جواد رضا خان جامی

بس کہ زیر آسماں ہم سے جیا جاتا نہیں
اور کوئی مہرباں سوئے زمیں آتا نہیں
جان ہے جب تک بدن میں ہیں مصائب بیشمار
کس طرح ہوگا سکوں کوئی یہ فرماتا نہیں
مرض گر ہے لادوا تو جان کیوں جاتی نہیں
ہے دوا تو کیوں مسیحا جی کو بہلاتا نہیں
کون جانے کہ جہنم بن گئی ہے زندگی
اب تو اس دوزخ میں رہنے کو یہ جی چاہتا نہیں
پھر سجا لیں گے ہنسی غم کی چٹانیں توڑ کر
کیا کریں کہ وہ بھی تو احباب کو بھاتا نہیں
میں جہاں جاؤں غموں کا ایک لشکر ساتھ ہے
بس اسی باعث کہیں بھی آجکل جاتا نہیں
سب کی نظروں میں ہم ہی ہیں مورد الزام اور
دوسرے احباب کو کوئی بھی سمجھاتا نہیں
سب برا کہتے ہیں جامی کو برا بیشک ہے تو
یاالٰہی کیوں برے کو کوئی دفناتا نہیں

The Great

بہت اچھی شاعری پوسٹ کی ھے بھائی نے۔۔۔۔۔۔۔۔