جواد رضا خان جامی

لوٹ آنا ہے تو پھر آپ کا جانا کیوں ہے
اور ہر موڑ پہ یہ دیپ جلانا کیوں ہے
اک گھڑی کےلئے وہ دست حنائی دے دے
جان لیں ہم بھی کہ موسم یہ سہانا کیوں ہے
کون کہتا ہے کہ عرصہ ہوا برسات ہوئے
ان کے رخسار پہ بوندوں کا زمانہ کیوں ہے
کیسے کیسے تیری زلفوں میں بھٹکتے دیکھے
کیا کہیں تیرے تبسم کا فسانہ کیوں ہے
ایک میں کیا ہوں جسے دیکھئے گن گاتا ہے
میں تو پھر میں ہوں جہاں تیرا دیوانہ کیوں ہے
وہ یہ کہتے تھے کہ رک جائیے دو پل کےلئے
اب یہ کہتے ہیں کہا آپ نے مانا کیوں ہے
کون جانے کہ جدائی کے زخم کیسے ہیں
کون بتلائے غموں کا یہ خزانہ کیوں ہے
آخری وقت ہے کچھ دم میں جدا ہونا ہے
پھر یہ فرقت کی تمازت سے جلانا کیوں ہے
ان کے تلوؤں پہ میں قربان کروں تاج محل
ان سے پوچھو تو مزاج اتنا شاہانہ کیوں ہے
گر وہ ناراض ہوئے تجھ سے کبھی نہ جامی
پھر یہ ہر بار تیرا ان کو منانا کیوں ہے