ صوبہ بنے گا اس پر قائم رہو گا۔

بدر بھائی آپکا بہت بہت شکریہ اور نورالدین بھائی آپکا بھی

__________________

نورالدین

وجی بھائی نے جو کچھ کہا اور اسے اویسی صاحب نے جن معنوں میں لیا اس سے قطع نظر
کہ کہنا چاہیے کہ نہیں
اس قسم کے الفاظ سے گریز کر کے کیا ہم آنے والوں قیامت سے آنکھیں چرا رہے ہیں


سن 1971 میں مشرقی پاکستان کے ٹوٹتے وقت بھی یہی سوچ تھی کہ
پاکستان کے ٹوٹنے کا سوچو بھی نہيں
لیکن کیا ہوا ملک ٹوٹ گیا
کیا فائدہ ہوا حقائق سے منہ چھپانے کا
یہاں تک کہ اصلاح کرنے والے بھی ڈرتے تھے
کہ اگر ہم نے تنقید برائے اصلاح کے لیے بھی پاکستان پر آنے والے مصیبت ( پاکستان کے دو ٹکڑے ہونے ) کا تذکرہ کیا تو ہم ملک دشمن کہلائیں گے
وجی بھائی نے جو کچھ کہا وہ حقیقی اندیشوں کی نشان دہی کے زمرے میں آتا ہے

یہ انتہائی بچکانہ سوچ ہے کہ ایک طرف ہمارے ملک میں ملک کوتو ڑنے والي کوششیں بھی ہو رہی ہیں
یہاں تک بعض علیٰحدگي پسند تحریک بھی چل رہی ہيں جس میں سر فہرست بنگلہ دیش بنانے والے تحریک تھی اور آج سندھو دیش تحریک ہے
دوسری طرف ہم اپنی غلطیوں کی نشان دہی کے بجائے اس کو خوف اور وہم سے دبانے کی کوشش کریں ۔
ایسے کئی لوگ ہیں جو ملک کو توڑنے والی قوتوں کے خلاف عوام کو جگا جگا کر تھک گئے ہیں
مگر یہ قوم جاگ نہيں رہی تو ایسے میں یہی کہا جائے گا کہ جو قوم خود اپنی حالت بدلنا نہيں چاہتی
اللہ اس قوم کی حالت کیسے بدلے گا ۔ بڑے سے بڑے دھماکے بھی اس قوم کو جگا نہیں سکتے تو
تب تو آنے والے وقت کے لیے تیار رہنا چاہیے

سانحۂ مشرقی پاکستان کے وقت چند عناصر علیٰحدگی چاہتے تھے اور یہ انتہائی خود غرضانہ اور بد ترین فیصلہ تھا
جس کی سزا باقی ملک کے لوگوں کو بھی بھگتنا پڑی
اب سوال یہ اٹھتا ہے کہ باقی لوگوں نے کیا قصور کیا تھا کہ انہيں بھی ملک ٹوٹنے کی مصیبت بھگتنا پڑی
اس کا جواب ہے اویسی صاحب جیسے لوگو ں کی یہ سوچ
کہ برائی کی نشان دہی کے بجائے شتر مرغ کی طرح ریت میں سر دبا لو ۔۔
اور ان ملک دشمن عناصر کے خلاف آواز اٹھانے پر بھی عوام پر اثر نہ ہو تو پھر یہی کہا جائے گا
جو وجی صاحب نے کہا ہے اپنے مراسلے میں برائے اصلاح جو آپ کرنا نہيں چاہ رہے ۔

بقول شاعر
رگوں میں وہ لہو باقی نہیں ہے
وہ دل وہ آرزو باقی نہیں ہے
نماز و روزہ و قربانی و حج
یہ سب باقی ہیں توُ باقی نہیں ہے

اویسی

اللہ میرے ملک کو نور دین اور وجی جیسی سوچ رکھنےوالے لوگوں کے شر سے محفوظ رکھے۔ اور ملک کو ٹکٹرے ٹکٹرے ہونے سے بچائے۔آمین

حیدر

اویسی بھائی چونکہ میرا اس فورم پر آنا جانا کافی کم ہو گیا ہے اسی لیے آپ میرے بارے میں کافی کم جانتے ہیں۔ الحمد للہ میں کسی قسم کی مذہبی یا قومی و علاقائی تعصب کی سوچیں نہیں رکھتا۔ اگر مجھے غلطی نہیں ہو رہی تو وجی بھائی سے میری اسی قسم کے موضوعات پر کافی بحث مباحثہ ہو چُکا ہے۔میں ذاتی طور پر قومیت کی بنیاد پر علاقائی تقسیم کے خلاف ہوں ۔لیکن دوسروں کے نظریات و خیالات کا بھی احترام کرتا ہوں۔

