جواد رضا خان جامی

عجیب تر ہے محبت کی مسیحائی بھی
کروڑ خوشیاں ہیں تو غم ہیں انتہائی بھی
جہان اور ہی ہے پیار کرنیوالوں کا
وگر نہ دنیا میں لازم ہے جگ ہنسائی بھی
ہزار بار غم زیست کے ستم دیکھے
ہزار بار غموں سے ہوئی جدائی بھی
سوا تھا میرے غموں کا جو بوجھ تھا مجھ پر
سوا ہے تیرے تخیل کی بے وفائی بھی
یہ دل ہی ان کے شبستاں میں جلایاہم نے
جو شمع دل میں تھی روشن کہیں بجھائی بھی
ہنوز مجھ کو نہیں شوق محفل آرائی
کروں کیا بھا گئی ہے جامی یہ تنہائی بھی

زارا

السلامُ علیکم
اچھی شاعری ہے۔
شیئرنگ کا شُکریہ