جواد رضا خان جامی

گر میرا یار چھینا مجھ سے میں ارض سما دہلا دوں گا
کوشش نہ کرے کوئی ایسی ورنہ دھرتی پلٹا دوں گا
یہ سارے زمانے سے کہہ دو دیوار نہ اپنے بیچ بنے
سارے کہسار اڑا دوں گا ہر اک دیوار گرا دوں گا
گر میلی آنکھ سے بھی کوئی میرے دلبر کو دیکھے گا
آنکھوں میں تیر چبھا دوں گا ان آنکھوں کو پتھرا دوں گا
جو شامت کا مارا تجھ کو اس دل سے چرانے آئے گا
بس اس کا سر کٹوا دوں گا میں اس کا نام مٹا دوں گا
دریا گہرے اونچے پربت جو بھی رستے میں آئیں گے
ہر ایک نقش مٹا دوں گا سارے طوفان جلا دوں گا
اس کی جھیلوں سی آنکھوں کے اے بحر مقابل مت ہونا
میں لہروں کو دفنا دوں گا پانی میں آگ لگا دوں گا
مدہوش ہوا تھم تھم کے گزر نہ چھیڑ تو اس کے آنچل کو
ورنہ تجھ کو دہکا دوں گا دیواروں میں چنوا دوں گا
میں اس کی محبت کی راہ میں واپس مڑنا ہی بھول گیا
گر وہ نہ ملی میں جاں دوں گا خود اپنی لاش جلا دوں گا
احساس اکیلے پن کا جب مجھ کو آکر تڑپائے گا
میں تیری یاد سجا دوں گا اور تجھ پہ غزل بنا دوں گا
تیری زلف کی تیرہ راتوں میں پلکیں جب نیند سمولیں گی
میں تیرے خواب سجا دوں گا ان کو تعبیر بنا دوں گا
اے جان وفا اے قلب نشیں تو میرا ساتھ نبھائے تو
تیری راہیں مہکا دوں گا راہوں میں پھول بچھا دوں گا
تم نے بھی بجا فرمایا ہے دیوانگی اتنی ٹھیک نہیں
یہ بات تیری بتلا دوں گا میں جامی کو سمجھا دوں گا

The Great

بہت اچھی شاعری پوسٹ کی ھے بھائی نے۔۔۔۔۔۔۔۔

عروج

ایسی ھی طبع آزمائ کرتے رھیں۔

عبداللہ آدم

..................................بری بات