جواد رضا خان جامی

ابھی یہ زندگی ہم پر بدل جائے تو اچھا ہے
بہت سی ٹھوکریں کھائیں سنبھل جائے تو اچھا ہے
یہ کیا ہر ایک پل جینا یہ کیا ہر ایک پل مرنا
بس اک دم دل غم فرقت سے جل جائے تو اچھا ہے
امیدیں ہیں میرے ماں باپ کو مجھ سے گلستاں کی
بہاروں میں خزاں میری جو ڈھل جائے تو اچھا ہے
برائی کی شمع جلتی رہی مجھ میں برسوں سے
یہ شمع ایک ہی دم میں پگھل جائے تو اچھا ہے
ہزاروں ہی اندھیرے ہیں میری تاریک دنیا میں
کرن دے کوئی اندھیارا یہ ٹل جائے تو اچھا ہے
شکستہ پا ہوں پا میں آبلے ہونٹوں پہ چھالے ہیں
میری ہر معصیت کا زہر گل جائے تو اچھا ہے
کوئی شکوہ نہیں اس زندگی سے رب دو عالم
مگر یہ جاں بدن سے اب نکل جائے تو اچھا ہے
ترا جامی میرے حامی میرے سرور میرے مولیٰ
تمہارے در کے ٹکڑو، پر جو پل جائے تو اچھا ہے

زارا

السلامُ علیکم
اچھی شاعری ہے۔
شیئرنگ کا شُکریہ