جواد رضا خان جامی

جب درد کا معطی مسیحا ہو پھر کیسے درد کا درماں ہو
پھر کیسے درد تھمے دل کا جب درد میں اس نے رکھا ہو
یوں پاؤں ہیں زخمی دلبر کے وہ پاؤں سے دل توڑ آئی ہے
شاید کہ شیشے سے دل کا کوئی ٹکڑا اس کو چبھتا ہو
دل تم کو دیا تھا یوں ہم نے کہ درد سے اس کو نکالو گے
پر تم نے دل کو توڑ دیا تم اچھے یار مسیحا ہو
دل کی دھڑکن یوں تیز ہوئی جیسے کچھ ہونے والا ہو
شاید اس نے کچھ سوچا ہو یا شاید مجھ کو دیکھا ہو
جب پھول کی بو خوشبو نہ لگے جب چاندنی بھی اندھیر لگے
تو سمجھو عشق نے پھونک دیا من میں جو دیپ سلگتا ہو
کیا پھر کوئی دل اب ٹوٹ گیا کیوں ندی نالے جل تھل ہیں
یا شاید ساون برکھا ہو یا کوئی ٹوٹ کے رویا ہو
اے کاش کہ اس ماہ رو کو ہم دنیا سے چرا کر لے جائیں
ہم دونوں اگر یوں مل جائیں تو یارو کیسا اچھا ہو
میں پھرتا ہوں بستی بن میں اور ڈھونڈتا ہوں جنگل صحرا
مل جائے کوئی جامی ایسا جو شاعر ہو جو انشاءہو

The Great

بہت اچھی شاعری پوسٹ کی ھے بھائی نے۔۔۔۔۔۔۔۔