جواد رضا خان جامی

محبتوں میں ہمیں جس قدر خسارا ہے
قصور اس میں تمہارا نہیں ہمارا ہے
گناہ یہ نہیں کہ ہم نے تم سے پیار کیا
گناہ یہ کہ تم پہ راز آشکارا ہے
اسی بھرم میں ہم پہ ظلم روا رکھتی ہے
اسے خبر ہے کہ دل کا وہی سہارا ہے
فقط ذرا سی محبت پہ اتنی بیزاری
ارے یہ بحر محبت نہیں کنارا ہے
اگر جو میری محبت کی قدر تم جانو
تو پھر تمہارا ہمیں ہر ستم گوارا ہے
میری وفاؤں کے محمل میں مثل لیلیٰ تو
تمہارے ہجر کے صحرا سے میرا یارا ہے
چلی جو دل میں ہمارے ہوائے کوئے یار
تو دل کے صحن میں کچھ اور ہی نظارا ہے
خزاں کا دور ہے بیرون دل زمانے میں
مگر درون دل بہار کا گذارا ہے
کبھی ہیں خوشبو میرے دل کی ساری آوازیں
کبھی یہ دل ہی میرے سینے میں ستارا ہے
کبھی تو آؤ دل جامی کو رونق بخشو
کہ اس کی ساری بہاروں پہ حق تمہارا ہے

زارا

السلامُ علیکم
اچھی شاعری ہے۔
شیئرنگ کا شُکریہ