میں نے وجی بھائی کا جو شکریہ ادا کیا ۔ ۔ ۔"میں اکثر اوقات شکریہ اس لیے ادا نہیں کیا کرتا کہ مجھے ان سے اتفاق ہے بلکہ شاید میں نے کبھی بھی شکریہ اس بنیاد پر نہیں ادا کیا۔ میرا شکریہ ادا کرنے کا مقصد یہ ہوتا ہےکہ چلو ہم تو حصہ نہیں لے پا رہے کوئی تو ہے جو ٹاپک کو جاری و ساری کیے ہوئے ہے۔میں اختلاف والی جگہوں پر بھی شکریہ ضرور ادا کرتا ہوں۔ ہاں سہواً رہ جائے تو الگ بات"

امید ہے آئیندہ سے آپ "شکریہ" والے معاملے کو "رائے سے اتفاق" والے معاملے سے الگ رکھیں گے۔

میں پھر کہوں گا کم از کم مجھے اس فقرے میں کوئی منفی بات نظر نہیں ائی تھی۔ لیکن معذرت کے ساتھ ۔ ۔ ۔ میں اس طرف بھی اشارہ کر دوں کہ آپ نے وہ زیر موضؤع معاملہ پر وجی صاحب کا موقف سمجھے بغیر ان پر الزام لگا دیا کہ "ذیلی ناظم وجی کی ملک توڑنے کی بات"۔ یہاں پر میں یہ ضرور کہوں گا کہ ان کے ساتھ زیادتی کی گئی ہے۔بھلے سے آپ انکو سندھ توڑنے والے معاملے پر غلط کہیں مجھے کوئی اعتراض نہیں۔ مجھے اعتراض اور دکھ صرف یہ ہے کہ ان پر ملک توڑنے کی بات کرنے کا الزام لگایا گیا ہے۔ امید ہے آپ میرا مقصد سمجھیں گے انشا اللہ۔

نوٹ: میری وجی بھائی سے نہ کبھی ملاقات ہوئی، نہ فون پر بات، نہ کبھی پی ایم یا چیٹنگ۔اس لیے کوئی بھائی میری انکی حمایت کرنے کو گروپ بندی یا کوئی اور رنگ نہ دیں مہربانی۔

اویسی

شکریہ بدر صاحب
مگر سندھ توڑنا بھی تو ملک پاکستان کو توڑا ہے۔ کیا سندھ پاکستان سے باہر ہے؟سندھ توٹنے سے بھی تو ملک کمزور ہوگا۔
شکریہ بدر صاحب ایک بار پھر

اللہ ملک پاکستان کی خیر ہو

shafresha

بھائی اویسی السلام علیکم،
ملک میں‌نئے انتظامی صوبے بنائے جانے کا مطالبہ کوئی نئی بات نہیں ہے اور نئی اکائیوں‌کے بنائےجانے سے ملک (خدانخواستہ) ٹوٹنے کا کوئی امکان نہیں‌ہے۔

بدر بھائی نے نے درست فرمایا، کسی بھی مُراسلے پر "شکرئیے" کا بٹن دبنا اُس مراسلے کی حمایت کرنا نہیں‌بلکہ بسا اوقات اسے بات کی نشاندہی کرنا ہوتا ہےکہ آپ کا مُراسلہ یا موقف پڑھ لیا گیا ہے۔

کنعان

السلام علیکم اویسی بھائی جان

آپ کو جو نظر آیا اس کے مطابق آپ کا رائٹ ھے آپ نے تھانہ سیکشن میں رپورٹ درج کروائی اس میں کوئی برائی نہیں اس پر آپ کو کچھ سینئر ٹیم ممبران نے فوراً ایکشن لیتے ہوئے آپ کو اس کے بارے میں روشنی ڈالی۔ باقی سینئر ٹیم ممبران کے علاوہ آپ کو اگر کسی کی بات اچھی نہیں لگی ہو تو اسے آپ اگنور کر دیں۔

چلیں اویس بھائی میں بھی آپ کو اس پر کچھ معلومات فراہم کرتا ہوں امید ھے آپ اسے بغیر کسی ناراضگی کے سمجھنے کی کوشش کریں گے۔

فارم میں جتنے بھی پرانے نورمل ممبران صاحبان ہوتے ہیں سب ایک دوسرے کی نیچر کو اچھی طرح جانتے ہیں کہ کون کس چیز کو پسند کرتا ھے اور کس کو ناپسند، کون سے شعبے میں زیادہ دلچسپی رکھتا ھے، کس طرح کی بلاگنگ کرتا ھے وغیرہ وغیرہ۔
آپ جو wajee بھائی کی رپورٹ تھانہ سیکشن میں درج کروائی ھے اس طرح کی رپورٹ کا طریقہ کار یہ ہوتا ھے کہ پہلے آپ wajee بھائی سے اس بات کی تصدیق کرتے کہ ان کا یہ لکھنے کا کیا مقصد تھا۔ ہو سکتا ھے جو سنٹنس انہوں نے لکھا آپ کے سمجھنے میں غلطی ہو گئی، تو اس پر wajee بھائی آپ کو اس پر ضرور مزید تشریح میں کلیئر کرتے کہ جو انہوں نے لکھا ھے اس کا مطلب کیا تھا۔ اگر تو جواب نیگیٹو میں ہوتا تو پھر تھانہ سیکشن میں رپورٹ درج کرتے تو سٹرونگ ہونی تھی اور اگر جواب مثبت میں ہوتا تو پھر جو سمجھنے میں غلطی تھی وہ دور ہو جانی تھی۔
اویسی بھائی اس پر میں آپ کو ایک مثال پیش کرتا ہوں، میں نے ایک مرتبہ ایک پوسٹ لگائی تھی جس پر سافرشہ بھائی نے جواب دیا کہ میں نے جو پوسٹ لگائی ھے وہ شائد پڑھے بغیر ہی کاپی پیسٹ کر دی ھے، اور یقیناً ایسا ہی ہوا تھا۔ اسطرح wajee بھائی بھی بہت اچھے ٹیم ممبر ہیں آپ بھی اچھے ہیں پھر بھی ہر ممبر کو رائٹ ھے کہ جس کی بات سمجھ نہ آئے اس کو ایک بار اس کا موقف ضرور پوچھنا چاہئے۔ امید کرتا ہوں آپ کو حالات سے آگاہی ہو گئی ہو گی۔

