جواد رضا خان جامی

تڑپ رہے ہیں تیرے دیوانے
خبر کیا تجھ کو ہاں تو کیا جانے
تیری وفا کے گلاب لمحے
کبھی جو تھے ماہتاب لمحے
تمہاری خوشبو سے کھل رہے تھے
محبتوں کے شباب لمحے
تمہارے پیکر میں ڈھل رہے تھے
میری وفا کے نصاب لمحے
تمہاری چاہت میں چھپ رہے تھے
ہر ایک لمحہ کتاب لمحے
نہ جانے کیسے بدل گئے ہیں
شباب لمحے سراب لمحے
کوئی انہیں پھر سے کھینچ لائے
کہاں گئے ہیں وہ خواب لمحے
بتا رہا ہوں میں کس طرح سے
یہ زندگی کے عذاب لمحے
بکھر گئے ہیں میرے ترانے
خبر کیا تجھ کو ہاں تو کیا جانے
سکون دن نہ آرام شب کو
نصیب کب ہے منام شب کو
تمام دن فکر روزی پھر ہوں
میں یاد جاں کا غلام شب کو
تڑپنا ، جگنا ، سسکنا ، رونا
یہی ہے سارا نظام شب کو
تمام دن ہونٹوں پہ خموشی
تجھ ہی سے پھر ہے کلام شب کو
غم محبت ہے اس میں روشن
سو دل کے لاکھوں سلام شب کو
یہ کہنا کوئی تڑپ رہا ہے
آرام ہے اس پر حرام شب کو
یہ سوتی آنکھوں کو جا کے دینا
اے خواب لے جا پیام شب کو
خوشی کو گذرے کئی زمانے
خبر کیا تجھ کو ہاں تو کیا جانے

زارا

السلامُ علیکم
اچھی شاعری ہے۔
شیئرنگ کا شُکریہ