محمدعدنان

بھارتی حکام کا کہنا ہے کہ شمال مغربی انڈیا کی ایک پناہ گاہ میں معدوم ہوتے شیروں کے چودہ نئے بچے دیکھےگئے ہیں ۔
راجھستان میں رنتھمبور نیشنل پارک کے حکام کا کہنا ہے کہ شیروں کے یہ بچے کئی دفعہ دیکھے گئے ہیں اور یہ بچے ایک ماں کے نہیں ہیں۔

شیروں کی تیزی سے گھٹتی ہوئی تعداد کے بعد اس طرح کے خوش کن منظر کا دیکھا جانا ان کی نسل کے بچاؤ کے سلسلے میں کیے گئے اقدامات میں ایک اہم پیش رفت ہے۔

شیروں کی تعداد سے متعلق جاری ایک سروے کے مطابق بھارت میں صرف چودہ سو گيارہ شیر رہ گئے ہیں جو کہ دنیا میں پائے جانے والے شیروں کی آدھی تعداد ہے۔ جبکہ آخری گنتی کے مطابق رنتھمبور نیشنل پارک میں صرف بتیس نایاب شیر تھے۔

رنتھمبور پارک میں سنہ دو ہزار چار میں دیکھے جانے والے شیروں کی تعداد چھیالیس تھی جو بعد میں کم ہو کر بتیس رہ گئی تھی۔پارک کی انتظامیہ اس سال جون میں نئے اعداد و شمار جاری کرے گی جس میں شیروں کے یہ بچے بھی شامل ہوں گے۔

رنتھمبور کے ڈپٹی فیلڈ ڈائریکٹر آر ایس شیخونت کا کہنا ہے کہ ’پارک میں ان بچوں کا اضافہ ہم سب کے لیے ایک خوشخبری تھی۔،

بی بی سی سے بات کرتے ہوئے انہوں نے کہا کہ ’اس مثبت پیش رفت کا کریڈٹ ریاست ، وفاقی حکومت، محکمہ جنگلات کےحکام اور مقامی لوگوں کو جاتا ہے۔،

بی بی سی کے نامہ نگار نارائن باریٹھ کے مطابق محکمہ جنگلات کے حکام کو ان نایاب شیروں کے لیے مزید جگہ کی ضرورت ہے۔

مسٹر شیخونت کا کہنا ہے کہ ’ ہم کوشش کر رہے ہیں کہ ان شیروں کی رہنے کی جگہ میں اضافہ کیا جائے کیوں کہ ان کی تعداد بڑھ رہی ہے اور ان کی پرورش کے لیے ہمیں زیادہ جگہ چاہیے۔،

اس پارک کے ارگرد تقریباً سو کے قریب دیہات ہیں اور شیروں کی تعداد کے بڑھنے کے ساتھ انسانوں کے ساتھ ان کے تصادم کا خطرہ بڑھ جائے گا۔ یہی وجہ ہے کہ وائلڈ لائف ٹرسٹ آف انڈیا کے سٹیٹ کو آرڈینیٹر مہیندرا کچوا کا کہنا ہے کہ انہوں نے پارک کے لیے حفاظتی انتظامات سخت کرنے کا حکم دیا ہے۔

بی بی سی سے بات کرتے ہوئے انہوں نے بتایا کہ ’آپ سب جانتے ہیں کہ پارک ان شیروں کے غیر قانونی شکار کرنے والوں کے لیے آسان ہدف ہے۔،

ریاست راجھستان کی حکومت پر بھارت کی حکومت کا دباؤ ہے کہ وہ ان لوگوں کے خلاف سخت اقدامات کریں۔

یاد رہے کہ بھارت کے وزیرِ اعظم منموہن سنگھ نے اس برس کے آغاز میں راجھستان کے سرسکا علاقے میں شیروں کے غیر قانونی شکار کے بعد اس کی نسل کے خاتمے سے متعلق رپورٹوں کے سامنے آنے کے بعد ایک ٹاسک فورس قائم کی تھی۔

جنگلی حیات کے ماہرین نے شیر کے بچوں کی اس خبر کو خوش آئند قرار دیا ہے۔ مگرنایاب جانوروں کو بچانے کے اداروں کا کہنا ہے کہ اگر چہ گزشتہ کچھ برسوں میں شیروں کے تحفظ کے لیے بعض اقدام کئے گئے لیکن وہ ناکافی ثابت ہوئے ہیں اور شیروں کی تعداد مسلسل کم ہورہی ہے۔اور اس سلسلے میں ہنگامی بنیادوں پر مزید اقدامات کرنے کی ضرورت ہے۔

خیال کیا جاتا ہےکہ گزشتہ پانچ سالوں میں چار سو سے زیادہ شیر لاپتہ ہوئے ہیں۔ کم ہوتے شیروں کی تعداد کی وجہ غیر قانونی شکار اور کم ہوتے جنگلات کو مانا جاتا ہے۔ ایک اندازے کے مطابق ایک صدی قبل بھارت میں تقریباً چالیس ہزار شیر پائے جاتے تھے۔

__________________

The Great

واہ
کیا کمال کی معلومات ھے۔

عزیزامین

عدنان صاحب ماشا اللہ بہت اچھی معلومات ہیں شکریہ

عبدالقدوس

جنگلی حیات میں منتقل کردیا ہے

عزیزامین

میں جنگلی حیات کا تھریڈ بنانے پر منتظمین اور اسکو پسند کرنے پر آپکا بت حد مشکور ہوں شکریہ

عزیزامین

کیا آپ بتا سکتے ہیں جیگور پینتھر ٹائیگر لیوپرڈچیتا میں کیا فرق ہوتا ہے کچھ ویڈ یوز تحریریں اور تصویریں بھی ہو جایں تو بہتر شکریہ خدا حافظ

Haya 786

آجکل جانور نایاب ھیں جس حساب سے بھوک بڑھ رھی ھے اور جنگوں میں لوگ مارے جا رھے ھیں انسان بھی نایاب ھو جائیں گے دنیا میں صرف بم رہ جائینگے

ابن جلال

تو پھر بم بے چارے کا کیا ہوگا؟؟؟

Atia jamali

وہ سوچیں گے کہ جب انسان ہی نھیں رہے جن پر ہمیں پھٹنا تھا تو دینا میں امن ہو جائے گا

ابن جلال

امن کا پھر کیا ضرورت ،اس سے کیا پکوڑے بنائے جائینگے ؟؟؟؟

عزیزامین

میرا سوال گول ہو گیا شاید؟

ابن جلال

نہیں بھائی ابھی تک گول نہیں ہوا۔ خیر تمام ممبران سے گزارش ہے کہ وہ اصل موضوع کی طرف توجہ دے۔

nsa47

خوب ۔

عروج

واہ بچے یہ تو کیوٹ ھی ھوتے ھیں۔

نیلم خان

اچھی شئیرنگ ہے عدنان بھائ ۔