والسلام

__________________

ھارون اعظم

میرے خیال میں Wajee بھائی کی وضاحت کے بعد کوئی شک و شبہ باقی نہیں رہنا چاہیئے۔ البتہ میری درخواست ہے سب دوستوں سے کہ کچھ پوسٹ کرنے سے پہلے اگر ایک بار پڑھ لیا جائے تو اس طرح کی غلط فہمیاں شائد پیدا نہ ہوں۔

__________________


http:// haroonazam.wordpress.com

ھارون اعظم کا بلاگ۔

wajee

شکریہ تمام دوستوں کا۔

اب بات ہو جائے صوبہ بنانے کی تو میں اسکی وضاحت کر دیتا ہو کہ میں سندھ میں ایک اور صوبہ بنے کا کیوں کہہ رہا ہو ۔ مجھے بہت سے لوگوں (نام نہیں لکھ سکتا) سے معلوم ہوا ہے کہ دس سال کے اندر سندھی فوجی بغاوت کرنے والے ہیں اور سندھ کو الگ ملک بنانے والے ہیں۔میں نے خود دیکھا ہے کہ سندھی فوج میں بہت زیادہ بھرتی ہو رہے ہیں اور مقصد بھی یہی ہے۔اگر سندھ میں سے ایک اور صوبہ بن گیا تو وہ تحریک دم تھوڑ جائے گی۔ مجھے پاکستان پیارا ہے جبھی میں نے ایسا لکھا۔

اویسی

اللہ نہ کرئے۔۔۔
ہو سکتا ہے کہ آپکی پیش گوئی درست ہو، مگر وجی بھائی میرے خیال میں اس مسئلہ کا کوئی اور حل تلاش کرنا چاہیے،
اگر وہ لوگ ملک توڑنے کا ارادہ رکھتے ہیں تو آپ کے ارادے بھی نیک نہیں ہیں اس کے بھی بہت برے اثرات مرتب ہونگے۔ لسانی بنیاد پر حاصل ہونے والے صوبے میں دوسری زبان بولنے والوں کو زیادتی کا نشانہ بنایا جائےگا۔ اور نشانہ بناے گا عام آدمی۔ اس وقت ملک کے ہر عام آدمی کے ظلم ہو رہا ہے خواہ اسکی کوئی بھی زبان ہوں۔اور ظلم کرنے والے ہر زبان کے سرمایہ دار ہیں۔ انکی کوئی زبان نہیں انکی زبان صرف سرمایہ ہے۔
ہمیں ان لوگوں کے خلاف کام کرنے چاہیے نہ آپس میں لسانی بینادیوں پر تقسیم، فرض کریں آپ لسانی بنیاد پر ایک الگ صوبہ حاصل کر لیتے ہیں تو اس بات کی کیا گارنٹی ہے کہ آپکی زبان بولنے والے ہر غریب حقدار کو اسکا حق ملے ؟ نہیں ملے گا کیوں پہلے دوسری زبان بولنے والا سرمایہ دار اپکا حق صلب کر رہا تھا پھر آپکی اپنی زبان بولنے والا سرمایہ دار آپکا حق صلب کرئے گا۔ پھر کیا کریں گے؟ پھر مذہبی بیناد پر ان صوبوں کو مزید تقسیم کریں گے یا کسی اور بیناد پر ؟ یا یہ ہوگا کہ شاید پھر عوام کو عقل آجائے اور وہ سرمایہ دار کے خلاف اٹھا پڑییں۔؟
تو یہ آخری والا کام ہم آج ہی کیوں نہیں کر لیتے کیوں ہر زبان بولنے والا آج محرومی کا شکار ہے ظلم کا شکار ہے۔
سرمایہ دار کے ظلم کا شکار۔ سرمایہ دار کی کوئی زبان نہیں اسکی زبان صرف سرمایہ ہے۔
امید ہے آپ میری بات سمجھ گئے ہونگے۔
میں صاحب علم نہیں، مگردرد دل رکھتاہوں۔

اللہ ملک پاکستان کی خیر ہو